19 აგვისტოს, ბახმაროში ფერისცვალების დღესასწაული, ტრადიციულად, განსხვავებულად და მრავალფეროვნად აღინიშნა.
სხვადასხვა კულტურული და სპორტული ღონისძიებები დილიდანვე მიმდინარეობდა _ გაიმართა ადგილობრივი ფოლკლორული და საესტრადო ანსამბლების კონცერტი; მოეწყო ხალხური რეწვის ნიმუშების გამოფენა-გაყიდვა; ჩატარდა შეჯიბრი ქართულ ჭიდაობაში და გამოვლინდა „ბახმაროს ფალავანი“.
წელს ეს სტატუსი ლანჩხუთელმა იასონ ნემსაძემ მოიპოვა, რომელსაც ლაშა გიორგაძის დაწესებული პრიზი _ ცხვარი და ფასიანი საჩუქარი გადაეცა. მეორე ადგილზე ასევე ლანჩხუთელი გოჩა ლომთაძე გავიდა, რომელსაც 100 ლარი და ფასიანი საჩუქარი ერგო.
დღესასწაულის კულმინაცია დოღი იყო, რომელშიც, საქართველოს სხვადასხვა ქალაქებიდან, 26 ცხენოსანი მონაწილეობდა.
საპრიზო ფონდი, რომელიც ჩოხატაურის მუნიციპალიტეტმა, დოღის ისტორიის განმავლობაში პირველად დააწესა, 2 000 ლარს შეადგენდა.
სხვადასხვა კატეგორიაში პირველ ადგილზე გასული ცხენოსნები 200 ლარი დაჯილდოვდნენ, მეორე ადგილის მფლობელებს 150-150 ლარი ერგოთ, ხოლო მესამე ადგილზე გასულებმა 100-100 ლარი მიიღეს.
წლეულს უპრეცედენტო იყო სპონსორთა რაოდენობაც და შესაბამისად საჩუქრებიც _ კურორტზე სტუმრად მყოფმა ბიზნესმენმა, საინვესტიციო კომპანია „ბრეფის“ პრეზიდენტმა აფზალ რავარმა პირველ ადგილზე გასული მხედრისთვის ჯილდოდ 1 000 ლარი დააწესა, მეორე ადგილზე გასულისთვის _ 800 ლარი, ხოლო მესამე ადგილზე გასულისთვის _ 500 ლარი.
ფულადი ჯილდოები დააწესეს: მედიასახლმა „გურია ნიუსმა:, მიკროსაფინანსო ორგანიზაცია „ლაზიკა კაპიტალმა“, ინა ასანიძემ და ანა 
ბალამწარაშვილმა, ჟურნალისტმა როლანდ ხოჯანაშვილმა და ტრაგიკულად დაღუპული ახალგაზრდის ბეგი მამალაძის მეგობრებმა _ პრიზი ერთ-ერთ გამარჯვებულს ბეგის სახელით გადაეცა.
მონაწილეთათვის საჩუქრები შეიძინეს: მაია გოგოლაძემ, გია გიორგაძემ, ალექსანდრე ჩიჩუამ, თეა უჯმაჯურიძემ, ვლადიმერ ლომთათიძემ, ვლადიმერ გოგიბერიძემ, ნუკრი დუმბაძემ, გიორგი ბოლქვაძემ, ზაზა ცინცაძემ, ვახტანგ მეფარიშვილმა, ნინო ბარამიძემ, მერაბ დოლიძემ, შოთა ჩანტლაძემ, თამაზ დევიძემ, თამარ კეკელიძემ, ერეკლე მრელაშვილმა, ნატო ჯიბუტმა, მაია მელუამ, მზიამ კვინტრაძემ და გოჩა გათაშვილმა.
რაც შეეხება გამარჯვებულებს, სოფლის ცხენებს შორის, სამკილომეტრიან დოღში პირველობა ჯემალ გიორგაძემ (ღორჯომი) მოიპოვა, მეორეზე თეონა ტყებუჩავა (ფოთი) გავიდა, ხოლო მესამეზე _ გივი გიორგაძე (ჩოხატაური).
ორკილომეტრიან დოღში სოფლის ცხენებს შორის გამარჯვება არავის დაუთმო ლაშა რამიშვილმა (ჩოხატაური); მეორე ადგილზე ამირან პაიჭაძე (ჩოხატაური) გავიდა, მესამეზე კი _ ფირუზ ძირკვაძე (ოზურგეთი).
ერთკილომეტრიან დოღში გამარჯვებული კუსა ბასილია (ოზურგეთი) გახდა, მეორე ადგილზე ოთარ ჭელიძე (ოზურგეთი) გავიდა, ხოლო მესამეზე _ თორნიკე თოდრია (ოზურგეთი).
სუფთა სისხლის ჯიშის ცხენებს შორის ასპარეზობაში, ხუთკილომეტრიან დოღში პირველი ადგილი გიორგი ჩხარტიშვილმა (მარტვილი) დაიკავა, მეორე ადგილზე მურად გიორგაძე (ღორჯომი) გავიდა, მესამეზე კი _ მერაბ შავაძე (ოზურგეთი).
ორკილომეტრაინ გარბენში პირველი ადგილი გიორგი ძინძიბაძემ (ბათუმი) დაიკავა, 
მეორე კი _ გიორგი ჩხარტიშვილმა (მარტვილი).
უნდა აღინიშნოს ისიც, რომ განსხვავებული, მრავალფეროვანი საჩუქრების და სანახობის გარდა, წელს, დოღს ძალიან ბევრი მაყურებელი ჰყავდა, მათ შორის უცხოელი ტურისტებიც.
