2014 წლის ივნისში, შსს-ს ტერიტორიული დანაყოფების საგამოძიებო ქვემდებარეობის მიხედვით, რეგისტრირებულია 2002 დანაშაული, აქედან 977 დანაშაული გაიხსნა. დანაშაულის გახსნის კოეფიციენტია 48,8%. ხოლო წინა წლის ანალოგიურ საანგარიშო პერიოდთან შედარებით დანაშაულის პროცენტული კლებაა -25,1 %.
2013 წლის ივნისში კი 2673 დანაშაულია რეგისტრირებული, აქედან გაიხსნა 1397.
კონკრეტულად კი, 2014 წლის ივნისში განზრახ მკვლელობის 7 ფაქტია რეგისტრირებული, აქედან 6 გაიხსნა, 2013 წლის ამავე პერიოდში კი რეგისტრირებული იყო 5 შემთხვევა, გახსნილი 4.
რაც შეეხება განზრახ მკვლელობას დამამძიმებელ გარემოებებში 2013-2014 წლების სტატისტიკა ერთმანეთს ზუსტად ემთხვევა, ორ-ორი შემთხვევაა დაფიქსირებული და ორივე გახსნილია.
მკვლელობის მცდელობა – 2014 წლის ივნისში 5 შემთხვევაა რეგისტრირებუილი, აქედან 4 გახსნილია, ხოლო 2013 წლის ამავე პერიოდში 12 შემთხვევიდან 12-ვე გაიხსნა.
თვითმკვლელობამდე მიყვანა – 2014 წელს 68 შემთხვევაა რეგისტრირებული, 2013 წელს კი _ 81 არცერთი შემთხვევაგახსნილი არ არის.
რაც შეეხება ჯანმრთელობის წინააღმდეგ ჩადენილ დანაშაულს, შსს-ს სტატისტიკის მიხედვით, 2014 წლის ივნისში 336 შემთხვევაა რეგისტრირებული, აქედან 175 უკვე გახსნილია, 2013 წელს კი 322 შემთხვევიდან მხოლოდ 160 იყო გახსნილი.
აქვე უნდა აღინიშნოს, რომ 2014 წელს ოჯახური ძალადობის 47 შემთხვევიდან 20-ია გახსნილი, მაშინ, როდესაც 2013 წელს 38 შემთხვევიდან 26 გაიხსნა.
სტატისტიკის მიხედვით, 2014 წელს გაუპატიურების 1 შემთხვევაა დაფიქსირებული, რომელიც უკვე გახსნილია. 2013 წელს კი 6 შემთხვევიდან 2 იყო გახსნილი.
რაც შეეხება საკუთრების წინააღმდეგ ჩადენილ დანაშაულს, შსს-ს ინფორმაციით, 2014 წლის ივნისში სულ დაფიქსირებულია 1012 შემთხვევა, აქედან 417 უკვე გახსნილია, 2013 წლის ამავე პერიოდში კი, 1114 შემთხვევიდან 389 გაიხსნა.
სტატისტიკის მიხედვით, 2014 წლის ივნისში 729 ქურდობის ფაქტია რეგისტრირებული, გახსნილია 271. 2013 წელს კი 868 შემთხვევიდან 299 გაიხსნა.
რაც შეეხება ძარცვის ფაქტებს, 2014 წლის ივნისში 36 შემთხვევიდან უკვე გახსნილია 29. ხოლო 2013 წელს 53 ფაქტიდან, 34 გაიხსნა.
სტატისტიკის თანახმად, იკლო ყაჩაღობის ფაქტებმაც. 2014 წლის ივნისში 20 შემთხვევიდან 14 გახსნეს, 2013 წლის ამავე პერიოდში კი 26 ფაქტიდან 17-ია გახსნილი.
სტატისტიკის მიხედვით მოიმატა თაღლითობის ფაქტებმა. თუ 2013 წლის ივნისში თაღლითობის 66 შემთხვევიდან 13 გაიხსნა, 2014 წლის ამავე პერიოდში 126 ფაქტიდან 78 უკვე გაიხსნა.
რაც შეეხება საზოგადოებრივი უშიშროებისა და წესრიგის წინააღმდეგ ჩადენილ დანაშაულს, 2014 წლის ივნისში რეგისტრირებულია 80 შემთხვევა, აქედან 60 გახსნილია. 2013 წელს კი 200 შემთხვევიდან გახსნილი იყო161.
კერძოდ, 2014 წლის ივნისში ხულიგნობის 15 ფაქტია დაფიქსირებული, გაიხსნა 10, 2013 წელს კი 14 შემთხვევიდან მხოლოდ 10 გახსნეს.
რაც შეეხება ცეცხლსასროლი იარაღის, საბრძოლო მასალის, ფეთქებადი ნივთიერების ან ასაფეთქებელი მოწყობილობის მართლსაწინააღმდეგო შეძენა, შენახვა, ტარება, დამზადება, გადაზიდვა, გადაგზავნა ან გასაღების ფაქტებს, შსს-ს ინფორმაციით, 2014 წლის ივნისში 49 შემთხვევაა რეგისტრირებული აქედან 36 გაიხსნა, 2013 წელს კი 136 შემთხვევიდან 108 გახსნეს.
რაც შეეხება ნარკოდანაშაულის სტატისტიკურ მონაცემებს, შსს-ს ინფორმაციით, 2014 წლის ივნისში 213 დანაშაულია რეგისტრირებული, აქედან 199 უკვე გახსნილია. 2013 წლის ამავე პერიოდში კი 538 დანაშაულიდან 485 გახსნეს.
აქედან, 29014 წელს ნარკოტიკების კონტრაბანდის( მ. 262) 4 შემთხვევაა რეგისტრირებული 4-ვე გაიხსნა. 2013 წელს კი 7 შემთხვევა დაფიქსირდა, აქედან 3 გახსნეს.
ნარკოტიკების შეძენა, შენახვა ან გასაღება (მ. 260) – 2014 წლის ივნისში 75 შემთხვევა დაფიქსირდა, გაიხსნა 70, 2013 წელს კი 193 შემთხვევიდან 169 გახსნეს.
აღსანიშნავია ისიც, რომ 2014 წლის ივნისში, ისევე როგორც 2013 წლის ამავე პერიოდში ფსიქოტროპული საშუალებების კონტრაბანდის (მ. 263) არცერთი შემთხვევა არ ფიქსირდება.
ფსიქოტროპული საშუალებების შეძენა, შენახვა, გასაღება – 2014 წლის ივნისში 2 შემთხვევიდან 2-ვე გახსნილია, 2013 წელს კი 2 შემთხვევიდან მხოლოდ ერთი იყო გახსნილი.
ნარკოტიკების შემცველ მცენარეთა უკანონო დათესვა (მ. 265) 2014 წლის ივნისში 26 შემთხვევაა რეგისრტირებული, აქედან 25 გაიხსნა, ხოლო 2013 წელს 34 შემთხვევიდან 31 გახსნეს.
რაც შეეხება ნარკოტიკული ნივთიერებების განმეორებით მოხმარებას (მ.273), სტატისტიკური მონაცემების მიხედვით, 2014 წლის ივნისში 106 შემთხვევაა დარეგისტრირებული, აქედან 98 გაიხსნა. 2013 წელს კი 302 დაფიქსირდა, აქედან 281 გაიხსნა.
უნდა აღინიშნოს ისიც, რომ 2014 წლის ივნისში, ისევე როგორც, 2013 წლის ამავე პერიოდში ტერორიზმის არცერთი შემთხვევა არ ფიქსირდება.
დანაშაული მმართველობის წესის წინააღმდეგ (მ. 343-363) – 2014 წლის ივნისში 88 შემთხვევაა რეგისტრირებული, გაიხსნა 34, 2013 წელს კი 184 შემთხვევიდან 117 გახსნეს.
აღსანიშნავია ისიც, რომ 2014 წელს, სასამართლო ორგანოების საქმიანობის წინააღმდეგ (მ. 364-367) 1დანაშაულია ჩადენილი, რომელიც უკვე გახსნილია, 2013 წელს კი არცერთი შემთხვევა არ დაფიქსირებულა.
