„ერთიანი ნაციონალური მოძრაობის“ მედიამდივანი ირმა ნადირაშვილის განცხადებით, ვალერი კვარაცხელიას პარტია სოციალისტებს, ბედუკაძის პარტიის მსგავსად ოფიციალურად თავმჯდომარე არ ჰყავს და შესაბამის გრაფაში ჩანაწერი არ არსებობს.
„ჩვენ ყველამ ვნახეთ, რომ ბედუკაძის პარტიას რეგისტრაცია გაუუქმდა. ამის შემდეგ მხრიდან მოვისმინეთ შეთავაზება კვარაცხელიას, რომ ბედუკაძეს შეუძლია მონაწილეობა მიიღოს თავის თანამოაზრეებთან ერთად არჩევნებში კვარაცხელიას პარტიის საშუალებით. ამ განცხადების შემდეგ, „ერთიანმა ნაციონალურმა მოძრაობამ“ კვარაცხელიას პარტიის რეგისტრაცია გადაამოწმა. ამ პარტიის სახელია „ნეიტრალური საქართველო“ და არჩევნებში კვარაცხელია -სოციალისტების სახელით მონაწილეობს.
შესწავლის შემდეგ, ჩვენ დავადგინეთ, რომ კვარაცხელიას პარტიას, ზუსტად იგივე პრობლემა აქვს, რაც ბედუკაძეს ჰქონდა _ ისინი არასწორად არიან დარეგისტრირებული და პარტიათა რეესტრში პარტიის თავჯდომარის გრაფა ცარიელია, ანუ ამ ორ პარტიას ხელახალი რეგისტრაცია არ გაუვლიათ.
ამ ინფორმაციიდან გამომდინარე, ჩვენ მივმართავთ, ერთის მხრივ, იუსტიციის მინისტრს, რომ გაასაჯაროვოს ინფორმაცია პარტიების რეესტრიდან და ნათელი გახადოს თუ როგორ აქვს ამ პარტიას რეგისტრაცია გავლილი და მეორეს მხრივ, ცენტრალური საარჩევნო კომისიის თავჯდომარე ჟვანიას, რომ მოიქცეს ზუსტად ისე, როგორც ბედუკაძის პარტიის შემთხვევაში და კვარაცხელია სოციალისტებს რეგისტრაცია გაუუქმოს, _ თქვა ნადირაშვილმა დღეს გამართულ პრესკონფერენციაზე.
