“დემოკრატიული მოძრაობა” დარღვევების სიას აქვეყნებს

რაც შეეხება იმ ფაქტების მტკიცებულებებს, რომელიც “დემოკრატიული მოძრაობის” მიერ გავრცელებულ ჩამონათვალშია, “გურია ნიუსს” განუცხადეს, რომ რეგიონებიდან ელოდებიან მასალებს და მოგვიანებით მოგვაწვდიან.

ბურჯანაძის შტაბის მიერ ჩამოთვლილი დარღვევების სია ასეთია:

მარნეული: 36-ე უბანი, ბიულეტენების ჩაყრა.

ქუთაისი: უბანი 40, ადგილი ჰქონდა კარუსელის მცდელობას, რაც აღკვეთილ იქნა.

საკონტროლო ფურცელი ბეჭდით დამოწმებული არ არის შემდეგ უბნებზე:

ჩუღურეთი უბანი _ 30, 23,

ბოლნისი უბანი 56,

ნაძალადევი: უბანი 54, მარკირება სისტემატურად ხდება მარცხენა ხელზე.

სოფ. ქვემო ჩწოროწყუ: უბანი 21, საკონტროლო ფურცლის ნაცვლად ურნაში ჩაგდებულია შემაჯამებელი ოქმის ბლანკი.

დაგვიანებით დაიწყო საარჩევნო პროცედურა შემდეგ უბნებზე:

ზუგდიდი სოფ. ჩხორი:  უბანი 70, ქუთაისი: უბანი 39,

წალკა: უბანი 21, ხმის მიცემის პროცედურა შეჩერებული იყო ერთი საათის განმავლობაში მარკირების სითხის უქონლობის გამო

სიღნაღი:   უბანი 34, პიროვნებამ ხმა მისცა მარკირების პროცედურის გავლის გარეშე

პირადობის მოწმობის გარეშე ხდება ხმის მიცემა:

მარნეული:  უბანი 42, 66–ე ოქლის 26 უბანზე (მოქალაქე მანუჩარ კვარახცხელიას არ ჰქონდა პირადობის მოწმობა)

სოფ ნაბეღლავი: 62–ე ოქლის 21–ე უბანი, გადასატანი ყუთის გადატანის უფლებით ისარგებლებს 20 ადამიანი, ნაცვლად 11–ისა, დამატებით 9 ადამიანზე ცესკოს მიმართვა გაცემული არ არის.

სოფ. ლესიჭინე: 69–ე ოქლი პირველი საჯარო სკოლა: ამომრჩეველთა რაოდენობა 315–ს შეადგენს, ბიულეტენი 350–ია

ხურვალეთი: 106–ე უბანი, დევნილთა დასახლება. სოფლის გამგებელი გია მახნიაშვილი სიტყვიერ შეურაცხყოფას აყენებს და ემუქრება ბურჯანაძის წარმომადგენელს, ხელს უშლის მუშაობაში.

თბილისი:  ვაკე 49–ე უბანი,  უზუსტობაა საარჩევნო სიაში, მიწერილები არიან გაბელაიები.

დიდუბე: უბანი 10, კედლის სიებზე არ არის კომისიის ბეჭედი

ბოლნისი: 53–ე უბანი,  სოფლის რწმუნებული გუმბათ თუხანოვი ხმის მიცემის პროცედურას ატარებს მუსიკოსების თანხლებით

შუახევი: უბანი 38–ე, ტრანსპორტზე რომელზეც გადააქვთ გადასატანი ყუთი განთავსებულია მარგველაშვილის ფოტო

ადიგენი: უბანი 15, არ უშვებენ არასამთავრობოს დამკვირვებელს

ვანი: 53 ოლქის საარჩევნო უბანი 2, 3, 10, 14 მიღება ჩაბარების აქტს არ უსვამენ ბეჭედს, იმავე მე–2 და მე–3 უბნებზე 1300 ბიულეტენს არ აქვს ნომერი. 10, 14 უბნებზე არ არის მითითებული ბიულეტენების რაოდენობა

ახალციხის #37 საოლქოს #29 უბნის ტერიტორიაზე ოცნების კოორდინატორი ეწევა ხმამაღლა აგიტაციას და მოუწოდებს შემსვლელ ხალხს ხმა მისცენ და შემოხაზონ #41. გაგზავნილია  მობილური ჯგუფი და ადგილობრივი ტელევიზია.

სიღნაღში ამომრჩეველი კომპაქტურად მიყავთ სამარშრუტო ტაქსებით, რომლებზეც “ქართული ოცნების” პრეზიდენტობის კანდიდატის გიორგი მარგველაშვილის პლაკატებია გამოკრული.