ერთ-ერთი ასეთი ბიზნესმენია ზაზა ოქუაშვილი, რომელიც “ომეგა ჯგუფის” დამფუძნებელი და ტელეკომპანია “იბერიას” მფლობელი იყო. “ვარდების რევოლუციის” შემდეგ “იბერიაში” სპეცრაზმი შევიდა, რის შემდეგაც ტელევიზია დაიხურა.
როგორც ცნობილი ხდება, ბიზნესმენი უკვე მოლაპარაკებას იწყებს ახრის მფლობელთან. ამ ინფორმაციას ადასტურებს “მე-9 არხის” გენერალური დირექტორი ლუბა ელიაშვილი. მისი თქმით, ტელეკომპანია “იბერია” იბრუნებს სიხშირეს, რომელიც მას უკანონოდ წაართვეს.
ტელეკომპანიის დირექტორის თქმით, თუ მოპალარაკება წარმატებით დამთავრდა და შედეგიც ოქუაშვილისთვის დადებითი იქნება, ბიზნესმენი „მე-9 არხს” შეიძენს ისეთს, როგორიც არის. მკითხველს შევახსენებთ, რომ ეს ჯერ მხოლოდ წინადადების დონეზეა და ის ადამიანები, ვინც ამ საკითხებს წყვეტენ, მოლაპარაკებების მაგიდასთან ჯერ არ დამსხდარან. გავრცელებული ინფორმაციით არც ოქრუაშვილია ამ ეტაპზე საქართველოში, ის ლონდონში იმყოფება.
ტელეკომპანიის შეძენის სურვილი გამოთქვა მოქალაქეთა ჯგუფმაც, რომელმაც პრემიერ-მინისტრ ბიძინა ივანიშვილს მიმართა მათ მიერ შექმნილი სააქციო საზოგადოებისთვის მიეყიდა „მეცხრე არხი“. განცხადება ამ მიმართვით მთავრობის კანცელარიაშიც შეიტანეს. საინიციტივო ჯგუფში სახელწოდებით, „ვყიდულობთ მეცხრე არხს და ვქმნით სააქციო საზოგადეობას“ ამ დროისთვის 4 500-მდე ადამიანია გაწევრიანებული. ჯგუფის წევრებმა სააქციო საზოგადოების რეგისტრაციის ელექტრონული ფორმაც შეიმუშავეს, სადაც ამ დროისთვის 800 ადამიანი აწერს ხელს.
მკითხველს შევახსენებთ, რომ ტელეკომპანია “მე-9 არხმა” მაუწყებლობა რამდენიმე დღის წინ შეწყვიტა. არხის მფლობელები მზად არის, ტელეკომპანია მესამედ ფასად გაყიდონ. ტელეკომპანია “მეცხრე არხის” შესაბამისობის დეკლარაციის თანახმად, არხის დირექტორი ლუბა ელიაშვილია, ხოლო კომპანიის 100 პროცენტს შპს “აქცეპტი” ფლობს, რომლის 80%-ს ბიძინა ივანიშვილის მეუღლე, ეკატერინე ხვედელიძე ფლობს, ხოლო 20%-ს – კახა კობიაშვილი.
