თბილისს სჭირდება გარანტიები, რომ დიდი ბრიტანეთის მიერ ევროკავშირის დატოვებით ალიანსში გამოწვეული არასტაბილურობა არ გამოიწვევს არასტაბილურობას ევროკავშირის პერიფერიებზე. აღნიშნულ ინფორმაციას POLITICO. EU ავრცელებს.
"გაერთიანებული სამეფოს რეფერენდუმმა ევროკავშირის დატოვების შესახებ, მთელი ევროპა შოკში ჩააგდო და ევროპული პროექტის მომავალი დაჩრდილა, მაგრამ კონტინენტის სტრატეგიული ხედვის ნაკლებობამ შესაძლებელია განსაკუთრებით საშიში შედეგები გამოიწვიოს, იმ ქვეყნებში, რომლებიც ჯერ კიდევ ცდილობენ კავშირში შესვლას, განსაკუთრებით საქართველოში,"_წერია სტატიაში.
მაუწყებლობა აღნიშნავს, რომ 2008 წელს ალიანსის მიერ საქართველოსთვის მიცემული დაპირებების შემდეგ, ქვეყანამ მცირე პროგრესს მიაღწია ნატო-ში ინტეგრაციის გზაზე და დასძენს, რომ საქართველოს სავიზო რეჟიმის ლიბერალიზაციაზე ევროკავშირის გადაწყვეტილებამ იმედი გაუცრუა.
POLITICO. EU ასევე აღნიშნავს, რომ იმედგაცრუება და უიმედობა ყოფილ საბჭოთა ქვეყანაში პრორუსული ძალების მხარდაჭერასა და გავლენის ზრდას გამოიწვევს, თუმცა ქართველებს აქვთ არჩევანიც, რომ დასავლეთისკენ ორიენტირებულ გზაზე დარჩნენ.
"საქართველო და რუსეთი გეოგრაფიულად ყოველთვის მეზობლები იქნებიან, რის გამოც მათ შორის კარგი ურთიერთობა სასურველია, მაგრამ 2008 წელს რუსეთიდან მომავალი საფრთხე გრაფიკულად რუქაზე კარგად აისახა. რუსეთი საქართველოში შეიჭრა, რაც დღემდე გრძელდება,“_წერია სტატიაში.
მაუწყებლობა ასევე აღნიშნავს, რომ საქართველოს იმედგაცრუებებს იზიარებენ უკრაინაშიც.
მისი ინფორმაციით, 2014 წელს უკრაინამ რევოლუციით თქვა უარი პრეზიდენტ ვიქტორ იანუკოვიჩის გადაწყვეტილებაზე მოსკოვთან ურთიერთობების გაუმჯობესების შესახებ.
როგორც ცნობილია, უკრაინამ, ისევე როგორც საქართველომ ევროკავშირთან თავისუფალი ვაჭრობისა და ასოცირების ხელშეკრულება გააფორმა, მაგრამ, ჯერ კიდევ ელოდება უვიზო მიმოსვლის მინიჭებას ქვეყნის მოქალაქეებისთვის, რომლებიც რუსეთის მსხვერპლი აღმოჩდნენ.
მაუწყებლის ინფორმაციით, რუსეთის უკრაინაში შეჭრის საფრთხის არსებობის ფონზე, პირველად ქვეყანაში ნატო-ს მომხრეთა რიცხვმა 50 %-ს გადააჭარბა, რაც შეეხება საქართველოს, აქ მოსახლეობის უმრავლესობა დიდი ხანია უკვე ნატო-ში გაწევრიანების მომხრეა.
როგორც ცნობილია, საქართველოს დიდი წვლილი შეაქვს ავღანეთისა და სხვა მისიებში.
POLITICO. EU -ს ცნობით, საქართველო რეალურად იმაზე მეტად უწყობს ხელს საერთაშორისო ოპერაციებს, ვიდრე ნატო-ს წევრებს შეესაბამება.
მაუწყებლის ინფორმაციითვე, საქართველომ ნატო-ს მოთხოვნით რეფორმები განახორციელა, მათ შორის მოქალაქეებზე სამხედრო კონტროლი დააწესა.
საქართველო მნიშვნელოვან როლს ასრულებს, როგორც სატრანზიტო ქვეყანა, კასპიის ზღვიდან ენერგეტიკის ტრანზიტში, და ასევე დიდ წარმატებას მიაღწია, დემოკრატიული განვითარების კუთხით, მას შემდეგ რაც 2003 წელს შევარდნაძე გადააყენეს.
გავრცელებული ცნობით, მიუხედავად იმისა, რომ ალიანსში აცხადებენ კარი გაწევრიანების მსურველთათვის ღიაა, როგორც ჩანს, საქართველოსთვის 2 ძირითადი მიზეზის გამო დაიხურა.
პირველი, ის ვერ ახერხებს სამხედროების დაცვას და მეორე, რუსეთს ზედმეტად უპირისპირდება.
მაუწყებლის ინფორმაციით, საქართველოს, უკრაინის და სხვა მეზობელი ქვეყნების ევროინტეგრაციისკენ სწრაფვას კრემლი საფრთხედ იღებს.
როგორც ცნობილია, საქართველომ ნატო-სა და ევროკავშირის მიერ დაკისრებული ვალდებულებები შეასრულა, მაგრამ დასავლეთმა ვერ დაასრულა გარიგება, რის გამოც საქართველოში დასავლეთიდან გამოწვეული იმედგაცრუება იგრძნობა.
მაუწყებლობა აღნიშნავს, რომ დასავლეთმა უნდა გამოხატოს თავისი დიდი ინტერესი საქართველოში და ცხადი გახადოს, რომ რუსეთი საქართველოს მისწრაფებებს ვეტოს ვერ დაადებს, რაც უკრაინისთვისაც სტიმული გახდება.
"ვარშავაში, სამიტზე, ალიანსის ლიდერებმა უნდა დაადასტურონ, რომ საქართველო ალიანსის წევრი გახდება. ნატო-ს ძალები საქართველოში მუდმივად უნდა იყვნენ, რომ მომზადდეს მისი წევრობის აქტი.
საქართველო და უკრაინა ნატო-ს შავი ზღვის სტაბილიზაციის სტრატეგიულ გეგმაში, რუმინეთთან, თურქეთთან, ბულგარეთთან ერთად უნდა იყვნენ ჩართულები, ისევე როგორც მონაწილეობა უნდა მიიღონ სამხედრო წრთვნებში.
ეს ნაბიჯები ევროკავშირში უვიზო მიმოსვლასთან ერთად საქართველოსთვის გრძელ გზაზე დგას,"_წერია სტატიაში.
