წუხანდელი ძლირი წვიმის გამო ჩოჩხათის ადმინისტრაციის სოფელ შრომისუბანში მეწყერი ჩამოწვა, დაზიანებულია ელექტროგაყვანილობის ბოძები, რის გამოც სოფელს შუქი არ მიეწოდება.
"ადრე დილიდან გამოსული ვარ და ვსწავლობ მდგომარეობას. სოფელ შრომისუბანში ე.წ მდინარაძეების შესახვევში დაახლობით 50 მეტრზეა ჩამოწოლილი მეწყერი, ასევე დაზიანებულია სოფლის შიდა გზები. ჯერჯერობით ამ მაქვს სრული ინფორმაცია რა ზარალია მიაყენა მთლიანად ჩოჩხათის ადმინისტრაციას წუხანდელმა ძლიერმა წვიმამ", განაცხადა ჩვენთან საუბარში ჩოჩხათის მაჟორიტარმა დეპუტატმა ალეკო სარიშვილმა.
"წუხანდელ ძლიერ წვიმას, რასაც თან ქარიც ერთვოდა, საბედნიეროდ, ზარალი არ მოჰყოლია. თუმცა, მდინარე სუფსა საკმაოდ ადიდებულია და წვიმის გაგრძელების შემთხვევაში საყანე ფართობების დატბორვის საშიშროებაა. მოსახლეობის დაახლოებით 40% -ს ყანები სწორედ მდინარის პირას აქვს. მოსახლეობასთან მუდმივ კონტაქტში ვიმყოფები და ჯერჯერობით, მათგან ზარალის შესახებ ინფორმაცია არ მიმიღია", – გვითხრა სუფსის ადმინისტრაციის მაჟორიტარმა დეპუტატმა ჯუმბერ ბლაგიძემ.
ლანჩხუთის სამაშველო სამსახური უფროსის კახა ჯინჭარაძის ინფორმაციით, სრულ მზადყოფნაშია მაშველთა ჯგუფიც. .
"აქამდე არანაირი შეტყობინება არ შემოსულა, თუმცა ამინდის გამოსვლამდე ჩვენ მოლოდინის რეჟიმში ვაგრძელებთ მუშაობას". -განაცხადა ჯინჭარაძემ.
გამგეობის ინფრასტრუქტურის სამსახურის უფროსის ლევან ჩხაიძის თქმით, ის ამ დროისთვის სოფლებში გადის მდგომარეობის შესასწავლად და კონკრეტულად რაიმეს თქმაც მხოლოდ ამის შემდეგ შეძლებს.
