“ინფორმაციის თავისუფლების განვითარების ინსტიტუტმა” (IDFI) ფონდ “ღია საზოგადოება საქართველოს” მხარდაჭერით “საჯარო ინფორმაციის მონაცემთა ბაზის – www.opendata.ge პრეზენტაცია გამართა.
როგორც პრეზენტატორებმა აღნიშნეს, “საჯარო ინფორმაციის მონაცემთა ბაზი”-ს ფარგლებში აქტიურად ხორციელდებოდა საჯარო ინფორმაციის მოთხოვნა, დამუშავება და მიღებული ინფორმაციის სრული ანალიზი. 2011-2012 წლებში 7339 განცხადება საჯარო ინფომაციის მოთხოვნაზე 229 საჯარო დაწესებულებას გაეგზავნა. აქედან მხოლოდ 3763 კითხვაზე მოვიდა სრულყოფილი პასუხი. 1091 არასრულყოფილი პასუხი, 265 საფუძვლის არმქონე უარი, ხოლო 2220 კითხვა იგნორირებული იყო.
პრეზენტაციაზე ინფორმაციის თავისუფლების განვითარების ინსტიტუტმა წარმოადგინა წიგნი “ინფორმაციის თავისუფლება – გზამკვლელი”. სადაც კონკრეტულ და რეალურ მაგალითებზე დაყრდნობით ასახულია საქართველოში არსებული ვითარება. იგი წარმოადგენს სახელმძღვანელოს ინფორმაციის თავისუფლების შესახებ. აქვე განმარტებულია საჯარო ინფორმაციის არსი და მოქალაქეების უფლებები საჯარო ინფორმაციის გამოთხოვასთან დაკავშირებით.
www.opendata.ge -ზე იხილავთ საჯარო ინფორმაციის მონაცემთა ბაზას, სადაც განთავსებულია ინფორმაცია საჯარო დაწესებულებების ბიუჯეტის და სარეზერვო ფონდების, საჯარო მოხელეთა სახელფასო ფონდების, მინისტრებისა და სხვა სახელმწიფო პრემიების შესახებ. ინფორმაციის სიზუსტე კი ეყრდნობა სამინისტროების და სხვადასხვა სახელმწიფო სტრუქტურების მიერ მოწოდებულ ოფიციალურ ინფორმაციას.
აღნიშნულ ღონისძიებაზე გადაეცათ დაწესებულებებს, რომლებიც საჯარო ინფორმაციის ხელმისაწვდომობის უზრუნვეყოფისთვის და საჯარო ინფომაციის უზრუნველყოფის შეზღუდვისთვის იქნენ ნომინირებულნი.
“ინფორმაციის თავისუფლების განვითარების ინსტიტუტ”-ის “თეთრ სიაში” მოხვდნენ – 2011 წლის საჯარო ინფორმაციის ხელმისაწვდომობის უზრუნველყოფისთვის საჯარო დაწესებულებები: სსიპ-იურიდიული დახმარების სამსახური; სახალხო დამცველის აპარატი; სსიპ-საარჩევბნო სისტემების განვითარების, რეფორმებისა და სწავლების ცენტრი; სსიპ-ოლიმპიური რეზერვების მზადების ეროვნული ცენტრი; სსიპ-ევრაზიის სატრანსპორტო დერეფნის საინვესტიციო ცენტრი; სსიპ-სტატისტიკის ეროვნული სამსახური “საქსტატი”; სსიპ-სოფლის მეურნეობის სამინისტროს ლაბორატორია; სსიპ-ფინასთა სამინისტროს მომსახურების სააგენტო; სსიპ-ტურიზმის ეროვნული სააგენტო; სსიპ-სახელმწიფო ზრუნვის სააგენტო; სსიპ-ლევან სამხარაულის სახელობის სასამართლო ექსპერტიზის ეროვნული ბიურო; საქართველოს ეროვნული ბანკი; სსიპ-საჯარო სამსახურის ბიურო; სსიპ-მონაცემთა გაცვლის სააგენტო.
სერთიფიკატები გადაეცათ რეგიონულ საჯარო დაწესებულებებსაც; ქალაქ რუსთავის მერია; სახელმწიფო რწუმებულის-გუბენატორის ადმინისტრაციას სამცხე ჯავახეთში; სახელმწიფო რწუმებულის-გუბენატორის ადმინისტრაციას სამეგრელო-ზემო სვანეთში; დმანისი,; ჩოხატაურის, თელავის, მარტვილის და ახალციხის მუნიციპალიტეტის გამგეობებს.
“საჯარო ინფორმაციის შეზღუდვისთვის” – “შავ სიაში” 2011 წლის ინფორმაციის “დამბლოკავები მოხვდნენ” და სერტიფიკატებს მიიღებენ: შინაგან საქმეთა სამინისტროს მომსახურების სააგენტო; არასაპატიმრო საჯელთააღსრულებისა დს პრობაციის ეროვნული სააგენტო.
რეგიონებიდან კი ეს ჯილოდ წილად ხვდათ, გუბერნატორის ადმინისტრაციას ქვემო ქართლში; ვანის, სამტრედიის, ხონის, თიანეთის, ცაგერის, ჩხოროწყუს, ასპინძის, ბორჯომის, ნინოწმინდის, გარდაბნის, თეთრიწყაროს, კასპის, ქარელის მუნიციპალიტეტის გამგეობებს. არცერთი მათგანი არ გამოცხადებულა ღონისძიებაზე. სერთიფიკატის ამ ნომინაციაში ნომინირებული არცერთი დაწესებულების წარმომადგენელი ღისნისძიებას არ დასწრებია, მაგრამ პრეზენტატორებმა აღნიშნეს: “ჩვენ მათ სერთიფიკატებს საქართველოს ფოსტის მეშვეობით აუცილებლად გადავცემთ “.
საქართველოს თავდაცვის სამინისტროს კი 2011 წლის ყველაზე დახურული საჯარო დაწესებულების სტატუსი ერგო. რომელსაც საქართველოს ფოსტა გადასცემს აღნიშნულ უწყებას.
“გურია ნიუსმა” ვერცერთ ნომინაციაში ვერ აღმოაჩინა საქართველოს პრეზიდენტის ადმინისტრაცია, კონტროლის პალატა, საქართველოს პარლამენტი და თბილისის მერია.
ინფორმაციის თავისუფლების განვითარების ინსტიტუტის დირექტორი გიორგი კლდიაშვილი:
_ ბატონო გიორგი, “გურია ნიუსი” საჯარო ინფორმაციის გამოთხოვაზე ძალიან ხშირად მიმართავს კონტროლის პალატას, პრეზიდენტის ადმინისტრაციას, საიდანაც გვიჭირს პასუხის მიღება. რამდენად რეაულარდ არის ასახული საქართველოში არსებული საჯარო დაწესებულებებიდან ინფომაციის გაცემის სიზუსტე?
_ თავისთავად, ჩვენ ამდენ ორგანიზაციას ვერ ავსახავდით. ეს ყველაფერი ჩვენს გვერდზე დევს. როგორც შინაარსობრივ, ასევე ინფორმაციის ვადების მოწოდების მხრივ, ყველაფერი არის საკმაოდ კარგად მოცემული. აქ არის უშუალოდ გამორჩეული საჯარო დაწესებულებები, როგორც ინფომაციის ხელმისაწვდომობის თვალსაზრისით, ასევე ინფორმაციის არმოწოდების მიხედვით. საწუხაროდ, ყელას ვერ მოვიცავდით. რაც შეეხება კონტროლის პალატას და პრეზიდენტის ადმინისტრაციას, ისინი ვერ მოხვდნენ ჩვენს ნომინაციებში, ვერც საუკეთესო მაჩვენებლით და ასევე, როგორც ყველაზე დახურული საჯარო დაწესებულება. თქვენ თუ შეხედავთ ჩვენს სტატისტიკას, ნახავთ, რომ ისინი რეალურად სადღაც შუაში არიან. კონტროლის პალატაზე აღსანიშნავია, რომ ის არის ერთ-ერთი იმ საჯარო დაწესებულებებიდან, რომელიც ძალიან ცოტაა, ვინც პრემიალური თანხები თავიანთი თანამდებობის პირებისა უპრობლემოდ მოგვაწოდეს. პრეზიდენტის ადმინისტრაციაზე, თქვენ თვითონ აღნიშნეთ, რომ რთულია მათგან ინფორმაციის მიღება. თან საკმაოდ. ეს ის საჯარო დაწესებულებაა, რომლისგანაც ბევრ საჯარო ინფორმაციას ითხოვენ კონტროლის პალატისგან განსხვავებით.
ინფორმაციის თავისუფლების განვითარების ინსტიტუტის გამგეობის თავმჯდომარე ლევან ავალიშვილი:
_ ბატონო ლევან, რამდენად გამჭვირვალეა კონტროლის პალატა და პრეზიდენტის ადმინისტრაცია,თქვენი ანგარიშიდან არ ჩანს.
_ პარლამენტიც არ არის, თბილისის მერიაც არ არის.
_ პრეზიდენტის ადმინისტრაცია და კონტროლის პალატა რატომ არ მოხვდა ამ ნომინაციებში?
_ იცით, რა. ვებ-გვერდზე არის ბანერი “სტატისტიკა 2011”, სადაც ყველა პასუხს ნახავთ.
_ თავდაცვის სამინისტრო რატომ მოხვდა დახურულ საჯარო დაწესებულებების სიაში?
_ თავდაცვის სამინისტროს 40 შეკითხვა გავუგზავნეთ. არცერთზე არ მიგვიღია პასუხი. კონტროლის პალატა არის ერთადერთი, ვინც პრემიებზე მოგვაწოდა ინფორმაცია, რაც ჩვენთვის გასაკვირი იყო.
