კვლევის მიხედვით, მოლდოვა პირველ ადგილზეა და იგი 6 ქულით უსწრებს საქართველოს მაჩვენებელს. ყველაზე პრობლემური მაჩვენებელი ბელორუსიაშია, მისი ინდექსი თითქმის სამჯერ ჩამორჩება საქართველოს და მოლოდვას მაჩვენებელს.
კვლევა “ინტერნიუს უკრაინის” პროექტის (“მედიის თავისუფლების მონიტორინგი აღმოსავლეთ პარტნიოპრობის ქვეყნებში”) მიხედვით ჩატარდა და ექვს ქვეყანაში მედიის ბოლო სამი თვის (ივლისი, აგვისტო, სექტემბერი) მდგომარეობას ასახავს. კვლევაში – უკრაინა, საქართველო, მოლდოვა, სომხეთი, აზერბაიჯანი და ბელორუსია მონაწილეობენ. პროექტი აღმოსავლეთ პარტნიორობის სამოქალაქო საზოგადოების ფორუმის მედია ქვეჯგუფის ფარგლებში ხორციელდება.
საქართველოში პროექტის პარტნიორი ასოციაცია “მწვანე ტალღაა”. ასოციაციის წარმოამდგენელი, მაკა ჯახუა ჟურნალისტებს საქართველოში მედიის თავისუფლების ინდექსის გაუარესების მიზეზებზე ესაუბრა.
მისი თქმით, კვლევის საბოლოო შედეგებზე გავლენა იქონია საზოგადოებრივ მაუწყებელში მიმიდინარე მოვლენებმა, კერძოდ – არჩევნებამდე რამდენიმე დღით ადრე 2 პოლიტიკური ტოქშოუს დახურვამ.
კვლევის მეთოდოლოგია პროექტის ორგანიზტორებმა შეიმუშავეს. მონაწილე ქვეყნებისათვის შედგენილია საერთო კითხვარი, რომელსაც თითოეული ქვეყნიდან 10-10 ექსპერტი ავსებს. მათ შორის არიან მედიამენეჯერები, ჟურნალისტები, მედიამკვლევრები და მედიის საქმიანობის დამკვირვებელი ორგანიზაციები. კითხვები ეხება მედია კანონმდებლობას, ბიზნესს, ჟურნალისტებზე ზეწოლას და სხვა ფაქტებს. ექსპერტებმა თითოეულ კითხვაზე პასუხი 0-დან 3-მდე ქულით უნდა შეაფასონ. ამის შემდეგაც ხდება ინდექსის გამოთვლა. მედიის თავისუფლების ინდექსი გამოითვლება ყოველ 3 თვეში ერთხელ.
ამავე პროექტის ფარგლებში ჩატარებული წინა კვლევის მიხედვით, მედიის თავისუფლების ინდექსით საქართველო ლიდერი იყო. პრობლემურ ქვეყნად კი, მაშინაც ბელორუსია დასახელდა.
