პარლამენტის ჯანდაცვის კომიტეტის თავმჯდომარე დიმიტრი ხუნდაძემ, პელნარულს სხდომაზე პენსიების თემასთან დაკავშირებით განცხადება გააკეთა და იმ სქემაზე ისაუბრა, რომლის თანახმადაც 2015 წლის 1 სექტემბრიდან პენსიები 10 ლარით გაიზრდება.
"ბოლო პერიოდში მედიაში ინტენსიურად დაიწყო პენსიების საკითხის გაშუქება. ეს თემა საგანგებო ყურადღების საგანია ხელისუფლებისთვისაც. დღეს პენსიონერებისათვის გასაცემ თანხას შეიძლება პირობითად ვუწოდოთ სახელმწიფო პენსია, ეს სინამდვილეში სოციალური პენსიაა, რადგან არ არის გათვალისწინებული სტაჟი და დამსახურება.
"პენსიების" თემას და მასთან დაკავშირებულ პრობლემას ხშირად იყენებენ პოლიტიკური სპეკულაციებისთვის. წინასაარჩევნო დაპირებების ადრესატებიც მნიშვნელოვანწილად პენსიონერები რჩებიან.
ვფიქრობთ, აუცილებელია საზოგადოებას უფრო სრულად წარმოვუდგინოთ ზოგიერთი მონაცემი, თუ რა შეიცვალა ბოლო პერიოდში და რით გაუმჯობესდა პენსიონერების მდგომარეობა:
2013 წელს ასაკით პენსიონერებისთვის პენსია გაიზარდა შესაბამისად 25 და 40 ლარით, მნიშვნელოვნად შშმპ პენსიონერებისათვის 50 ლარით.
2015 წლის 1 სექტემბრიდან ასაკით პენსიონერებისთვის პენსია იზრდება 10 ლარით.
თუ ასაკით პენსიონერი არის სოციალურად დაუცველი, ის ასევე იღებს გაორმაგებულ სოციალურ შემწეობას.
სოციალურად დაუცველი პენსიონერები, რომლებიც სახელმწიფოსაგან ყველაზე მეტ ზრუნვას საჭიროებენ, პენსიას და სოციალურ დახმარებას ერთად
2012 წელს იღებდნენ – 140 ლარს და ზოგი 155 ლარს
2013 – 2014 წლებში იღებენ- 210 ლარს220 ლარს (შშმპ პირები)
2015 წლისთვის მიიღებენ 220 ლარს და 230 ლარს (შშმპ პირები)
2016 წლისთვის კიდევ იგეგმება პენსიების ზრდა
2012 წლისათვის საპენსიო გასაცემელი იყო მილიარდზე ნაკლები, 2014 წელს ეს ციფრი გახდა 1. 324,000,000 მილიარდი ლარი, ხოლო 2015 წლისთვის იქნება 1. 390,000,000 მილიარდი ლარი, ანუ, 400 მლნ. ლარამდე მოხდა ზრდა.
ამავე დროს: პენსიონერები დაზღვეული არიან სახელმწიფოს მხრიდან. გამარტივდა და ხელმისაწვდომი გახდა მათთვის სამედიცინო მომსახურება. შესაბამისად, შემცირდა მათთვის და მათი ოჯახებისათვის ამ მიმართულებით დანახარჯები. ხორციელდება პენსიონრებისთვის მედიკამენტებით უზრუნველყოფა თანადაფინანსების პრინციპით, პროგრამულად კი უფასოდ.
2015 წელს მედიკამენტებით უზრუნველყოფისთვის დამატებით გამოიყოფა 10 მლნ. ლარი, რაც საგრძნობლად გაზრდის მოსახლეობის და მათ შორის პენსიონერების მედიკამენტებით უზრუნველყოფას.
შედარებისთვის, წინა ხელისუფლების პერიოდში პენსიების ზრდის ტემპი იყო შემდეგი: 2004 წელს — 18 ლ – გაიზარდა 4 ლარით; 2005 წელს – 28 ლ. – გაიზარდა 10 ლარით; 2006 წელს – 38 ლ. – გაიზარდა 10 ლარით ; 2007 წელს – 55 ლ. – პენსია გაიზარდა 17 ლარით 1 დეკემბრიდან; 2008 წელს – 70 ლ. – გაიზარდა 15 ლარით; 2009 წელს – 80 ლ. – გაიზარდა 10 ლარით 1 ნოემბრიდან; 2010 წელს – 80 ლ. – პენსია არ გაზრდილა; 2011 წელს – 100 ლ. – გაიზარდა 20 ლარით 1 სექტემბრიდან; 2012 წელს – 110/125 . – გაიზარდა 10 და ზოგიერთი პენსიონერისათვის 25 ლარით 1 სექტემბრიდან.
ჩვენ კი პირველ 3 წელიწადში პენსიები გავზარდეთ 35 ლარით, ზოგისათვის 50 და 60 ლარით. რა თქმა უნდა, ეს არ არის საკმარისი და ვზრუნავთ იმისათვის რომ მოხდეს პენსიების უფრო მნიშვნელოვანი ზრდა.
ასაკით პენსიონერთა დღევანდელი მდგომარეობის გაუმჯობესებაზე მეტყველებს მთავარი ინდიკატორები, რაც უკვე აისახა 2013 წლის სტატისტიკურ მონაცემებში: ხანდაზმულებში სიკვდილიანობის შემცირება, სიცოცხლის ხანგრძლივობის გაზრდა და წინა წელთან შედარებით, პენსიონერთა რიცხვის მატება დაახლოებით 10 000-ით.
დღეს მიმდინარეობს მუშაობა ახალ საპენსიო რეფორმაზე. ვფიქრობთ, ეს იქნება კარგი სიახლე და ხელისუფლების ერთ-ერთი დიდი მიღწევა. ამ რეფორმის გატარებით ჩვენ შევძლებთ საქართველოში ერთხელ და სამუდამოდ დავასრულოთ „პენსიების“ თემით სპეკულირება და რაც ჩვენთვის ყველაზე მთავარია, პენსიონერებს შევუქმნათ უკეთესი ცხოვრების პირობები".
