კითხვების დასმის შემდეგ, გაფრთხილებაც მისცეს, _ შეიძლება ჟურნალისტები მოვიდნენ თქვენთან, რამე გკითხონ და არაფერი წამოგცდეთო.
კომპანია “გლობალ კონტაქტ კონსალტინგი” ქართულ ბაზარზე 2002 წელს შემოვიდა და არსებობის მე-10 წლისთავზე, საქართველოს კონტროლის პალატის წყალობით, ის სრულიად საქართველომ გაიცნო.
კომპანიის საკონტროლი პაკეტის, 66%-ის მფლობელი ბიძინა ივანიშვილის ძმა, ადიკო ივანიშვილია, რომელიც დღესდღეობით, ყველაზე ცნობადი საკაბელო ქსელის მეპატრონედ ითვლება. “გლობალ ტვ”-ის სახელი, ახლა, ნებისმიერი სოფლის თითოეულმა მოსახლემ იცის.
თუმცა, იმ შეღავათებმა, რომელსაც აღნიშნული კომპანია მომხმარებელს სთავაზობდა, მოსახლეობა გარკვეული საშიშროების წინაშე დააყენა. მათ იმ გაურკვეველ კითხვებზე უწევთ პაუხის გაცემა, რომელიც სტატიის დასაწყისში ჩამოვთვალეთ.
არის თუ არა გლობალ ტვ-ს ტარიფები შეღავათიანი, საერთოდ რა სახის საქმიანობას ეწევა ის საქართველოში და რა დევს იმ ბიზნეს გეგმაში, რომელმაც კონტროლის პალატის და საზოგადოების ამხელა ვნებათაღელვა გამოიწვია?
“გურია ნიუსი” ამ თემაზე “გლობალ ტვ”-ს იურიდიულ კონსულტანტს, სანდრო ბარამიძეს ესაუბრა.
_ ბატონო სანდრო, რა ტიპის “კომპანიაა გლობალ კონტაქტ კონსალტინგი” და რა საქმიანობას ეწევა საქართველოში?
_ “გლობალ კონტაქტ კონსალტინგი,” ანუ “გლობალ ტვ” არის საკაბელო ქსელის ოპერატორი, რომელიც თბილისსა და სხვა რაიონებში თავის აბონენტებს სთავაზობს საკაბელო ქსელით მომსახურებას. Aაწვდის გარკვეულ პაკეტს. გააჩნია, რამდენს იხდის ადამიანი, პაკეტის ღირებულება სხვადასხვაა.
გარდა ამისა, “გლობალ ტვ”-ს აქვს სატელიტური მაუწყებლობის ლიცენზიაც და შეუძლია ამ ტიპის მომსახურებაც გასწიოს. იგი თავად არ მაუწყებლობს, მაგრამ შეუძლია ელექტრონული კომუნიკაციებით მომსახურეობის გაწევა. გლობალმა ამ წლის დასაწყისში შეიმუშავა საინვესტიციო პროექტი, რომლის მიზანია: 1. გააფართოვოს მომხმარებლების რიცხვი, 2. ბაზრის გაფართოების სეგმენტის შედეგად ამოიღოს უფრო მეტი შემოსავალი.
_ რაიმე ახალი ხდებოდა ქართულ ბაზარზე, რაც ამ პროექტს მოგებას მოუტანდა? კომპანიის ინტერესი რა იყო?
_ ინვესტიცია ნიშნავს კაპიტალდაბანდებას, რომ შემდგომში მიიღო ამონაგები. გლობალმაც შეიმუშავა ასეთი საინვესტიციო პროექტი. იცოდა რა, რომ ბაზარზე გამოდიოდა ახალი სამაუწყებლო კომოპანია “მე-9 არხი”, რომლის მიმართ არსებობდა მაღალი ინტერესი, გადაწყვიტა დაემონტაჟებინა თეფშები მოსახლეობის ფართო ფენებისათვის, არა მხოლოდ მე 9 არხის, არამედ სხვა სიგნალების მისაღებადაც. ინტერესი რა არის? ის, რომ რაიონებში ხალხს არ მიუწვდება ხელი საკაბელო ქსელებზე, რადგან რაიონებში და სოფლად, უბრალოდ საკაბელო ქსელი არ არსებობს. მოსახლეობა ან სიხშირული მაუწყებლობით იღებს სიგნალს ან დამოკიდებულია სატელიტზე. აქედან გამომდინარე, პოტენციურად საინტერესო უნდა ყოფილიყო მოსახლეობისთვის თეფშების ყიდვა. საქართველოს მოსახლეობას არ გააჩნია ფულადი სახსრები იმისთვის, რომ ერთჯერადად გადაიხადონ ამ თეფშის ფასი.
_ პირველი წელი უფასოდ და მომდევნო 9 წლის განმავლობაში თვეში 4 ლარი, _ ასეთია ხელშეკრულება, რომლის გამოც ადამიანებს დაკითხვაზე იბარებენ. კომპანიის მომგებინობა როგორ აიხსნება ამ ხელშეკრულებით?
_ ვიმეორებ, გლობალმა შეიმუშავა საინვესტიციო პროექტი, რომელიც ითვალისწინებდა შემდეგ პირობებს: თუ სურვილი გაქვს, ხელს მოაწერ ხელშეკრულებაზე, მოვლენ, დაგიყენებენ სატელიტურ თეფშს და მიმღებს, პირველი წლის განამვლობაში არ იხდი არაფერს, მაგრამ მომდევნო 9 წლის განმავლობაში იხდი 4 ლარს თვეში.
პერსპექტივაში გამოდიოდა, რომ ის რაც ერთი გადახდით შეიძლება 100 ლარი დაჯდომოდათ, სულ დაჯდებოდა 432 ლარი, რაც ძვირია. მოსახლეობისთვის შეიძლება საინტერესო იყოს ეს პროექტი. თვეში 4 ლარი არ არის იმდენად დიდი ფული, ადამიანმა ვერ გაიხადოს, მაგრამ მეორეს მხრივ, კომპანიასაც ხომ ჭირდება თავისი შემოსავლების მიღება? მოგვიანებით, თბილისის საქალაქო და სააპელაციო სასამართლოებმა, კონტროლის პალატის მიერ მიერ შეთითხნილი ბრალდების და ასევე შეთითხნილი გაყალბებული აუდიტორული დასკვნის საფუძველზე მიიჩნიეს რომ “გლობალ ტვ”-ს ეს პროექტი წამგებიანი იყო. რად უნდა ამას ბუღალტრობა და ფინანსისტობა? თვლა ყველა ადამიანმა იცის ამ ქვეყანაში. როგორ შეიძლება ადამიანმა თქვას რაც 4-ჯერ მეტი ღირს, წამგებიანი პროექტიაო?
_ რატომ ადრე არ დაიწყო “გლობალ ტვ”-მ ამ პროექტის განხორციელება? მაშინაც იყო რაიონებში მაღალი ინტერესი ინფორმაციის მიიღებაზე, მაესტროს, კავკასიის ყურებაზე…
_ დიახ, მართლი ბრძანდებით, მაგრამ ზოგჯერ ხდება ცხოვრებაში, რომ გადაწყვეტილებას იღებ დღეს. ეს გადაწყვეტილება შეგეძლო მიგეღო გუშინ, გუშინწინ, მაგრამ შეიძლება მაშინ ამისთვის მზად არ იყავი, ან ფულადი რესურსი არ გქონდა. ათას ფაქტორთან არის დაკავშირებული. შეიძლება, ვერ დაინახე ასეთი სამეწარმეო და ეკონომიკური პერსპექტივა. ამაზე არავითარი კუდების მობმა არ ღირს, ზოგჯერ მოვლენები სწორედ მხოლოდ დღეს ხდება.
_ საარჩევნო წელს ემთხვევა ამ პროექტის განხორციელება, ალბათ ესეც გათვლილი იყო?
_ საარჩევნო წელია და რადგან საარჩევო წელია, ინფორმაციის მიმართ მოთხოვნილება, ბუნებრივია, გაიზარდა. რადგან გაიზარდა, სწორედ ამიტომ ჩათვალა გლობალმა, რომ დღეს არის ის დრო, როდესაცხ შეიძლება ასეთი ბიზნეს პროექტი განხორციელდეს. სააჩევნო წელს ყველაზე მეტად იზრდება ინტერესი პოლიტიკური, ეკონომიკური და სხვაგვარი ინფორმაციების მიღებაზე.
_ რამდენი იქნებოდა კომპანიის მოგება ამ პროექტის განხორციელების შემთხვევაში?
_ ეს საკმაოდ მომგებიანი პროექტია. შესაბამისი გათვლა და ბიზნესგეგმა არსებობს. კონკრეტული რიცხვები არ მახსოვს. ამას ჩემთვის, როგორც იურისტისთვის, არ აქვს მნიშვნელობა. ობიექტური გათვლებით, ეს იყო წარმატებული ბიზნეს პროექტი, რასაც ძალიან მალე იხილავს საზოგადოება, როდესაც ჩვენ წარვადგენთ საერთაშორისო უდიტორული ფირმის მიერ მოზადებულ სააუდიტორო დასკვნას.
