მუნიციპალიტეტის გამგებლის მოვალეობის შემსრულებლის, კონსტანტინე შარაშენიძის ინფორმაციით, წუხელ, ღამით, გადაუღებელი წვიმების შედეგად დაახლოებით 30-მდე ოჯახი დაიტბორა:
_ წყალდიდობა რამდენიმე ადგილზე იყო _ სოფელ დვაბზუში, ექადიაზე, ქალაქში. ამ ეტაპზე გაწმენდითი სამუშაოები მიმდინარეობს, _ გვითხრა შარაშენიძემ.
მისივე ინფორმაციით, სპეციალური კომისია ყველა ოჯახს ამოწმებს:
_ ამ დროისთვის არსებული ინფორმაციით, 30-მდე ოჯახია დაზარალებული, _ აღნიშნა გამგებლის მოვალეობის შემსრულებელმა.
წყალდიდობის შედეგად ოზურგეთში, გაზსადენის ცენტრალური მაგისტრალიც დაზიანდა და ამ ეტაპზე ქალაქს ბუნებრივი აირი არ მიეწოდება.
