“NDI-ს გამოქვეყნებულ რეიტინგებში ყველაზე კომიკური ის არის, რომ თურმე, გიორგი მარგველაშვილის რეიტინგს არნახული პიკისთვის მიუღწევია. პრეზიდენტი, რომელიც დანიშნა ქვეყნის მილიარდელმა დირექტორმა, ბიძინა ივანიშვილმა, რომელსაც არჩევნების შემდეგ ჯერ არ გამოუღვიძია, ხოლო თუ კვირაში ერთხელ შეაღვიძებენ, გაუგებარ განცხადებებს აკეთებს და თურმე ასეთ პერსონას, კარისკაცს, ყველაზე მაღალი რეიტინგი ჰქონია, NDI, თავისი ნავაროთი, კომიკურ პერსონაჟად გადაიქცა და მის გამოიკვლევებს და რეიტინგებს თუ აჩვენებენ სახალწლო გადაცემებში, ხალხი კარგად გაერთობა, უფრო იმ ფონზე, როცა არც პური გვაქვს და არც სანახაობა”.
გუგავასგან განსხვავებით აღნიშნული კვლევები ეჭვს არ იწვევს “ქრისტიან-დემოკრატიული მოძრაობის” წევრ ლევან ვეფხვაძეში, თუმცა ძალიან აინტერესებს რას ფიქრობენ ხელისუფლების ის წარმომადგენლები, რომლებიც ადრე ამ კვლევევის შედეგებს არ აღიარებდნენ და იმედს იტოვეს, რომ შედეგები ხელისუფლებას წინამორბედივით არ აუვარდებათ თავში.
“NDI-ს კვლევები ეჭვის საფუძველს არ იძლევა, თუმცა მე მახსენდება არჩევნების შემდეგ წინა ხელისუფლების მაღალი მაჩვენებელი და შესაძლოა, ეს ამ ხელისუფლებისთვის საშიშიც კი აღმოჩნდეს. მე დღეს მაინტერესებს, ამ მონაცემებზე რას ამბობენ ხელისუფლების ის წარმომადგენლები, რომლებიც თავის დროზე NDI-ს კვლევებს უნდობლობას უცხადებდნენ. მე პირველ რიგში „ქართული ოცნების“ იმ წევრების კომენტარები მაინტერესებს, რომლებიც ადრე ნავაროს უნდობლობას უცხადებდნენ, კვლევებს კი ფალსიფიცირებულად მიიჩნევდნენ. შეიძლება კვლევები იძლეოდნენ ერთ კონკრეტულ შედეგს, მაგრამ არჩევნებში სხვა შედეგი დგებოდეს. იმედი მაქვს ხელისუფლებას თავში არ აუვარდებს კვლევის შედეგებით დამდგარი რეიტინგები და წინამორბედივით უამრავ შეცდომას არ დაუშვებს”, _ აცახდებს ვეფხვაძე.
კვლევებს გამოეხმაურა პრეზიდენტის ადმინისტრაციის ყოფილი ხელმძღვანელი ანდრო ბარნოვი და განაცხადა, რომ მას სჯერა გამოცხადებული შედეგების და არ სჩვევია პოლიტიკური შეხედულებების მიხედვით განაპირობოს ნდობის ფაქტორი.
-„არ დავიწყებ განცხადებების გაკეთებას მათ მსგავსად, ვინც ამა თუ იმ კვლევას იმის მიხედვით აკრიტიკებს ან ნდობას უცხადებს, როგორც აწყობს. ჩემთვის NDI-ს კვლევები სანდოა და ყოველთის ასე იყო. ამ კვლევის შედეგებში ახალი და გასაკვირი არაფერია. არც ისაა გასაკვირი და ეჭვის შესატანი, რომ “ნაციონალური მოძრაობა” მთავარი ოპოზიციური ძალაა“- განაცხადა ბარნოვმა.
