საჯარო ინფორმაციის ხელმისაწვდომობა საქართველოში

IDFI-ის გუნდის მიერ 2014 წელს პროექტის განხორციელებისას  საჯარო ინფორმაციის მოთხოვნით სულ გაიგზავნა 5 466 განცხადება 308  საჯარო დაწესებულებაში.

პროექტის სტატისტიკური შედეგები შემდეგნაირად გამოიყურება:

სულ გაიგზავნა – 5466 მოთხოვნა

Ø  სრულყოფილი პასუხი – 3 628(66,4%)

Ø  არასრულყოფილი პასუხი -356(6,5%)

Ø  უარი -85(1,5%)

Ø  უპასუხო-1 397(25,6%)

აღსანიშნავია, რომ 2012 წლის პირველი ოქტომბრის საპარლამენტო არჩევნების შემდგომ, საწყის ეტაპზე, (2012 წლის ოქტომბერი – 2013 წლის სექტემბერი)  სრულყოფილად გაცემული პასუხების 81%-იანი მაჩვენებელი მიმდინარე პროექტის ფარგლებში 66% – მდე შემცირდა, ხოლო უპასუხოდ დატოვებული მოთხოვნები 11%-დან  26%-მდე გაიზარდა და  2012 წლის საპარლამენტო არჩევნებამდე არსებულ ნიშნულს მიუახლოვდა.

პრეზენტაციაზე გაიმართა დაჯილდოების ცერემონიალიც. დასახელდა საჯარო ინფორმაციის უზრუნველყოფის თვალსაზრისით ყველაზე ღია და დახურული უწყებები.

IDFI-ს სიგელი საჯარო ინფორმაციის ხელმისაწვდომობის გაუმჯობესებისათვის გადაეცა საქართველოს მთავრობის ადმინისტრაციას, რომელმაც ცენტრალურ საჯარო დაწესებულებებს შორის ყველაზე მეტად გააუმჯობესა ინფორმაციის ხელმისაწვდომობის ხარისხი. 2012-2013 წლების მაჩვენებელთან (75%) შედარებით მიმდინარე პროექტში საქართველოს მთავრობის ადმინისტრაციის საჯარო ინფორმაციის ხელმისაწვდომობა გაუმჯობესდა 23%-ით და შეადგინა 98%.

სასჯელაღსრულების დეპარტამენტი კი დასახელდა, როგორც 2014  წელს ყველაზე დახურული საჯარო დაწესებულება.

IDFI-ის გაუმჭვირვალობის სერტიფიკატი საჯარო ინფორმაციის ხელმისაწვდომობის შეზღუდვისათვის გადაეცა საქართველოს შინაგან საქმეთა სამინისტროს, რომელსაც ცენტრალურ საჯარო დაწესებულებებს შორის ინფორმაციის ხელმისაწვდომობის ყველაზე დაბალი მაჩვენებელი აქვს.

სპეციალური ჯილდოები (სიგელები) „2014 წელს საჯარო ინფორმაციის ხელმისაწვდომობის უზრუნველყოფისთვის" მიიღეს შემდეგმა ცენტრალურმა საჯარო დაწესებულებებმა:

·         საქართველოს ოკუპირებული ტერიტორიებიდან იძულებით გადაადგილებულ პირთა, განსახლებისა და ლტოლვილთა სამინისტრო

·         საქართველოს გარემოსა და ბუნებრივი რესურსების დაცვის სამინისტრო

·         საქართველოს სპორტისა და ახალგაზრდობის საქმეთა სამინისტრო

·         აჭარისა/რ-ისგანათლების, კულტურისა და სპორტის სამინისტრო

ასევე, IDFI-ს სიგელი  საჯარო ინფორმაციის ხელმისაწვდომობის უზრუნველყოფისათვის გადაეცა ყველა იმ უწყებას, რომლებმაც პროექტის ფარგლებში საჯარო ინფორმაციის ხელმისაწვდომობის 100%-იანი მაჩვენებელი აჩვენეს (სულ 38 დაწესებულება). მათ შორის განსაკუთრებით აღსანიშნავია საჯარო სამსახურის ბიურო, სასჯელაღსრულებისა და პრობაციის სასწავლო ცენტრი, სამოქალაქო ავიაციის სააგენტო, სახალხო დამცველის აპარატი, აკრედიტაციის ერთიანი ეროვნული ორგანო-აკრედიტაციის ცენტრი, სახელმწიფო ჰიდროგრაფიული სამსახური და სტანდარტებისა და მეტროლოგიის სააგენტო, რომლებმაც 2012-2013 წლების მსგავსად კვლავ ინფორმაციის ხელმისაწვდომობის 100%-იანი მაჩვენებელი დააფიქსირეს.

2014 წელს საჯარო ინფორმაციის  პროაქტიულად საუკეთესო  გამოქვეყნებისთვის IDFI-ის სიგელი გადაეცა საქართველოს განათლებისა და მეცნიერების სამინისტროსა და საქართველოს ენერგეტიკის სამინისტროს.

დაწესებულების კატეგორიების მიხედვით აგრეთვე, დასახელდა  ინფორმაციის ხელმისაწვდომობის თვალსაზრისით ყველაზე არაანგარიშვალდებული უწყებები. მათ შორის არიან:

·         საქართველოს შინაგან საქმეთა სამინიტრო

·         სსიპ-   შსს  ჯანმრთელობისდაცვისსამსახური

·         სსიპ – დაცვის პოლიციის დეპარტამენტი

·         წალკის გამგეობა

·         ხობის გამგეობა

·         თეთრიწყაროს საკრებულო

·         მარნეულის საკრებულო

·         მარტვილის საკრებულო

·         ქობულეთის საკრებულო

·         შუახევის საკრებულო

·         წალკის საკრებულო

·         ბოლნისის საკრებულო

ანგარიში „საჯარო ინფორმაციის ხელმისაწვდომობა საქართველოში" ეფუძნება ინსტიტუტის საჯარო ინფორმაციის გამოთხოვის პრაქტიკას. კონკრეტულ მაგალითებზე დაყრდნობით ნაშრომი რეალურად ასახავს საქართველოში არსებულ ვითარებას და სრულ წარმოდგენას უქმნის მკითხველს საჯარო ინფორმაციის ხელმისაწვდომობის არსებულ პრაქტიკასთან დაკავშირებით.