პოლიტოლოგი გია ნოდია, უზენაესი სასამართლოს თავმჯდომარის, ნინო გვენეტაძის იმ განცხადებას ეხმაურება, რომლითაც მან საზოგადოებას აღდგომის დღესასწაული მიულოცა და თითოეულ ქართველს პატრიარქის ეპისტოლის შესრულებისკენ მოუწოდა.
გვენეტაძის ამ განცხადებას პოლიტოლოგმა სისულელე უწოდა.
"დიდი მწუხარებით მინდა განვაცხადო, რომ, როგორც ჩანს, ჩვენი უზენაესი სასამართლოს თავმჯდომარე არცთუ ჭკვიანი და განათლებული ადამიანია.
სწორ შეხედულებებზე ან კეთილ ნებაზე აღარაა ლაპარაკი, ელემენტარული ჭკუა არ ყოფნის, რომ აშკარა სისულელეები არ თქვას. გააზრებული უნდა ჰქონდეს, რომ კერძო პირი ან თავისი ეკლესიის მრევლის რიგითი წევრი აღარაა, ამიერიდან ყოველი მისი გამონათქვამი, თუნდაც ფეისბუქ-სტატუსი, უზენაესი სასამართლოს თავმჯდომარის პოზიციის გამოხატვაა", _ წერს ნოდია სოციალურ ქსელში.
