4 ივნისი აგრესიის მსხვერპლი უდანაშაულო ბავშვების საერთაშორისო დღეა. აღნიშნული თარიღი გაერომ 1982 წელს დააწესა და ის ეძღვნება სრაელის თავდასხმების შედეგად დაზარალებულ პალესტინელ და ლიბანელ ბავშვებს.
როგორც anadolu იუწყება, გაეროს ინფორმაციით, მსოფლიოში 449 მილიონზე მეტი ბავშვი ცხოვრობს ცხელ კონფლიქტურ ზონებში. ყოველწლიურად დიდი რაოდენობით ბავშვი და მოზარდი იღუპება კონფლიქტების შედეგად.
ბავშვების წინააღმდეგ დანაშაულები მოიცავს მკვლელობას, სექსუალურ ძალადობას, დასახიჩრებას, არასრულწლოვანთა გამოყენებას კონფლიქტებში, ჰუმანიტარული დახმარების ჩამორთმევას და ბავშვების დაკავებას.
საერთაშორისო არასამთავრობო ორგანიზაცია Save the Children-მა განაცხადა, რომ 2021 წელს 449 მილიონზე მეტი ბავშვი დარჩა კონფლიქტის ზონებში.
1,6 მილიარდი ბავშვი, ანუ მსოფლიოს ბავშვების ორ მესამედზე მეტი, ცხოვრობდა კონფლიქტით დაზარალებულ ქვეყნებში 2021 წელს. ეს მაჩვენებელი წინა წელთან შედარებით 9 პროცენტით გაიზარდა, ნათქვამია ორგანიზაციის ანგარიშში.
გაეროს ანგარიშში ნათქვამია, რომ 2021 წელს შეიარაღებული კონფლიქტების დროს ბავშვების მიმართ განხორციელდა მათი უფლებების 23 982 სერიოზული დარღვევა. აღნიშნულია, რომ ამ დარღვევებიდან 22 645 დაფიქსირდა 2021 წელს, ხოლო 1 337 ჩადენილი იყო წინა წლებში და დადასტურება მიიღო 2021 წელს.
დაფიქსირებული მონაცემებით, 19 165 ბავშვი უფრო მეტად იყო ჩართული დანაშაულებში, როგორიცაა მკვლელობა, დასახიჩრება, კონფლიქტებში გამოყენება, ჰუმანიტარული დახმარების ხელმისაწვდომობის ბლოკირება.
ანგარიშში აღნიშნულია, რომ ამავე პერიოდში 2515 ბავშვი დაიღუპა და 5555 არასრულწლოვანი დასახიჩრდა.
გაეროს მონაცემებით, ომებში 6310 არასრულწლოვანი გამოიყენეს, ხოლო 3945 ბავშვს ჰუმანიტარულ დახმარებაზე უარი ეთქვა.
2021 წელს ბავშვების წინააღმდეგ ყველაზე მეტი დანაშაულის მქონე ქვეყნები იყო ავღანეთი, კონგოს დემოკრატიული რესპუბლიკა, ისრაელი, პალესტინა, სომალი, ტერიტორიები სირიაში, რომელსაც აკონტროლებს დამასკო და იემენი.
