პოლონეთის ადგილობრივი გაზეთის, კვირეული "პშელომის", ასევე, პორტალ przelom.pl-ის გამომცემელი, პოლონეთის ადგილობრივი გაზეთების ასოციაციის თავმჯდომარე, აღმოსავლეთ ევროპასა და ცენტრალურ აზიაში განხორციელებული მედია-პროექტების ექსპერტი ალიცია მოლენდა ამბობს, რომ ქართული ადგილობრივი გაზეთების რედაქტორებმა და გამომცემლებმა ყური უნდა დაუგდონ თავიანთ მკითხველებს და მათ საჭიროებებზე სწრაფი რეაგირება უნდა მოახდინონ.
როგორც მოლენდამ "გურია ნიუსთან" ინტერვიუში განაცხადა, ქართული მედია სწრაფად ვითარდება, თუმცა ბევრი რამ ჯერ კიდევ შესაცვლელია.
კითხვაზე – განვითარების რა კუთხით უნდა წავიდეს ქართული ადგილობრივი მედია, რომ უფრო მაღალ სტანდარტს მიაღწიოს? – მოლენდა გვპასუხობს:
"ადგილობრივ გაზეთებს შეუძლიათ მიბაძონ და ნახონ როგორ გამოიყურება ადგილობრივი გაზეთები ცენტრალურ და დასავლეთ ევროპაში. იმის მიუხედავად, რომ სარეკლამო ბაზარი საქართველოში უფრო მოკრძალებულია, ვიდრე ევროპაში, გაზეთები მაინც უნდა ცდილობდნენ მოიძიონ ეს რეკლამები ან გაზარდონ მცირე განცხადებების რაოდენობა. ძალიან მცირე რაოდენობაა რეკლამების, რაც მნიშვნელოვანია პრობლემაა. პოლონეთში ადგილობრივი გაზეთების არსებობის პირველივე დღიდან ძალიან დიდი მნიშვნელობა ჰქონდა მცირე განცხადებებს და მათი რაოდენობა ყოველთვის დიდი იყო. ქართულ მედიაში პრობლემაა გაზეთის შინაარსობრივი მხარის კუთხითაც. მაკეტების შეცვლაზე ვიმუშავებდი ქართულ გაზეთებში რომ ვყოფილიყავი, შესაცვლელია სურათების ხარისხი. ქართული ენა არ ვიცი, ამიტომ სტატიების შინაარსობრივ მხარეს ვერ შევაფასებ", _ ამბობს მოლენდა.
მისივე თქმით, გაზეთის შინაარსობრივ მხარეს ხშირ შემთხვევაში გადამწყვეტი როლი აქვს, ვიდრე დიზაინს.
"ვიმედოვნებ, რომ ქართველ ჟურნალისტებს არა აქვთ თვისება, რაღაც ინფორმაცია ინტერნეტიდან გაზეთში გადაბეჭდონ. ასევე ვიმედოვნებ, შინაარსობრივი მხარე ადგილობრივ საკითხებს ზუსტად ასახავს. ადგილობრივი გაზეთების რედაქტორებმა და გამომცემლებმა ყური უნდა დაუგდონ თავიანთ მკითხველებს. სწრაფი რეაგირება უნდა მოახდინონ მათ საჭიროებებზე, თანამდებროვე მკითხველს ურჩევნია წაიკითხოს უფრო მოკლე ტექსტები, ვიდრე ადრე კითხულობდა. გაზეთის შინაარსობრივ მხარეს ხშირ შემთხვევაში გადამწყვეტი როლი აქვს, ვიდრე დიზაინს. გაზეთი მხარს უნდა უჭერდეს და მკითხველს სჭირდებოდეს, ამისთვის მას პრაქტიკული ინფორმაცია უნდა გადასცეს, რომელიც ცხოვრებას გაუმარტივებს", _ აღნიშნა მოლენდამ.
პოლონელ მედიაექსპერტთან ინტერვიუს "გურია ნიუსი" მოგვიანებით შემოგთავაზებთ.
