19 ივნისს, ჩოხატაურში, გაიმართა ჩოხატაურის მუნიციპალიტეტის გენდერული თანასწორობის საბჭოს მიერ მოსწავლეთათვის (15-18წ) გამოცხადებული ესეებისა და ვიდეორგოლის კონკურსის _ „თანასწორობას მოაქვს თავისუფლება“, მონაწილეებთან შეხვედრა. კონკურსის მხარდამჭერი იყო „დემოკრატიული ჩართულობის ცენტრების ქსელი“.
კონკურსის მიზანი იყო გენდერული თანასწორობის კუთხით ცნობიერების ამაღლება, დამკვიდრებული სტერეოტიპების რღვევა და გენდერული ნიშნით ძალადობის პრევენციის პროცესში სამოქალაქო პასუხისმგებლობის გააზრება.
კონკურსში მონაწილეობა თორმეტმა მოსწავლემ მიიღო. ლაშა-გიორგი კუჭაშვილი _ იანეულის საჯარო სკოლა (ესე); ქრისტინე მამალაძე (ესე), დავით ცინცაძე (ვიდეორგოლი), ლიზი ბოლქვაძე (ესე) _ გუთურის საჯარო სკოლა; ანი შარაშიძე _ ბუკისციხის საჯარო სკოლა (ესე); მარიამ შარაშენიძე, ქეთევან წეროძე _ ჩაისუბნის საჯარო სკოლა (ვიდეორგოლი); ინგა ბერიძე (ესე), გიორგი გობაძე (ვიდეორგოლი) _ ქვაბღის საჯარო სკოლა; მარიამ დუდუჩავა საჭამიასერის საჯარო სკოლა (ესე); ელენე ბარამიძე _ ზემოსურების საჯარო სკოლა (ესე); თეოდორა ჟღენტი _ დაბის #1 საჯარო სკოლა (ვიდეორგოლი).
შეფასების შედეგად გამოვლინდა საუკეთესო ესე _ „ნუ გეშინიათ, მასწავლებელო“, ავტორი ანი შარაშიძე (ბუკისციხის საჯარო სკოლა) და საუკეთესო ვიდეორგოლი, რომლის ავტორიცაა გიორგი გობაძე (ქვაბღის საჯარო სკოლა). გამარჯვებულებს ოზურგეთის დემოკრატიული ჩართულობის ცენტრების ქსელის ხელმძღვანელი გრიგოლ მახარაძე მიესალმა და გადასცა სერტიფიკატები, მათ აგრეთვე გადაეცემათ გამარჯვებულის პრიზი 300-300 ლარი.
ჩოხატაურის მუნიციპალიტეტის საკრებულოს და გენდერული თანასწორობის საბჭოს თავმჯდომარემ, ზაალ მამალაძემ დაასახელა საბჭოს რჩეული ესესა და ვიდეორგოლის ავტორები: მარიამ დუდუჩავა _ საჭამიასერის საჯარო სკოლა (ესე) და ქეთევან წეროძე _ ჩაისუბნის საჯარო სკოლა (ვიდეორგოლი), რომლებსაც სერტიფიკატებთან და საჩუქრებთან ერთად გადაეცემათ 50-50ლარი.
დანარჩენ მონაწილეებს გადაეცათ სერტიფიკატები და ფასიანი საჩუქრები.
მადლობას ვუხდით კონკურსის ყველა მონაწილეს და მათ პედაგოგებს, სკოლის დირექტორებს, რომლებმაც უზრუნველყვეს მოსწავლეთა მონაწილეობა ზემოთხსენებულ კონკურსში.
მოსწავლეთა დაჯილდოების შემდეგ მოეწყო ვიდეორგოლების ჩვენება და გამარჯვებული ესეს ავტორმა წაიკითხა ესე _ „ნუ გეშინიათ, მასწავლებელო“.
ბოლოს გაიმართა დისკუსია, რომელშიც მონაწილეობა მიიღეს, როგორც მოწვეულმა სტუმრებმა, ასევე, კონკურსის მონაწილეებმა.
