შვეიცარიის ალპებში 4 მოთხილამურე და 2 ალპინისტი დაიღუპა. ამის შესახებ ინფორმაციას BBC ავრცელებს.
გავრცელებული ცნობით, ალპებში ძლიერ ქარიშხალს ტემპერატურის ვარდნა მოჰყვა.
განგაში მთამსვლელების საძებნად კვირას გამოცხადდა, თუმცა, უამინდობის გამო ძებნა გადაიდო.
პოლიციის ინფორმაციით, 5 მთამსვლელის მდგომარეობა ამ დრომდე მძიმეა.
როგორც ცნობილია, ალპებში მთაზე ასვლას 14 კაციანი ჯგუფი ცდილობდა.
