პოლონეთის თავდაცვის მინისტრმა, ანტონი მაცერევიჩმა REUTERS-ისთვის მიცემულ ინტერვიუში პოლონეთის პრეზიდენტის, ლეხ კაჩინსკის 2010 წელს ავიაკატროფაში დაღუპვის შესახებ საუბრისას აღნიშნა, რომ რუსეთის საქართველოზე თავდასხმას წინ უძღოდა საქართველოში არსებული შიდა საბოტაჟი.
"ეჭვი არ არსებობს, რომ რუსეთის თავდასხმას საქართველოზე წინ უძღოდა ქვეყანაში არსებული შიდა საბოტაჟი, ასევე არ არსებობს ეჭვი, რომ რაც სმოლენსკში მოხდა მიზნად ისახავდა პოლონეთისთვის იმ ლიდერის წართმევას, რომელიც ჩვენი ერის დამოუკიდებლობისთვის იბრძოდა,"_ განაცხადა მაცერევიჩმა.
მაუწყებლის ინფორმაციით, 2008 წელს საქართველო-რუსეთის ხუთ დღიანი ომის დროს მოსკოვმა სამხრეთ ოსეთში თავისი ძალაუფლება კიდევ უფრო გააძლიერა, რომელიც 1990 წლიდან თბილისის კონტროლს მიღმა იყო დარჩენილი. რუსული ჯარი უკანდახევამდე სამხრეთ ოსეთის გავლით საქართველოში ღრმად შეიჭრა.
როგორც ცნობილია, პოლონეთის თავდაცვის მინისტრმა არ დაასახელა ვის ადანაშაულებს რუსეთის ტერიტორიაზე მომხდარ ავარიაში, რომელსაც პოლონეთის პრეზიდენტი ემსხვერპლა, თუმცა აღნიშნა, რომ რუსეთის ხელისუფლების პოლიტიკური მტრები, რომლებიც მთავრობას ადანაშაულებენ, რომ ძალაუფლება ხელში საკუთარ მოსახლეობაზე ტერორით ჩაიგდეს, შესაძლოა, მართლები არიან.
მაუწყებლის ინფორმაციით, პოლონეთის თავდაცვის მინისტრის განცხადებას რუსეთის საგარეო საქმეთა მინისტრი გამოეხმაურა.
"ვიმედოვნებ, ეს არ არის დაკავშირებული პოლიტიკასთან,"_განაცხადა მარია ზახაროვამ.
მაუწყებლის ინფორმაციით, თვითმფრინავმა, რომლითაც პოლონეთის პრეზიდენტი, პოლონეთის პირველი ლედი, ცენტრალური ბანკის ხელმძღვანელი, სამხედრო მაღალჩინოსნები და კიდევ 96 ადამიანი მგზავრობდა, ავიაკატასტროფა იმ ადგილას განიცადა, სადაც 1940 წელს 22 000 პოლონელი ოფიცერი და ინტელიგენცია დახვრიტეს.
