და დარბაზიდან გაათავისუფლა, საზოგადოების მხრიდან აღშფოთება მოყვა.
სასამართლოს კარი ცოცხებით აუჭედეს, მოსამართლეს კი მოქრთამული და უღირსი უწოდეს.
“გურია ნიუსმა” ექსკლუზიურად მოიპოვა ეწ. ხვედელიანის საქმეზე გამოტანილი განაჩენი, სადაც მოსამართლე საკუთარ გადაწყვეტილებას 80 გვერდზე ასაბუთებს,
“გურია ნიუსი” ამჯერად ბორჯომის პოლიციაში 2009 წლის 1 იანვარს მომხდარი გაუპატიურების ფაქტზე ექსპერტთა მოსაზრებას შემოგთავაზებთ. სამხარაულის საექსპერტო ბიუროს წარმომადგენელი და ალტერნატიული ექსპერტი სასამართლოში საკუთარ დასკვნებთან დაკავშირებით დაიკითხნენ. გაუპატიურების ფაქტი ორივემ გამორიცხა.
2009 წლის 1 იანვარს ვ. გელაშვილს, დავით მატოიანს, გიორგი კოზანაშვილს, გიორგი ფუხაევს და გიორგი გელაშვილს ბაკურიანში სკოლის ეზოში ჩხუბი მოუვიდათ, რა დროსაც გულმკერდის არეში დანით მძიმედ დაიჭრა მიხეილ კაპანაძე. ინციდენტიდან მოკლე ხანში, ბაკურიანში ჩავიდა ბორჯომის პოლიციის უფროსი მამუკა ხვედელიანი, რომელმაც ახალგაზრდები ბორჯომის პოლიციის განყოფილებაში გადაიყვანა. ვ. გელაშვილის ჩვენებით, მეორე სართულზე აყვანის შემდეგ, იგი შეიყვანეს ოთახში და დაუწყეს ხელ-ფეხით ცემა, რაშიც მონაწილეობდნენ ხვედელიანი, სერგო სამსონიძე, ალექსანდრე და გიორგი ბლიაძეები.
“ცემის დროს ერთ-ერთმა თანამშრომელმა (გვარი არ მახსოვს) თქვა, ბოთლზე დავსვათო. ცემა-ცემით დამაგდეს იატაკზე, ხელებს ორი ადამიანი მიჭერდა, მათი სახეები არ დამინახავს. ჩამიწიეს შარვალი და საჯდომზე მიმადეს პლასტმასის ბოთლი, გადამიღეს სურათები ჯერ საჯდომზე, შემდეგ კი სახეზე. როდესაც მოვბრუნდი, დავინახე, რომ ფოტოებს ტელეფონით სამსონიძე იღებდა.”
გელაშვილის ჩვენებით, ამის შემდეგ, კვლავ გაგრძელდა მისი ცემა, რა დროსაც ცხვირიდან წამოუვიდა სისხლი. პოლიციელმა ალექსანდრე ბლიაძემ მას მარცხენა ყურზე დაადო ანთებული სიგარეტი. ბოლოს ორმა თანამშრომელმა მიიყვანა მაგიდასთან, ხელები გაუკავა და გიორგი ბლიაძეს უთხრეს, დაკავებული “ეხმარა”. გიორგი ბლიაძემ მას უკანა ტანში შეუყვანა რკინის სკამის ფეხი, რა დროსაც იგრძნო გაუსაძლისი ტკივილი. გელაშვილის განმარტებით, ამ დროს ოთახში ხვედელიანი არ იმყოფებოდა და მისი თანდასწრებით არც არავისთვის დაუვალებია ამ ქმედების გახორციელება.
გელაშვილის ჩვენებით, გაუპატიურების შემდეგ მას ორი კვირის მანძილზე ჰქონდა სისხლდენა საჯდომიდან, თუმცა, ექიმისთვის არ მიუმართავს. დამწვარი ყური კი თავისთავად მოურჩა, მხოლოდ ერთხელ გამოიყენა მალამო. ბორჯომის პოლიციაში მომხდარი ამბის მოყოლა ვ. გელაშვილმა 2012 წლის არჩევნების შემდეგ გადაწყვიტა, როდესაც ტელევიზიით გლდანის ციხის კადრები ნახა. 22 ნოემბერს მან განცხადება შეიტანა ახალციხის პოლიციაში, შემდეგ კი პროკურატურაში დაიბარეს, სადაც გამომძიებელ მაღრაძისგან შეიტყო, რომ საქმეზე დაზარალებულად სცნეს.
სასამართლოში დაკითხულმა სამხარაულის სახელობის საექსპერტო ბიუროს ექსპერტმა დავით მერაბიშვილმა განაცხადა, რომ გელაშვილის ყურზე, ასევე უკანა ტანის არეში და მთლიანად სხეულზე დაზიანების რაიმე ნიშნები არ შეიმჩნეოდა.
“რაც შეეხება ექსპერტიზის წინაშე დასმულ შეკითხვას, ვ. გელაშვილის უკანა ტანის არეში აღენიშნებოდა თუ არა რაიმე სახის დაზიანების კვალი, მისი გასინჯვის შედეგად დადგინდა, რომ არანაირი დაზიანება, არც ნასკდომები, არც სისხლნაჟღენთები, არც ნაწიბური არაფერი ემჩნეოდა. თუ სკამის რკინის ფეხს, თავისი დიამეტრის გათვალისწინებით, რომელსაც მიუთითებს ვ. გელაშვილი, შეუყვანდნენ მთლიანად, იქ სწორი ნაწლავის ჩახევა განვითარდება, ნაწიბური დაემჩნეოდა და ოპერაციული და სამედიცინო ჩარევა აუცილებელი გახდებოდა,” _ აღნიშნა სასამართლოში დაკითხულმა ექსპერტმა.
ხვედელიანის ადვოკატებმა ალტერნატიული ექსპერტიზის ჩატარება შპს” ვექტორის” დირექტორ, დამოუკიდებელ ექსპერტ ალექსანდრე გეჯაძეს სთხოვეს. გეჯაძემ სასამართლო სხდომაზე დაკითხვისას განმარტა, რომ ყურზე სიგარეტის დადების შემთხვევაში, თუ გელაშვილმა იგრძნო ძლიერი ტკივილი, ადგილი ექნებოდა მესამე ხარისხის დამწვრობას და აუცილებლად დარჩებოდა კვალი დაზიანებულ ადგილზე პიგმენტური უბნის ან ნაწიბურის სახით.
გაუპატიურების ნაწილში კი ექსპერტმა განმარტა, რომ ამ შემთხვევაში მას დაზიანების კვალი უნდა დარჩენოდა.
“ასეთ შემთხვევაში მას უნდა ჰქონოდა დაზიანებები, მინიმუმ, ნასკდომები, მაქსიმუმ, ტლანქი დაზიანებები სწორი ნაწლავის ანატომიური მთლიანობის დარღვევით, რაც ხასიათდება ტკივილებით, სისხლდენით. გამორიცხულია, ტრავმული სისხლდენის ორი კვირის განმავლობაში არსებობა, რადგან ქირურგიული ჩარევის გარეშე, დაზარალებული სისხლნაკლებობით გარდაიცვლებოდა.”
ბორჯომის პოლიციის თანამშრომლების მხრიდან გახორციელებულ ცემაზე ყვება კიდევ ერთი დაზარალებული _ პეტროს მატოიანი, რომლის თქმითაც, პოლიციელები მას იმ პირის დასახელებას სთხოვდნენ, ვინც კაპანაძე დაჭრა. მატოიანის თქმით, ბორჯომის პოლიციაში მას “ბოთლზე დასმით” დაემუქრნენ.
დაზარალებული გიორგი გელაშვილის მონათხრობით, მას პირადად შემოარტყა ხელი ხვედელიანმა და დედა აგინა, რის შემდეგაც, ის პოლიციის მეორე სართულზე აიყვანეს, სადაც უკვე სხვა პოლიციელებმა განაგრძეს მის ცემა.
მოსამართლე ჯეირანაშვილმა 80-გვერდიან განაჩენში დიდი ადგილი ეთმობა ბრალდებულთა ჩვენებებს. ყოფილი პოლიციელები არჩევნების შემდეგ დანიშნული ხელმძღვანელობის მხრიდან გახორციელებულ ზეწოლაზე საუბრობენ. მათი თქმით, ბორჯომის პოლიციის უფროსი მათ სამსახურში დატოვების სანაცვლოდ სთხოვდა ხელი დაედოთ ხვედელიანისთვის. მათი თქმით, იყო ნათესავების და ცოლ-შვილის მისამართით გამოთქმული მუქარაც.
ყოფილი პოლიციელების ჩვენებას “გურია ნიუსი” უახლოეს მომავალში გაგაცნობთ.
