ოზურგეთის მინიციპალიტეტის სოფელ შემოქმედში ორი ინტეგრირებული პროექტის პრეზენტაცია შედგა. “ჩემი ხელები “ და “მეწარმეობის სწავლებით, სკოლისა და თემის ერთობა“.
ორივე გაეთიანებული პროექტი პედაგოგებისა და მოსწავლეების გააქტიურებასა და სკოლის ცხოვრებაში თემისა და საზოგადოების ჩართულობას ისახავდა მიზნად.
პროექტში სკოლის თითქმის ყველა მოსწავლე და პედაგოგი იყო ჩართული. რომლებმაც საგნებისა თუ ჯგუფების მიხედვით, მეწარმეობასთან მიმართებაში თავიანთი საჭიროებები პრეზენტაციის სახით წარმოაჩინეს.
ღონისძიებაზე ვრცლად ისაუბრეს ერთი თვის განმავლობაში რა აქტივობები განახორციელეს პედაგოგებმა და მოსწავლეებმა.
სკოლის მოსწავლეებმა ჩაატარეს არაერთი მცირე კვლევა, რომლის მიზანს წარმოადგენდა კარდაკარ გამოკითხვის გზით შეეგროვებინათ ინფორმაცია თემის მოსახლეობის, მათი შემოსავლების ძირითადი წყაროების (ადრე და ახლა) შესახებ, ასევე, დაედგინათ მიგრაციის მაჩვენებელი ჩვენი სოფლის მაგალითზე.
დასახელდა მიგრაციის გამომწვევი მიზეზები: ახალგაზრდული სერვისცენტრების არარსებობა; უცხოელზე დაოჯახება; სასწავლებლად წასვლა; სამუშაოდ წასვლა; სამკურნალოდ წასვლა. მიგრაციაში მყოფნი ახლაგაზრდები დასაქმებული არიან სუპერმარკეტებში; მშენებლობეზე; კაფე-ბარებში; ავტოსერვისცენტრებში; სასტუმროებში; კვების ობიექტებში; ასევე, ტაქსის მძღოლებად.
შემოქმედის საჯარო სკოლის დირექტორის ნინო სადრაძის თქმით, ყველაზე მწვავედ მიგრაციის პრობლემა დგას სოფლებში და ეს ბავშვების მიერ მომზადებულ კვლევაშიც ჩანს.
“ბავშვებმა სხვადასხვა თემაზე მოამზადეს კვლევები. მინდა ერთი ფაქტი გავიხსენო, როდესაც ერთ-ერთი კლასში ჩატარდა ღონისძიება, სადაც მეშვიდე კლასის მოსწავლემ გუგა ონიანმა თქვა, რომ სკოლის დამთავრების შემდეგ სასწავლებლად წავიდოდა თბილისში და კარიერასაც იქ მოიწყობდა. მე მინდა, რომ გუგამ კარგი განათლება მიიღოს და თავის მუნიციპალიტეტს მოახმაროს მისი განათლება“, _ თქვა ნინო სადრაძემ.
ნინო სადრაძემ სცენაზე გუგა ონიანი იხმო და უთხრა:
_ გუგა, იმედია, შენი გადაწყვეტილება შეიცვალე და აუცილებლად მოახმარ შენ განათლებს გურიას.
გუგამ სკოლის დირექტორს პასუხი ლექსად უთხრა: „შემოქმედის ნისლში დავიორთქლები“.
შეხვედრაზე რამდენიმე წუთით საქართველოს პარლამენტის ეროვნული ბიბლიოთეკის დორექტორი გიორგი კეკელიძე მივიდა.
“შემოქმედი არის გურიის ერთ-ერთი უძველესი სოფელი. ეს კვლევები, რაც წარმოადგინეს ბავშვებმა, მეტად დამაფიქრებელია. მე, პირადად, რაც შემიძლია თქვენ გვერდით ვარ“, _ თქვა შეხვედრაზე გიორგი კეკელიძემ.
შემოქმედის საჯარო სკოლის მიერ გახორციელებული “პროექტი “ახალგაზრდა პედაგოგთა კავშირის“ მიერ იყო დაფინანსებული.
