“სვიაზისტი” გოგოს ცხოვრების ქრონიკა

ლუბა სიხარულიძე ერთ-ერთი მათგანია, ვინც სამამულო ომის დროს საბრძოლო მოქმედებებში მონაწილეობდა. 18 წლის იყო, როცა ომი დაიწყო. ახლა ქალბატონი ლუბა 95 წლისაა. იგი ჩოხატაურის მუნიციპალიტეტის სოფელ შუა ამაღლებაში ცხოვრობს. მას 4 შვილი, 4 შვილიშვილი, 5 შვილთაშვილი და ერთი შვილთაშვილისშვილი ჰყავს. ვეტერანი ქალბატონი ჯანმრთელობას არ უჩივის, ოჯახსაც უვლის და წარსულსაც ხშირად იხსენებს.