ინგლისური ენის, სამოქალაქო განათლების და ტექნოლოგიების კონტენტის ერთ გაკვეთილში ინტეგრირება და ინგლისური ენის პედაგოგების ენობრივი კომპეტენციების ზრდა – ასეთი მიზანი აქვს აშშ-ს სახელმწიფო დეპარტამენტის მიერ დაფინანსებული პროექტს – „სამოქალაქო განათლება და ტექნოლოგიები ინგლისური ენის გამოყენებით“ (CTEL), რომელსაც საქართველოში ორგანიზაცია PH International ახორციელებს. CTEL პროგრამა 2016 წელს დაიწყო და 2016-21 წლების მანძილზე წარმატებით განხორციელდა შემდეგ რეგიონებში: კახეთი, აჭარა, შიდა ქართლი, სამცხე-ჯავახეთი, იმერეთი, ქვემო ქართლი, სამეგრელო, გურია და თბილისი. ამ ხნის განმავლობაში CTEL პროგრამაში 500-ზე მეტი მასწავლწებელი ჩაერთო 120 საჯარო სკოლიდან. პროგრამის კურსდამთავრებულებმა CTEL-ის ფარგლებში 42 საათიანი ტრენინგი გაიარეს, შემდეგ კი მიღებული ინფორმაცია და ახლადშეძენილი უნარ-ჩვევები პრაქტიკაში – ინტეგრირებული გაკვეთილების ჩატარებისას გამოიყენეს. ოზურგეთში, ტრენინგებს ამერიკელი სპეციალისტი თომა მალეტი უძღვებოდა, ადგილობრივ ტრენერებთან – ნათია სურგულაძესთან, მარინა გოგუაძესთან და ელენე ბურჭულაძესთან ერთად. პროგრამის დასრულებისას მონაწილე მასწავლებლებს პლანშეტური კომპიუტერები გადაეცათ .
პროგრამაში ოზურგეთიდან ოზურგეთის N1, N2, N4, ჭანიეთის, ლიხაურის, დვაბზუს, ლაითურის, მერიას, ქვემო ნატანების, გომის და შემოქმედის საჯარო სკოლის პედაგოგები მონაწილეობდნენ.
დაჯილდოების საღამოზე პლანშეტური კომპიუტერები გადაეცათ: თამარ ცხომელიძეს, მაკა მამალაძეს, ნანა ჩავლეშვილს, რუსუდან რუსიეშვილს, მარინა დოლიძეს, მაია გოგოტიშვილს, ნადია ქარდავას, ირმა გორდელაძეს, ხათუნა ცეცხლაძეს, ანა ნოზაძეს, მარიკა ჩხიკვიშვილს, მედეა მახარაძეს, მზია დათუნაშვილს, ნანა ზიმბიბაძეს, ნანა კიკაბიძეს, დარეჯან გრიგოლიას, ტარიელ ცერცვაძეს, ლეიდა გოგიტაურს, თამარ კაჭარავას, თამარ ხანთაძეს, მაკა ჭყონიას, ნინო ქუთათელაძეს, პაატა გაზაშვილს, ცაცა ქვილორიას, ეკატერინე ვანიძეს, ნატო გუდავაძეს, მაია ცინცაძეს, ლელა კურტანიძეს, ინდირა გობაძეს, მიხეილ ჭყონიას, სოფიო ცხოვრებაშვილს, მანონი ლომჯარიას და მარინა რუსიეშვილს.
(R)
