“შარშან, როცა არჩევნები დასრულდა და ახალი მთავრობა დამტკიცდა, მათ მოუწიათ ძველი გეგმით გაკეთებული ბიუჯეტის განხილვა, რამაც შეცდომაში შეიყვანა მთავრობა და ვერ გათვალეს ეკონომიკის განვითარების ტარიფები, რამაც შემდეგ საკმაოდ დიდი გაუგებრობა გამოიწვია”.
ექსპერტი აღნიშნავს, რომ გულუბრყვილობაა ყველაფერის მარტივდ გადაწყვეტა. ის მიიჩნევს, რომ მხოლოდ ერთი ან ორი ადამიანის შეცვლა ქვეყანას ვერაფერს მოუტანს, საჭიროა ფუნდამენტალური ცვლილებები და არსებული პრობლემების საფუძვლიანი გადაჭრა.
“იყო გაურკვევლობის პრობლემა, იყო კოჰაბიტაციის პრობლემა, ეკონომიკური ზრდის პრობლემა, დღესაც მკვეთრად დგას ბიზნეს-მესაკუთრეების დაჯახებისა და ომის პრობლემა, რასაც ასახვა აქვს მრეწველობის განვითარების ციფრებში და ბუნებრივია ეკონომიკის დაცემას შეუწყო ხელი. ეს ყველაფერი კი განპირობებულია სტრუქტურული ეკონომიური რეფორმის, ინვესტიციების არასაკმარისი რაოდენობის მოზიდვის, თანადაფინანსების ფონდის გვიან შექმნის და ჯერჯერობით არამოქმედების და ბიუჯეტის სოციალური ხასიათის შედეგი.
2014 წლის ბიუჯეტი არ არის ის ბიუჯეტი, რომელსაც საქართველოს მოსახლეობის უმრავლესობა ითხოვს, მათ სჭირდებათ ეკონომიკური მხარდაჭერის ბიუჯეტი, უმუშევრობის შემცირება და ახალი სამუშაო ადგილების გაჩენა. ყველაფერი ეს მოჰყვება სტრუქტურულ რეფორმირებას, რეორგანიზაციას და მთავრობის მმართველობის ხარჯების შემცირებას. ამას ერთი ადამიანი ვერ გააკეთებს, საჭიროა ახალმა კაბინეტმა გეგმა და სამომავლო ხედვა წარმოადგინოს, მითუმეტეს, რომ 2014 წელი ისევ საარჩევნო წელია”.
ჯგერენაია აცხადებს, რომ დღეს მოქმედ მინისტრთა კაბინეტს რეალურად გააჩნია პოტენცია შეცვალოს მძიმე მდგომარეობა და შესაბამისად პრემიერსაც ამ გუნდთან ურჩევნია მუშაობის გაგრძელება. ექსპერტის განცხადებით, ყველა მდგენელის ანალიზი იძლევა მტკიცების საშუალებას, რომ 4%–ზე მეტი მომავალ წელს ეკონომიკური ზრდა ვერ იქნება და სწორედ ამ ციფრზე უნდა აიგოს სახაზინო შემოსავალი.
ექსპერტის თქმით, იმ ვალის გადახდა, რაც დღესაც არის ბიუჯეტში დაფიქსირებული, 2014 წელს ბოლომდე არ მოხერხდება. მისი თქმით, ახლა მთავარია მინისტრთა მთელმა კაბინეტმა გააკეთოს ერთიანი სამოქმედო ხარჯვითი გეგმა, რათა თანხის დახარჯვა მოხდეს გადასახადის გადამხდელთა დარგებში და მივიღოთ ეკონომიკის ზრდის შედეგი 4 პროცენტამდე. ამის შემდეგ 2015 წლისთვის გასუფთავებული და მყარი ბიუჯეტი ექნება საქართველოს.
