"ძალიან სამწუხაროა, ძლიერი თეორეტიკოსი და რაც ყველაზე მთავარია, ეკონომიკური რეფორმების პრაქტიკოსი აღარ გვყავს", – ასე მოიხსენია ექსპერტმა ეკონომიკის საკითხებში, ირაკლი ლექვინაძემ, საქართველოს ყოფილი სახელმწიფო მინისტრი კახა ბენდუქიძე.
მისივე თქმით, ბენდუქიძე იყო ადამიანი, რომელის რეფომრების დროს მოსალოდნელ სიძნელეებს არ შეუშინდა და საკმაოდ წარმატებით განახორციელე რიგი რეფორმები.
"ამ ადამიანმა თავისი გაკეთებული რიგი მიმართულებებითა და რეფორმებით, აჩვენა როგორი შეიძლება იყოს წარმატებული ეკონომიკური რეფორმები. იყო გამბედავი, არ შეუშინდე აზრს, რომელიც რეფორმების დროს ყოველთვის მძიმეა და ყოველთვის ეწინააღმდეგება განვითარებას. როგორ შეიძლება მიზანმიმართულად აკეთო ის რაც,საბოლო ჯამში შედეგის მოტანია. ქვეყნაში დღეს, რომგვაქვს ლიბერალური გარემო, რიგი მიმართულებები რომელიც წარმატებით ვითარდება და ინვესტორებისთვის არის საყურადღებო, ეს კახა ბენდუქიძის დამსახურებაა. მისი როლი ამ კუთხით ძალიან მნიშვნელოვანია", _ განაცხადა "გურია ნიუსთან" ლექვინაძემ.
შეგახსენებთ, რომ გუშინ, ლონდონში, ერთ-ერთ სასტუმროში ეკონომიკის ყოფილი მინისტრი და "თავისუფალი უნივერსიტეტის" დამფუძნებელი კახა ბენდუქიძე გარდაიცვალა.
იგი 2004 წლის ივნისიდან გახდა საქართველოს მთავრობის წევრი – ეკონომიკის მინისტრი, შემდგომ – ეკონომიკური განვითარების მინისტრი.
2004 წლის ბოლოს იგი დაინიშნა რეფორმების კოორდინაციის საკითხებში საქართველოს სახელმწიფო მინისტრად. კახა ბენდუქიძე ითვლება ბოლო წლების ერთ-ერთ ყველაზე წარმატებულ რეფორმატორად. მისი უშუალო ავტორობით განხორციელდა ეკონომიკის დელეგირების, ჯანმრთელობის დაცვის, საფინანსო სექტორის, ბუნებრივი რესურსებით სარგებლობის, სანებართვო-სალიცენზიო სისტემის, ენერგეტიკისა და საჯარო სამსახურის მნიშვნელოვანი რეფორმირება, შრომის ბაზრისა და საგადასახადო სისტემის ლიბერალიზაცია. განახლდა პრივატიზაციის პროცესი.
მასვე ეკუთვნის გახმაურებული ფრაზა – "იყიდება ყველაფერი, სინდისის გარდა".
2007 წელს დააფუძნა საქველმოქმედო ორგანიზაცია "ცოდნის ფონდი
2008-2009 წლებში იყო საქართველოს მთავრობის კანცელარიის უფროსი.
იყო თბილისის თავისუფალი უნივერსიტეტისა და საქართველოს აგრარული უნივერსიტეტის სამეთვალყურეო საბჭოს თავმჯდომარე.
1977 – დაამთავრა თბილისის სახელმწიფო უნივერსიტეტის ბიოლოგიის ფაკულტეტი.
1977 – ჩაირიცხა მოსკოვის ლომონოსოვის სახელობის უნივერსიტეტის ასპირანტურაში.
1980 – მუშაობა დაიწყო პუშჩინოში განლაგებულ მეცნიერებათა აკადემიის ბიოქიმიისა და მიკროორგანიზმების სამეცნიერო-კვლევით ინსტიტუტში უფროს ლაბორანტად.
1985 – სათავეში ჩაუდგა მოსკოვის ბიოტექნოლოგიის ინსტიტუტის მოლეკულური გენეტიკის ლაბორატორიას, რომელსაც ხელმძღვანელობდა 1990 წლამდე.
2002 – გახდა ეკონომიკის უმაღლესი სკოლის (მოსკოვი) პროფესორი.
რაც შეეხება კახა ბენდუქიძის ბიზნესსაქმიანობას:
1988 – შექმნა გაერთიანება "ბიოპროცესი".
1991-დან – ხელმძღვანელობდა ნავთობის სახალხო საინვესტიციო-სამრეწველო გაერთიანება "ნიპეკს".
1992 – სათავეში ჩაუდგა "პრომტორგბანკის" დირექტორთა საბჭოს.
1994 – 1998 – გემთმშენებელი გაერთიანება "ალმასის" დირექტორთა საბჭოს თავმჯდომარე.
1996 – შექმნა "გაერთიანებული მანქანათმშენებელი ქარხნები"
1996 – 2000 – იყო "გაერთიანებული მანქანათმშენებელი ქარხნები"–ს დირექტორთა საბჭოს თავმჯდომარე და გენერალური დირექტორი.
1996 – 2000 – ხელმძღვანელობდა "ურალმაშის" დირექტორთა საბჭოს.
2000 – დაინიშნა "ურალმაშის" გენერალურ დირექტორად.
2004 წლიდან ბენდუქიძემ ბიზნესსაქმიანობა დაასრულა და საჯარო სამსახურში წავიდა.
2004, 2 ივნისი – 17 დეკემბერი – საქართველოს ეკონომიკური განვითარების მინისტრი.
2004, 17 დეკემბერი – დაინიშნა საქართველოს სახელმწიფო მინისტრად რეფორმების კოორდინაციის საკითხებში.
2008, 1 თებერვალი – დაინიშნა საქართველოს მთავრობის კანცელარიის უფროსად.
