“ცვლილებების შეტანა არ უნდა იყოს ძალიან ადვილი, იმისათვის რომ არ განმეორდეს ის რაც ხდებოდა ამ ბოლო 9 წლის განმავლობაში. სწორედ ამის გამო ჩვენ გავითვალისწინეთ ვენეციის კომისიის შენიშვნები და 2/3 ქვორუმის ცვლილებების შეტანას, დავუმატეთ ის ნორმა, რომელიც ჯერ კიდევ მიღებული იყო 2010 წელს. რომლის თანახმადაც კენჭისყრებს შორის შუალედი უნდა იყოს 2ან 3 თვიანი. ეს უნდა განხორციელდეს ორ თანამდიდევრულ სესიაზე. ანუ დაყოვნების პერიოდი დიდია,რომ კიდევ ერთხელ დავფიქრდეთ არის თუარა საჭირო ეს ცვლილება აი ეს პროექტი გამოგვაქვს ახლა. კონსტიტუციაში ჩანაწერი იქნება, რომ კენჭისყრები უნდა გაიმართოს ორ თანმიმდევრულ სესიად, სულ ცოტა სამ თვიანი შუალედით.ვთქვათ ასე, ცვლილებებსაც პარლამენტი მიიღებს, ეს ცვლილებები უნდა დადასტურდეს კიდევ სამი თვის მომდევნო სესიაზეც. აი ეს არის სქემა”, _ განაცხადა ვახტანგ ხმალაძემ.
იურიდიულ კომიტეტზე ასევე განხილული იქნება პარლამენტის ადგილმდებარეობის საკითხი. ხმალაძის განმარტებით, კონსტიტუციიდან ამოღებული უნდა იყოს ის ნორმა რომლის თანახმად პარლამენტის ადგილმდებარეობად კონკრეტული ქალაქი არუნდა იყოს განსაზღვრული.
“მეორე პროექტი ეხება პარლამენტის ადგილმდებარეობას. ჩვენ მიგვაჩნია, რომ კონსტიტუციით განსაზღვრული არუნდა იყოს სად არის პარლამენტის ადგილმდებარეობა.ეს უნდა განსაზღვროს რეგლამენტმა.ამიტომ ვიღებთ კონსტიტუციის იმ ნორმას, რომლის შესაბამისადაც პარლამენტის ადგილსამყოფელი და საქმიანობის ადგილი არის მხოლოდ ქალაქი ქუთაისი.ამის ახსნას აღარ შევუდგები,თუ რატომ არის ასე. ასე არის აუცილებელი სახელმწიფო ხელისუფლების ნორმალური ფუნქციონირებისთვის, პარლამენტს მუდმივი ურთიერთობა სჭირდება, ერთი მხრივ აღმასრულებელ ხელისუფლებასთან, მეორე მხრივ საერთაშორისო ორგანიზაციებთან, დიპლომატიურ წარმომადგენლობებთან და მათი ადგილსამყოფელი კი არის დედაქალაქი”, _ განაცხადა ვახტანგ ხმალაძემ.
