„2008 წლის ივლისში მე შევხდი გრიგორ კარასინს მაშინდელი საქართველოს საგარეო მინისტრის, გრიგოლ ვაშაძის თხოვნით“ _ ეს განცხადება გუშინ, კავკასიის ეთერში „ნინო ბურჯანაძე – დემოკრატიული მოძრაობის“ ლიდერმა გააკეთა.
„2008 წლის ივლისში, საქართველოში ჩამოვიდა ბატონი გრიგორ კარასინი, შეხვდა საქართველოს მაშინდელ პრეზიდენტს, საქართველოს საქართველოს საგარეო საქმეთა მინისტრს ბატონ გრიგოლ ვაშაძეს. ჩამოვიდა იმ მიზნით, რომ გაეფრთხილებინა საქართველოს მხარე ცხინავლის რეგიონში არსებულ დაძაბულობაზე და მოუწოდა, ფრთხილად ყოფილიყო ჩვენი მხარე, ომი არ დაეწყო და ქვეყანა არ დაექცია“, _ განაცხადა ნინო ბურჯანაძემ.
ბურჯანაძის თქმით, მაშინდელმა ხელისუფლებამ ვერ გაიგო რას ნიშნავდა რუსული მხარის ეს გაფრთხილება.
„მიუხედავად იმისა, რომ მე უკვე წამოსული ვიყავი თანამდებობიდან და არ ვაპირებდი ხელისუფლების საქმეებში ჩარევას, მაშინდელი საგარეო საქმეთა მინისტრის, გრიგოლ ვაშაძის თხოვნით, შევხვდი ბატონკარასინს. კარასინმა განმიცხადა, რომ დარჩა შთაბეჭდილება, რომ მიხეილ სააკაშვილმა კარგად ვერ გაიგო მათი შეხვედრის მნიშვნელობა და მისი თხოვნის შინაარსი საქართველოს ხელისუფლებისადმი.
მან პირადად მეც მითხრა, რომ რუსეთის ხელისუფლების დაბეჯითებული თხოვნა იყო, ნუ დააქცევდა ქვეყანას ჩვენი ხელისუფლება და არ დაეწყო ომი ცხინვალის რეგიონში. ამ შეხვედრის შემდეგ მე დავურეკე ვაშაძეს, დავურეკე სააკაშვილს და გავფრთხილე, რომ ეს იყო ძალიან სერიოზული გზავნილი და უნდა ვყოფილიყავით ძალიან ფრთხილად“, _ განაცხადა ნინო ბურჯანაძემ
