“ქართული ოცნება _ დემოკრატიული ლანჩხუთი” (თავმჯდომარე _ მარინე თურნავა, წევრები _ ლევან ჩხაიძე, ნუგზარ ხავთასი), “ერთიანი ნაციონალური მოძრაობა” (თავმჯდომარე _ გელა ქურიძე, წევრები _ კახა გუჯაბიძე, ილო გვარჯალაძე, თამაზ კუნჭულია, მერაბ წილოსანი), “მომავლის ლანჩხუთი” (თავმჯდომარე _ გიორგი ჩახვაძე, წევრები _ თამაზ კუნჭულია, მერაბ წილოსანი), “მაჟორიტარი” (თავმჯდომარე _ დავით ჩხაიძე, წევრები _ გოჩა ჯანაშია, ზვიად აფხაზავა, კახა პატარაია), “თვითმმართველობა განვითარებისთვის” (თავმჯდომარე _ რევაზ ჩიტიძე, წევრები _ დალი კვერენჩხილაძე, პაატა ფირცხალაიშვილი, ბიძინა ჩუბინიძე), “რეალური თვითმმართველობისთვის” (თავმჯდომარე _ დავით წულაძე, წევრები _ გია ორაგველიძე, გოჩა კილაძე, ზორბეგ ხუხუნაიშვილი), “ქართული ოცნება _ დემოკრატიული საქართველო”, (თავმჯდომარე _ მაკა კვირკველია, წევრები _ ლევან იმნაძე, მარინე გოგიჩაიშვილი, გულივერ ღლონტი).
ფრაქციების საკითხს, მუნიციპალიტეტის საკრებულოს თავმჯდომარემ, ამირან გიგინეიშვილმა ერთხელ უკვე მიუძღვნა პრესკონფერენცია. ამჯერად, ამ საკითხს ის უკვე მეორედ შეეხო და თან, მედიის წარმომადგენლებს, შესადარებლად ლანჩხუთსა და სხვა მუნიციპალიტეტებში საკრებულოსა და გამგეობის თანამდებობრივი სარგოების მონაცემები გაგვაცნო: “შეგიძლიათ, შეადაროთ, სხვა მუნიციპალიტეტებში ხელფასს მეტს იღებენ, ვიდრე _ ჩვენთან, მუნიციპალიტეტების 80%-ზე მეტში ასეა. რაც შეეხება ფრაქციების რაოდენობას, ყველა მუნიციპალიტეტში მსგავსი სიტუაციაა, არაფერი განსხვავებული ჩვენთან არ ხდება, ლანჩხუთის საკრებულოსა და გამგეობის თანამდებობრივ სარგოებს სხვა მუნიციპალიტეტებისას თუ შევადარებთ, ვნახავთ, რომ ლანჩხუთში ხელფასი გაცილებით ნაკლებია, თუ არ ჩავთვლით საკრებულოს თავმჯდომარეს, გამგებელსა და გამგებლის მოადგილეს. აი, მაგალითად, თანამდებობრივ სარგოს, გაზრდილი სახით, 2 360 ლარის ოდენობით, იღებს მხოლოდ საკრებულოს თავმჯდომარე და მუნიციპალიტეტის გამგებელი, იგივეა სხვა მუნიციპალიტეტებშიც. რაც შეეხება სხვა სამსახურის ხელმძღვანელებს: საკრებულოს თავმჯდომარის მოადგილის ხელფასი ლანჩხუთში არის 1 300 ლარი, სხვა მუნიციპალიტეტებში _ 1 615 ლარი; კომისიის თავმჯდომარე _ ლანჩხუთში _ 650 ლარი, სხვაგან _ 1 280 ლარი;. საკრებულოს აპარატის უფროსი _ 700 ლარი, სხვა მუნიციპალიტეტებში _ 950 ლარი. იგივე სიტუაციაა გამგეობის აპარატის თანამდებობრივი სარგოს შედარებისას. ლანჩხუთის გამგეობაში სამსახურის უფროსები თანამდებობრივ სარგოს 700 ლარს იღებენ, სხვა მუნიციპალიტეტებში – 950-ს. ასევე, ლანჩხუთის მუნიციპალიტეტის გამგებლის მოადგილე თითქმის იგივე ოდენობის ხელფასს იღებს, რასაც სხვა მუნიციპალიტეტში, განსხვავება მხოლოდ 35 ლარია. თუ სხვა მუნიციპალიტეტში გამგებლის მოადგილე იღებს თანამდებობრივ სარგოს 1 235 ლარს, ლანჩხუთის შემთხვევაში ესაა 1 200 ლარი. რაც ჯამში, საკრებულოს თანამდებობრივი სარგოს შემთხვევაში, ლანჩხუთის მუნიციპალიტეტში შეადგენს 8 000 ლარს, მასში იგულისხმება მთლიანად აპარატის თანამშრომლები, დაწყებული საკრებულოს თავმჯდომარიდან, დამთავრებული დამლაგებლით. სხვა მუნიციპალიტეტებში ეს თანხა 10 955 ლარს შეადგენს. გამგეობის აპარატის შემთხვევაში _ ლანჩხუთში 7 500 ლარია, ხოლო სხვაგან 9 315 ლარი,” _ თქვა გიგინეიშვილმა.
სტატია მომზადებულია ფონდის “ღია საზოგადოება _ საქართველოს” მიერ დაფინანსებული პროექტის _ “დათვალე საკუთარი ფული!”, ფარგლებში და მასში გამოთქმული მოსაზრება არ გამოხატავს ფონდის პოზიციას.
