ოლიმპიური თამაშების გახსნის ცერემონიაზე ირანის ოლიმპიური ნაკრების კოსტუმები საშლელს შეადარეს. აღნიშნულ ინფორმაციას BBC ავრცელებს.
არ შეიძლება დიზაინერისთვის კარგი იყოს, რომ ნამუშევარი მოდის კრიტიკოსების დაუნდობელი თვალის სამიზნე გახდეს, განსაკუთრებით კი მაშინ, როდესაც პოდიუმზე გამსვლელ სპორტსმენებს მილიარდზე მეტი ადამიანი უყურებს.
გასაკვირი არ არის, რომ მოდის წამყვან ბრენდებს სურდათ, რომ ოლიმპიადაზე საკუთარი ქვეყნის წარმდგენი სპორტსმენებისთვის უნიფორმები შეეკერათ. რისთვისაც, ისეთი ცნობილი, ისტორიული და ძვირად ღირებული ბრენდების მკერავები, როგორიცაა ჯორჯო არმანი, რალფ ლორენი და სტელა მაკკარტნი გაუჩერებლად მუშაობდნენ, თუმცა მათ შორის აღმოჩნდნენ ისეთებიც, რომლებმაც უცნობია თავი რის გამო შეიწუხეს.
მაუწყებლის ინფორმაციით, როდესაც ქართული ტრადიციული ტანსაცმლის მწარმოებელს "სამოსელ პირველს" დაურეკეს და ქვეყნის ოლიმპიელებისთვის ეროვნული სამოსის შეკერვა სთხოვეს, ბრენდს უნდა ეფიქრა, რომ ეს მათი კარიერის უმაღლესი მწვერვალია, რასაც ქართველების უმეტესობა არ ეთანხმება.
როგორც ცნობილია, საქართველოს ეროვნული ნაკრების ტანისამოსის მწარმოებელი ფირმის წინააღმდეგ ონლაინ პეტიციას 6 000-ზე მეტი ადამიანი აწერს ხელს.
დიდი კრიტიკა გამოიწვია იმ ფაქტმა, რომ ქალების გუნდის წევრებს მათი შთაგონების ეროვნული ჩოხის მსგავსი კოსტუმი ეცვათ, რაც საბჭოთა კავშირის დროს იშვიათად შეინიშნებოდა, ხოლო მას შემდეგ დაბრუნება დაიწყო.
სამოსელი პირველი აცხადებს, რომ მისი დიზაინი თანამედროვე ვერსიის ჩოხაა. სპორტსმენ ქალებს გრძელი თეთრი კაბები და მუქი წითელი ქურთუკები აცვიათ, ასევე პატარა ქუდები ახურავთ და მუქი წითელი ჩანთები უჭირავთ, ხოლო მამაკაცებს შავი ფერის კოსტუმები და წითელი ფრილინგი. გასაოცარია, მაგრამ შეესაბამება სპორტულ მოვლენას ბრაზილიაში? სოციალური მედია არ ფიქრობს ასე.
არასამთავრობო ორგანიზაცია საქართველოს დემოკრატიული ინიციატივის წევრმა, გიორგი მშვენიერიძემ, სოციალურ ქსელ Facebook-ში დაწერა, რომ სახელმწიფო ინსტიტუტები ზუსტად ამ კოსტუმებს ჰგავს, ისწრაფვიან წარსულში და არა მომავალში.
უნივერსიტეტის პროფესორმა, მერაბ ბასილაიამ კი ხუმრობით თქვა, რომ დიზაინი იმდენად ფარავს კანს, რომ სპორტსმენებს ზიკა ვირუსის გადამდები მწერების კბენისგან დაიცავს.
პოლიტიკოსმა ზვიად კვაჭანტირაძემ კი დიზაინს "უგემოვნო" უწოდა და შეშფოთება გამოთქვა, რომ საქართველო მთელი მსოფლიოს დასაცინი გახდა, ხოლო ყოფილმა საგარეო საქმეთა მინისტრმა, სალომე ზურაბიშვილმა ეროვნული ნაკრების სამოსს არც სპორტული და არც ქართული უწოდა.
ერთ-ერთი გამონაკლისი პოლიტიკური მიმომხილველი და GDS-ის ერთ-ერთი პროგრამის პროდიუსერი, ვასილ მაღლაფერიძე აღმოჩნდა, რომელმაც სიმშვიდე შეინარჩუნა.
"ყველა თანხმდება, რომ ეს არ არის კარგი უნიფორმა, მაგრამ მოდით ვიფიქროთ ახლა თუ როგორი ცუდი განწყობა აქვთ სპორტსმენებს და რიოში როგორი დაღვრემილები გაემგზავრნენ,"_განაცხადა მაღლაფერიძემ.
"სამოსელი პირველი" კი აცხადებს, რომ მისი დიზაინი იყო ჭეშმარიტი, ნამდვილი ქართული კულტურის ამსახველი.
"სამწუხაროა, რომ კომუნისტურმა ეპოქამ ასე მოგვწყვიტა მშობლიურ კულტურას და ჩვენთვის ქართული უცხო გახდა,"_აცხადებენ სამოსელ პირველში.
როგორც ცნობილია, ქართული კომპანია მსუბუქად შეადარეს ირანის ორიგინალურ დიზაინს, რომელიც მაჰნაზ არმინს ეკუთვნოდა.
გავრცელებული ინორმაციით, ირანის ოფიციალური პირები აცხადებენ, რომ მათი ნაკრების დიზაინის დაწუნების შემდეგ გახსნის ცერემონიალისთვოს ახალ დიზაინს შემუშავებენ.
