საქართველოს ადვოკატთა ასოციციის თავმჯდომარე ზაზა ხატიაშვილი უზენაესი სასამართლოს თავმჯდომარის, ნინო გვენეტაძის გადადგომას მოითხოვს.
ამის შესახებ, ხატიაშვილის განცხადებაშია ნათქვამი, რომელიც მან სასამართლო სისტემაში მიმდინარე პროცესებთან დაკავშირებით გაავრცელა.
"ადვოკატთა ასოციაციის თავმჯდომარე მოვითხოვ, თუ აქვს შერჩენილი ელემენტარული ღირსება, დაუყოვნებლივ გადადგეს საქართველოს უზენაესი სასამართლოს თავმჯდომარე ნინო გვენეტაძე-მურუსიძისა.
როდესაც ბატონმა პრეზიდენტმა სამოქალაქო სექტორს უზენაესი სასამართლოს თავმჯდომარის კანდიდატების წარდგენა შესთავაზა, მიუხედავად იმისა, რომ ადვოკატთა ასოციაციას ბევრად უკეთესი კანდიდატი გვყავდა წარდგენილი, მაინც მხარი დავუჭირეთ პრეზიდენტის გადაწყვეტილებას და მხარში დავუდექტით ნინო გვენეტაძეს, რათა ფეხზე დაეყენებინა სასამართლო სისტემა. ადვოკატთა ასოციაციას იმედი გვქონდა, სასამართლო სისტემაში მოძლიერებულიყვნენ ახვლედიანები, რაც მურუსიძეების მმართველობის დასასრულს ნიშნავდა. სამოქალაქო საზოგადოებამ მორიგი შოკი მივიღეთ, როდესაც ახალი უზენაესი სასამართლოს თავმჯდომარე რიგით მურუსიძედ გადაიქცა და ლევან მურუსიძის "სამარცხვინო იუსტიციის საბჭოსთან ერთად", პროგრესულად მოაზროვნე მოსამართლეების დევნა დაიწყო. სამოქალაქო საზოგადოებამ ამდენი ბრძოლის შემდეგ, უზენაესი სასამართლოს თავმჯდომარედ რიგითი მურუსიძე, ნინო გვენეტაძე-მურუსიძისა მივიღეთ, რაც ამ ქვეყნის სამართლიანაი სასამართლოს საბოლოოდ დასამარების დასაწყისია. სამოქალაქო საზოგადოება არ უნდა ველოდოთ როდის ამოეწურება თავმჯდომარეობის ცხრა წლიანი ვადა ნინო გვენეტაძე-მურუსიძისას და მის გადასაყენებლად უნდა ვიბრძოლოთ.
ნინო გვენეტაძის უზენაესი სასამართლოს თავმჯდომარედ მოღვაწეობის ერთი წელი არის ბიძინას მეოთხე სასწაული წლის აკორდი – კოლექტიური მურუსიძეების სამართალი. ნინო გვენეტაძე იყო სამოქალაქო საზოგადოების იმედი, თავისი წარსული საქმიანობიდან გამომდინარე, ერთი შეხედვით პრინციპული ადამიანი, მაგრამ მისი პრინციპულობა მოჩვენებითი აღმოჩნდა, რაც ქართულ სინამდვილეში ხშირად ხდება.
ნინო გვენეტაძემ "ოლიგარქი ივანიშვილის" მხრიდან განხორციელებულ ელემენტარულ წნეხს ვერ გაუძლო, რაც მისთვის დასასრულის დასაწყისი იყო. როდესაც იუსტიციის უმაღლეს საბჭოში, ნინო გვენეტაძის კანდიდატი ეკატერინე გასიტაშვილი, "ოლიგარქმა ივანიშვილმა დაძირა", ნინო გვენეტაძე უნდა გადამდგარიყო და სამოქალაქო საზოგადოებისთვის სრული სიმართლე ეთქვა, მაგრამ როგორც საქართველოს სინამდვილეში ხდება, ნინო გვენეტაძემ საკუთარ ღირსებაზე და ღირებულებებზე მაღლა უზენაესი სასამართლოს თანამდებობა დააყენა და რიგით მურუსიძედ გადაიქცა. სამოქალაქო საზოგადოება ვერ წარმოვიდგენდით, რომ ჩვენი ცხრა წლიანი ბრძოლის შემდეგ, სასამართლოს რიგითი მურუსიძე ჩაიბარებდა – ნინო გვენეტაძე-მურუსიძისა", _ აღნიშნულია ხატიაშვილის განცხადებაში.
