“ჩვენ, ყველა მათ კითხვას შესაბამისი პასუხი გავეცით. ევროპული სტრუქტურის მესვეურებმა პირველი წყაროდან, ჩვენგან მიიღეს შესაბამისი ინფორმაცია. ჩემი აზრით, ეს ვიზიტი იყო სასარგებლო. ისინი ინტერესით ეცნობიან და ადევნებენ თვალყურს საქართველოში მიმდინარე პროცესებს. მე ვთვლი, რომ ეს იყო წარმატებული ვიზიტი” _ განაცხადა კბილაშვილმა.
“გურია ნიუსის” კითხვაზე _ უკვე მეხუთე თვეა “გურია ნიუსში” გამოქვეყნებულ მასალებზე დაყრდნობით თქვენთან განცხადება გვაქვს შემოტანილი, საერთო სასამართლოების საქმეს თან დაკავშირები, რომელსაც ვიდეო მასალაც ერთვის. ჯერჯერობით პროკურატურიდან არავინ შეგვხმიანებია. საერთოდ, ახდენთ თუ არა მედიაში გამოქვეყნებული მასალების ანალიზს? _ მთავარმა პროკურორმა არჩილ კბილაშვილმა განაცხადა:
“საერთოდ, არის ასეთი პოზიცია, რომელიც სისხლის სამართლის კოდექსის მოთხოვნაა. იქ არის ჩანაწერი, რომ პროკურორი, გამომძიებელი ვალდებულია დაიწყოს გამოძიება დანაშაულის ინფორმაციის მიღების შემთხვევაში. საკითხი დგება ასე: რა არის დანაშაულის შესახებ ინფორმაცია. ზოგადი განცხადება, აი ამ დაწესებულებაში გაფლანგვაა, ან მოხდა ცემა, ან რაღაცა სხვა ნეგატივის შესახებ, ეს არ არის თვითმყოფადი ინფორმაცია იმისთვის, რომ გამოძიება იქნას დაწყებული. გამოძიების დაწყების საფუძველი არის კონკრეტული იდენტიფიცირებადი ინფორმაცია, რომელიც გარკვეული ვარაუდის საფუძველზე იძლევა შესაძლებლობას ვივარაუდოთ, რომ დანაშაული მოხდა.
სახეზე უნდა იყოს აკონკრეტული ქმედება, ქმედების ჩამდენი პირი და კონკრეტული შედეგი. მაგრამ, ინფორმაცია, რომ სავარაუდოდ ეს მოხდა, ან ჩვენს ხელთ არსებული მონაცემებით ადგილი აქვს რაღაც გაფლანგვას, როგორც წესი, არ არის ვარგისი. თავისთავად გაზეთი მუშაობს პუბლიკაზე. ის უნდა გაიყიდოს. ამიტომ, გვესმის ისიც, რომ გაზეთების ენა ხშირ შემთხვევაში აცდენილი არის იმ მონაცემებს და სავალდებულო პირობებს, რასაც საპროცესო კოდექსი ითვალისწინებს. თუმცა, ამის მიუხედავად, მონიტორინგს ვახდენთ. შემიძლია დაგისახელოთ განცხადებები, სადაც ამ თუ იმ პროკურორის უკანონო ქმედება არის აღწერილი. ამა თუ იმ პროკურორმა რაღაც უკანონო ჩაიდინა. ასეთი შესწავლა ხდება. სპეციფიკა არის კონკრეტულობა, რაც ხშირ შემთხვევაში საინფორმაციო ველს აკლია.
სიმართლე გითხრათ, მახსოვს ჩვენი 5 თვის წინ შეხვედრა, მაგრამ ახლა ვერ ვიხსენებ იმ კონკრეტული ეპიზოდის მიმდინარეობას.”
