ISN-ზე გამოქვეყნებული სტატიის მიხედვით, საქართველოში თანაცხოვრების პრობლემები მწიფდება, რისი მოგვარებაც მნიშვნელოვანია.
"გურია ნიუსი" გამოქვეყნებული სტატიის თარგმანს გთავაზობთ:
"საქართველოში ძალიან დიდი ხნის განმავლობაში დომინანტური მართლმადიდებელი საზოგადოება მუსულმანური უმცირესობის წევრების, სომხური სამოციქულო ეკლესიის, იეჰოვას მოწმეების, ბაპტისტების დისკრიმინაციას ეწეოდა. ახალი მთავრობა სიტუაციის შეცვლას ცდილობს, მაგრამ პრობლემას ფესვები ღრმად აქვს გადგმული.
საქართველოს ეროვნული იდენტობიდან უმცირესობის გამორიცხვამ ხელი შეუწყო ეთნიკურ და რელიგიურ საზოგადოებას შორის დაძაბულობას, რაც შეშფოთების მიზეზს იძლევა. როგორც ჩანს, ახალი სამთავრობო პოლიტიკა სწორი მიმართულებით მიდის, მაგრამ პრობლემის აღმოსაფხვრელად უკეთესი გზის მონახვაა საჭირო.
21-ე საუკუნის დადგომიდან უნდა გვესმოდეს, რომ რელიგიას ხალხის დაყოფა შეუძლია. იდენტობის გამო, სხვადასხვა თემები საზღვრებს ნიშნავენ.
სამხრეთ კავკასიაში კერძოდ,საქართველოში სამხრეთ ოსეთსა და აფხაზეთს შორის, ასევე აზერბაიჯანსა და სომხეთს შორის გადაუწყვეტელი კონფლიქტები რეგიონის ეკონომიკური და სოციალური კუთხით ზრდას, უმეტესად კი იძულებით გადაადგილებულ პირებსა და სოფლად მცხოვრებ ადამიანებს დიდ პრობლემას უქმნის. გარდა ამისა, საქართველოში ეთნიკურად მართლმადიდებელ ქართველებსა და ეთნიკურ მუსულმანურ მოსახლეობას შორის ტერიტორიული კონფლიქტი ნაკლებად თვალსაჩინოა.
როგორც სტატიაშია ნათქვამი, 1991 წელს საბჭოთა კავშირის დაშლის შემდეგ მუსულმანური უმცირესობა ქართული პოლიტიკის მშენებლობაში სათანადოდ არ მონაწილეობს. ხოლო უმრავლესობა-უმცირესობის ურთიერთობა კი სხვადასხვა რელიგიური შეხედულობის გამოწვეულ პოლიტიკურ არასტაბილურობას მალავს.
საქართველოს ყოველი მოქალაქისთვის ხელშეწყობა აუცილებელია, წინააღმდეგ შემთხვევაში უმცირესობათა გამორიცხვა შესაძლებელია პოლიტიკური კონფლიქტის საწყისად იქცეს.
საქართველოში არსებული მდგომარეობა შვეიცარიისთვის სამი რამის გამოა მნიშვნელოვანი.
პირველი, საქართველო გეოპოლიტიკური მდებარეობის მიხედვით აღმოსავლეთ და დასავლეთს შორის ენერგეტიკულ სატრანსპორტო მარშრუტია, გარდა ამისა, მთავარ როლს თამაშობს უსაფრთხოებასთან და მიგრაციასთან დაკავშირებულ საკითხებთან. მეორე, მშვიდობიანი და აყვავებული საქართველოს ჩართვა ბერნისთვის სამშვიდობო პროექტებში პრიორიტეტია.
როგორც ცნობილია, 2013-2016 წლებში შვეიცარიამ რეგიონში სხვადასხვა პროექტების განსახორციელებლად 110 მილიონის ინვესტიცია ჩადო, რის გამოც საქართველოში მუსულმანურ უმცირესობასთან კონფლიქტის მოგვარება შვეიცარიისთვის მწვავე საკითხი გახდა.
სამხრეთ კავკასიის ეთნიკურად და რელიგიურად შერეული ისტორიის გამო საქართველოს მოქალაქეებსაც მრავალფეროვანი ეთნიკური და რელიგიური წარმომავლობა აქვთ. გარდა ამისა, საქართველოს ცენტრალურ და პერიფერიულ რეგიონებში ენობრივი ბარიერი არსებობს.
უკანასკნელი აღწერის მონაცემებით (2002წ), საქართველოში 4, 37 მილიონი ადამიანი ცხოვრობს, რელიიგიის მიხედვით, მისი 84%-ს მართლმადიდებელი ქართველია, 10%-ს მუსულმანია, 4% გრიგორიანია, ხოლო 2% კათოლიკები და ებრაელები შეადგენენ.
რაც შეეხება ეროვნებას, 84% ეთნიკური ქართველია, 6,5 % აზერბაიჯანელები, 5, 7% სომხები, 1,5% რუსები, ხოლო 2% ოსები, ქურთები, ბერძნები, უკრაინელები, ქისტები და აფხაზები არიან.
მათი ინფორმაციით, საქართველოში სამი მუსულმანური თემი არსებობს: ეთნიკური აზერბაიჯანლები, რომლებიც ქვემო ქართლისა და კახეთის რეგიონებში ცხოვრობენ, ქართველი სუნიტები, რომელთა უმეტესობა აჭარის ავტონომიურ რესპუბლიკაში ცხოვრობს, და ქისტი სუნიტები -პანკისის ხეობასა და კახეთის რეგიონებში.
საქართველოში მშვიდობიანი თანაცხოვრებისათვის კონკრეტულ ნაბიჯები უკვე გადადგეს. მაგალითად, მთარგმნელობითი მომსახურება სასამართლოებში; სწავლება სხვადასხვა ენებზე სასწავლო დაწესებულებებში”, _ აღნიშნულია სტატიაში.
გავრცელებული ინფორმაციით, შვეიცარია ამჟამად დაკავებულია სამხრეთ საქართველოში ეთნიკური უმცირესობათა პოლიტიკაში ჩართვით, რაც ხელს შეუწყობს ადგილობრივ და რეგიონალურ განვითარებას, ასევე ქალთა პოლიტიკაში მონაწილეობას.
