პროკურატურის ქონების დაბრუნების დეპარტამენტის მიერ განხილული საქმეები

საქართველოს მთავარი პროკურატურის სამართალწარმოების პროცესში ჩადენილი დანაშაულის გამოძიების დეპარტამენტის მუშაობის შედეგად,  ჯამში  დაზარალებული მოქალაქეებისთვის,  დაახლოებით 15 349 009   ლარის ღირებულების ქონებაა დაბრუნებული, _ ამის შესახებ მთავარი პროკურორის, ირაკლი შოთაძის ანგარიშშია აღნიშნული, რომელიც მან დღე საპროკურორო საბჭოს წარუდგინა.

ანგარიშის თანახმად, "54 დაზარალებულ მოქალაქეს დაუბრუნდა და დაბრუნების პროცესშია 41 ა/მანქანა;

·        9 მიწის ნაკვეთი;

·        3  საცხოვრებელი ბინა;

·        1 საოფისე ფართი;

·        48 დასახელების ოქროს ნაკეთობები;

·        აკურას ღვინის ქარხანა;

·        გორში მდებარე სასტუმრო კომპლექსი დამაგრებული მიწის ნაკვეთით.

·        გორის საცურაო კომპლექსი დამაგრებული მიწის ნაკვეთით.

ქონების დაბრუნება  შესაძლებელი გახდა  ქონების იძულებით ჩამორთმევის 36 ფაქტის გახსნის და გამოძიების შედეგად, რასთან დაკავშირებითაც

მხილებულია: 27 საჯარო მოხელე. აქედან,  სისხლის სამართლებრივი დევნა დაიწყო 5 პირის მიმართ (არჩაია; კეზერაშვილი; ადეიშვილი 2  ეპიზოდში; მერაბიშვილი, ლაცაბიძე);

დისკრეცია გამოყენებულ იქნა 20 პირის მიმართ და 1 შემთხვევაში განრიდება;

გამოძიება შეწყდა 2 პირის მიმართ გარდაცვალების გამო.

გარდა ამისა, დასრულდა და სასამართლოში არსებითად განსახილველად წარიმართა ტელეკომპანია ,,იბერია“-ს იძულებით დათმობისა და ე.წ ,,ფოთის პორტის“ საქმეები.

სსსკ-ის 310-312 მუხლების საფუძველზე ჩვენს მიერ 4 სს საქმეზე შეტანილი იქნა შუამდგომლობა სააპელაციო სასამართლოში ახლად გამოვლენილ გარემოებათა გამო განაჩენის გადასინჯვის მოტივით. 1 შემთხვევაში მოხსნილ იქნა უკანონოდ წარდგენილი ბრალდება ნაწილში და მსჯავრდებული განთავისუფლდა სასამართლო დარბაზიდან. 2 შემთხვევაში დაყენებული იქნა გამამართლებელი განაჩენი, ხოლო 1 სს საქმეზე სასამართლოს მიერ არ იქნა დაკმაყოფილებული შუამდგომლობა და ამჟამად გასაჩივრებულია საკასაციო წესით", _ აღნიშნულია ანგარიშში.

ცნობისთვის, მთავარი პროკურატურის სამართალწარმოების პროცესში ჩადენილი დანაშაულის გამოძიების დეპარტამენტი 2015 წლის მარტში  საქართველოს პროკურატურის და მთავრობის ერთობლივი მუშაობის შედეგად შეიქმნა.

დეპარტამენტი იძიებს 2012 წლის 1 ოქტომბრამდე მომხდარ, სამართალწარმოების მიმდინარეობისას მოქალაქეთათვის ქონების უკანონოდ ჩამორთმევის, ცემა-წამების, არაადამიანური და დამამცირებელი მოპყრობის ფაქტებს.

ამავე თემაზე:

რამდენი არასრულწლოვანი განარიდეს სასჯელისგან

რამდენი არასრულწლოვანი დააპატიმრეს გასულ წლებში

საპროცესო შეთანხმებებში გადახდილი მილიონები

პროკურატურის გენინსპექციის გამოძიებული საქმეები და დათხოვნილი თანამშრომლები