ოზურგეთის მუნიციპალიტეტის, დაბა ლაითურში მცხოვრები მოსახლეობის ინფორმაციით, ლაითური-მერიას დამაკავშირებელი ხიდის მშენებლობა დასრულდა, მაგრამ ამ ეტაპზე მანქანების გადაადგილება შეზღუდულია.
" როგორც იქნება მოგვარდა ეს პრობლემა, მაგრამ ახლა იმის ლოდინში დავიღალეთ, როდის გაიხსნება ხიდი?" – გვითხრა სატელეფონო საუბრის დროს დაბა ლაითურში მცხოვრებმა.
ოზურგეთის მუნიციპალიტეტის გამგებლის მერაბ ჭანუყვაძის თქმით, ხიდის ოფიციალური გახსნა ამ დღეებში იგეგმება და ეს პრობლემა ერთხელ და სამუდამოდ მოგვარდება.
"კომპანია ასრულებს საექსპერტო სამუშაოებს, რომელიც აუცილებელია და სწორედ ამის შემდეგ მოხდება ხიდის გახსნა ოფიციალურად. კომპანიას, რომელმაც შეასრულა სამუშაოები ხელშეკრულების ვადა აქვს 2015 წლის 9 დეკემბრამდე, მაგრამ ჩემი ინფორმაციით უფრო ადრე დასრულდება ყველა პროცესი, რის შემდეგ მოხდება მიღება-ჩაბარების აქტზე ხელის მოწერა. ყველა პროცესი უნდა შესრულდეს კანონის გათვალისწინებით. მინდა მოსახლეობას ვუთხრა, რომ ახალი ხიდი ძალიან მალე გაიხსნება". – გვითხრა მერაბ ჭანუყვაძემ.
