პერსონალურ მონაცემთა დაცვის ინსპექტორმა 2015 წლის განმავლობაში, შინაგან საქმეთა სამინისტრო ორჯერ დააჯარიმა. ამის შესახებ პერსონალურ მონაცემთა დაცვის ინსპექტორის ანგარიშშია აღნიშნული, რომელსაც დღეს პარლამენტის იურიდიული და ადამიანის უფლებათა დაცვის კომიტეტებზე უსმენენ.
ანგარიშში აღნიშნულია, რომ 2015 წელს პერსონალურ მონაცემთა დაცვის ინსპექტორმა საქართველოს შინაგან საქმეთა სამინისტროს მიერ კონკრეტულ პირთა მონაცემთა დამუშავების რამდენიმე შემთხვევა შეისწავლა, ნაწილ მათგანში სამინისტროს მხრიდან პერსონალური მონაცემების დაცვის კანონმდებლობის დარღვევა არ გამოვლინდა, ან პასუხისმგებლობის დაკისრება ვერ მოხდა ხანდაზმულობის ვადის გასვლის გამო, ხოლო 2 შემთხვევაში სამინისტროს ადმინისტრაციული პასუხისმგებლობის სახით დაეკისრა ჯარიმა 2000 ლარის ოდენობით.
"ერთ-ერთი სამართალდარღვევა გამოვლინდა მოქალაქის განცხადების განხილვის ფარგლებში, კერძოდ, მოქალაქე უთითებდა, რომ მისი კუთვნილი ავტომობილით მოძრაობისას ერთერთი ავტომობილის მძღოლი შესამჩნევად მანევრირებდა მის სიახლოვეს. რამდენიმე წუთში განმცხადებელმა სატელეფონო ნომერზე მიიღო მოკლე ტექსტური შეტყობინება მისთვის უცნობი ნომრიდან. როგორც შეტყობინებიდან ირკვეოდა, გამომგზავნი იყო აღნიშნული ავტომობილის მძღოლი, რომელიც მისივე თქმით მუშაობდა შინაგან საქმეთა სამინისტროში და განმცხადებლის სატელეფონო ნომერი და სხვა პერსონალური მონაცემები მოიძია სამინისტროში. პერსონალურ მონაცემთა დაცვის ინსპექტორმა შეისწავლა მოქალაქის მონაცემებთ ან უკანონოდ წვდომის საკითხი. დადგინდა, რომ ავტომობილის მძღოლი არ იყო სამართალდამცავი ორგანოს თანამშრომელი, თუმცა მან პირადი მიზნებისთვის განმცხადებლი სპერსონალური მონაცემების შემცველი ინფორმაცია მოიპოვა სამინისტროს ერთერთი თანამშრომლისგან.
აღნიშნულ ფაქტს რეაგირება მოჰყვა ასევე სამინისტროს მხრიდანაც და ინფორმაციის კანონიერი საფუძვლის გარეშე მომპოვებელად მესამე პირისთვის გამმჟღავნებელ თანამშრომელს დაეკისრა დისციპლინური პასუხისმგებლობა. თუმცა, მიუხედავად ამისა, მონაცემების საფუძვლის გარეშე დამუშავებისთვის სამინისტრო დაჯარიმდა 2000ლარით", _ აღნიშნულია ანგარიშში.
თუმცა, პერსონალურ მონაცემთა დაცვის ინსპექტორის ანგარიშში აღნიშნულია, რომ "2015 წლის განმავლობასი შსს-მ მოაწესრიგა სამინისტროს ინფორმაციულ რესურსებთან თანამშრომელთა დაშვების საკითხები, განისაზღვრა სამინისტროს ფაილურ სისტემებში არსებული პერსონალური მონაცემების შენახვის, წაშლისა და დაარქივების ვადები, გამკაცრდა თანამსრომელთა მიერ მონაცემთა ბაზებზე წვდომის კანონიერების კონტროლი. დაარქივებულ ინფორმაციულ რესურსებთან წვდომა დაიშვება მხოლოდ დასაბუთებული წერილობითი მიმართვის საფუძველზე".
პერსონალურ მონაცემთა დაცვის ინსპექტორის ანგარიშში აღნიშნულია, რომ გასულ წელს ადმინისტრაციული პასუხისმგებლობა ჯარიმის ან გაფრთხილების სახით 41 ორგანიზაციას დაეკისრა.
ამავე თემაზე:
რამდენი ორგანიზაცია დააჯარიმა პერსონალურ მონაცემთა დაცვის ინსპექტომა
პრობლემად რჩება პერსონალურ მონაცემთა დამუშავების პრინციპების დაუცველობა – ქალდანი
სარეკლამო მესიჯების გაგზავნისთვის ორგანიზაციები დაჯარიმდნენ
„ორგანიზაციები ვიდეოთვალთვალს უკანონო მიზნებისთვის იყენებენ“
