საქართველოს პარლამენტის 2016 წლის 8 ოქტომბრის არჩევნებისათვის რეგისტრირებული მაჟორიტარი კანდიდატები 13 სექტემბრის მდგომარეობით, ჯამში 837-ია.
აღნიშნულის შესახებ ცესკოს ოფიციალურ ვებ-გვერდზე განთავსებული ინფორმაციიდან ირკვევა.
837 კანდიდატიდან მხოლოდ თბილისში 291 კანდიდატია რეგისტრირებული, რომლებიც მთაწმინდის ერთი, ვაკის 2, საბურთალოს 3; კრწანისის ერთი, ისნის 3; სამგორის სამი; ჩუღურეთის ერთი, დიდუბის ორი; ნაძალადევის 3; გლდანის 3 ოლქის მოსაგებად იბრძოლებენ.
კერძოდ, 15 მაჟორიტარი კანდიდატია რეგისტრირებული თბილისში, მთაწმინდის ოლქში; 26 კანდიდატია – ვაკეში; 42 კადიდატია – საბურთალოზე; 16 კანდიდატი – კრწანისში; 36 კანდიდატი- ისანში; 39 – სამგორში; 12 კანდიდატი – ჩუღურეთში; 26 კანდიდატი – დიდუბეში; 37 – ნაძალადევში; 41 კი, გლდანში;
რაც შეეხება რეგიონებს, ცესკოს გვერდზე განთავსებული ინფორმაციის თანახმად, 7 კანდიდატია რეგისტრირებული საგარეჯოში; 14 – გურჯაანში; 11 – სიღნაღში; 13 – ლაგოდეხში; 12- თელავში; 10- ახმეტაში; 27 – რუსთავში; 13 – გარდაბანში; 17 – მარნეულში; 8 – ბოლნისში; 8-8 კანდიდატია რეგისტრირებული დმანისსა და თეთრიწყაროში; 11- მცხეთაში; 11 – დუშეთში; 9 – კასპში; 22 გორში, რომელიც ორ მაჟორიტარს ირჩევს; 13 მაჟორიტარია ქარელში; ამდენივეა ხაშურშიც;
10- ბორჯომში; 9- ახალციხეში; 8- ახალქალაქში; 9-ამბროლაურში; 16- თერჯოლაში; 8 – საჩხერეში; 13- ზესტაფონში; 12- ბაღდათში; 7 – ვანში; 8 -სამტრედიაში; 12- ჭიათურაში; ხოლო 9 წყალტუბოში.
29 კანდიდატია რეგისტრირებული ქუთაისში, რომელიც სამ მაჟორიტარს ირჩევს. 9 – ოზურგეთში; 10- ლანჩხუთი; 8- სენაკში; 9-მარტვილში; 9- ხობში; 18 კანდიდატია ზუგდიდში, რომელიც ორ მაჟორიტარს ირჩევს;
12 კანდიდატია – წალენჯიხაში; 15 – ფოთში; 38 კანდიდატია ბათუმში, რომელიც ასევე სამ მაჟორიტარს ირჩევს; 13 კანდიდატია რეგისტრირებული ქობულეთში; 9 – ხელვაჩაურში, ხოლო 12 კანდიდატია რეგისტრირებული ხულოში.
შეგახსენებთ, რომ პარტიის/საარჩევნო ბლოკის/საინიციატივო ჯგუფის მიერ წარდგენილი მაჟორიტარი კანდიდატების რეგისტრაცია არჩევნებამდე 30 დღით ადრე 8 სექტემბერს დასრულდა.
ცნობისთვის, 2016 წლის საპარლამენტო არჩევნებისთვის როგორც თბილისის მუნიციპალიტეტში , ასევე რეგიონებშიც, შექმნილი საარჩევნო ოლქების დაზუსტებული საზღვრები ცესკოს 2016 წლის 31 მარტის განკარგულებით განისაზღვრა.
