ცესკო-ში ხმის დათვლის პროცესის ტრანსლირება ონალინ რეჟიმში მოხდება. ცესკოს თავმჯდომარის, თამარ ჟვანიას განცხადებით, ნებისმიერ დაინტერესებულ პირს შეეძლება ხმის დათვლის პროცედურას თვალი ადევნოს ინტერნეტის საშუალებით.
"მნიშვნელოვანი სიახლე, რომელსაც ცესკო საზოგადოებას პირველად შესთავაზებს არის ის, რომ ცენტრალურ საარჩევნო კომისიაში ხმის დათვლის პროცესის ტრანსლაცია იქნება. ნებისმიერ დაინტერესებულ პირს შეეძლება ინტერნეტის საშუალებით, ონლაინ რეჟიმში ცესკო-ს ოფიციალური ვებ-გვერდის და სოციალური ქსელების მეშვეობით დააკვირდეს ხმის დათვლის პროცედურას, გადაღების 360-გრადუსიანი ტექნოლოგიის გამოყენებით", _ განაცხადა თამარ ჟვანიამ.
