“ნატახტარმა” დ ასაქართველოს ნარდის ფედერაციამ ტურნირიც გამართეს. შეჯიბრი როგორც ინდივიდუალურად, ასევე გვარებს შორის მოეწყო. საუკეთესო ხუთეული მჭედლიშვილების გვარს აღმოაჩნდა, რომელმაც ფინალში ბრეგვაძეების გვარს მოუგო. ცხადია, ფინალისტები „ნატახტარისგან“ სპეციალური პრიზებით დაჯილდოვდნენ.
ფესტივალზე მოხვედრა ყველა მსურველს შეეძლო და უამრავი გასართობის მონაწილე თუ არა, მომსწრე მაინც გახდა. რამდენიმე საინტერესო კონკურსის გარდა შეჯიბრი, რა თქმა უნდა, ლუდის სმაშიც მოეწყო.
ორი დღის განმავლობაში ფესტივალზე დამსწრეთ თან სდევდა “მელოუს”, “სვანსიხის”, “ლაუდსფიქერსის“, “სალიოს”, „ზარების“, „ზურგისა“ და ელენე კალანდაძის მუსიკა. მუსიკალური დახურვის პატივი კი, ამჯერად, ჯგუფ „შინს“ ხვდა წილად.
აღსანიშნავია, რომ “ნატახტარმა” ამჯერად განსხვავებული პროდუქცია შესთავაზა ფესტივალის მონაწილეებს. წელს პირველად გამოჩნდა ფესტივალზე “კაიზერი” და “კოზელი”. მათ გარდა, შეგეძლოთ დაგეგემოვნებიათ “ნატახტარი”, “მთიელი” და “ეფესი”.
არ იფიქროთ, ფესტივალზე მოხვედრა მარტო ლუდის მოყვარულთ შეეძლოთ: იქვე იყო გაკეთებული ბავშვთა კუთხე. მშობლებს შეეძლოთ “ნატახტარის ლიმონათთან” ერთად დაეტოვებიათ ბავშვები მინი გასართობ ცენტრში, თავად კი თამამად ესვათ ლუდი.
ნინო სურმავა, კომპანია “ნატახტარის“ საზოგადოებასთან ერთიერთობის სამსახურის უფროსი:
_ ფესტივალი თანდათან უფრო პოპულარული ხდება. პირველ წელს დამსწრეთა რაოდენობა 10.000 კაცი იყო, ხოლო შარშან მათი რაოდენობა 25.000–მდე გაიზარდა. წელს, თუ დალეული ლუდის რაოდენობით ვიმსჯელებთ, კიდევ უნდა გაზრდილიყო. ეს იმაზეც მეტყველებს, რომ ლუდის ფესტივალი წარმატებულია და ხალხს სიამოვნებს დასწრება. ჩვენც ვიზრდებით ამ დროის მანძილზე _ ის პატარ-პატარა ხარვეზები, რომელიც გვქონდა, გამოწვეული იყო იმით, რომ ჯერ ახალბედები ვიყავით და გამოუცდელები, თანდათან გამოვასწორეთ. პირველ რიგში საინტერესო ის არის, რომ ლუდის მოყვარულთ უკვე შეეძლებათ ბავშვებთან ერთად მოვიდნენ, დატოვონ ისინი საბავშვო კუთხეში და თავად სიამოვნებით მიირთვან ლუდი, სანამ ბავშვებს ანიმატორები გაართობენ.
_ როგორც ვიცით, “ნატახტარი” წელს მარტო თბილისში ჩატარებული ფესტივალით არ შემოიფარგლება და მის ჩატარებას საქართველოს სხვადასხვა ქალაქებში გეგმავს.
_ თვლით, რომ ფესტივალების ჩატარების საკმაო გამოცდილება დაგვიგროვდა და გვაქვს იმის ამბიცია, რომ მსგავსი დღესასწაულები საქართველოს მოსახლეობის იმ ნაწილსაც შევთავაზოთ, რომელიც ფესტივალებზე დასწრებას სხვადასხვა მიზეზების გამო ვერ ახერხებდა. ამიტომ გადავწყიტეთ ჩვენ მივიდეთ იმ ადამიანებამდე. 25 აგვისტომდე, ყოველ შაბათ-კვირას თბილისის გარდა კიდევ 7 ქალაქში ჩავატარებთ მგავს ფესტივალს. შემდეგი უიქენდი რუსთავს დაეთმობა, შემდეგ _ თელავს, გორს, ქუთაისს, ზუგდიდს და ფესტივალს შავიზღვისპირეთში დავასრულებთ ფოთსა და ბათუმში.
ოთო ლეჟავა, ორგანიზატორი:
_ ფესტივალის ჩატარების იდეა 4 წლის წინ გაჩნდა, საკმაოდ მასშტაბურია, ყოველწლიურად იზრდება, ვითარდება, ემატება ახალი ლუდის ბრენდები. რც მთავარია, ხალხს უყვარს ეს ფესტივალი, მოდის და სვამს ძალიან ბევრ ლუდს.
_ ხომ არ იგეგმება უფრო მასშტაბური გათვლა და უცხოური ლუდების გამოჩენა ფესტივალზე?
_ უცხოური ლუდები ახლაც იყო ფესტივალზე _ “კოზელი” ჩეხურია, ხოლო “კაიზერი” გერმანული. ეს ნიშნავს, რომ კომპანია „ნატახტარი“ ვითარდება. გარდა ამისა, ფესტივალებმა გვიჩვენა, რომ თბილისში ლუდი ძალიან ბევრ ადამიანს ყვარებია, განსაკუთრებით, “ნატახტარი”.
თორნიკე, ფესტივალის სტუმარი:
_ უკვე მეოთხე წელია ლუდის ფესტივალზე დავდივარ და პროგრესი თანდათან შეინიშნება. გარდა იმისა, რომ უფრო დახვეწილი ხდება, იმატებს ახალი ბრენდების რაოდენობა, რაც ლუდის მოყვარულებისთვის მისაღებია.
ხატია, ფესტივალისსტუმარი:
_ სიმართლე რომ გითხრათ, ლუდის დიდი მოყვარული არ ვარ. თუმცა, ერთ კათხას ხშირად სიამოვნებით ვსვამ. ასე იყო ამჯერადაც, ორივე დღეს ვიყავი ფესტივალზე და თითო კათხა დავაგემოვნე. უნდა აღვნიშნო, რომ აქ მარტო ლუდი არ არის საინტერესო _ ორი კარგი საღამო ჩატარდა და მადლობა “ნატახტარს”. (R)
