“ახალი გორბაჩოვის პერესტროიკა” _ მსოფლიო ტრამპის ინაუგურაციის შემდეგ

ამერიკის 45-ე პრეზიდენტის-დონალდ ტრამიის ინაუგურაციას მსოფლიო სხვადასხვანაირად გამოეხმაურა.ბრიტანეთის ყოფილი საგარეო საქმეთა მინისტრის მაკოლმ რიფკინდის გნცხადებით, დღეს ბევრია შეშფოთებული და აღელვებული იმით, რომ ტრამპი ამერიკის პრეზიდენტი ხდება. ვაღიარებ, რომ მეც ერთ-ერთი მათგანი ვარ. უნდა ავღნიშნო, რომ დონალდ ტრამპი და მისი პრეზიდენტობა ნაკლებად მაღელვებს, ვიდრე, ვთქვათ, მსოფლიოს ჰეგემონი რომ რუსეთი ან ჩინეთი ყოფილიყო“,-განაცხადა რიფკინდმა პალატაში გამართულ კემბრიჯის კავშირის სხდომაზე.გაზეთ Spectator-ის ინფორმაციით, ბრიტანეთში აზრი ორადაა გაყოფილი. მართალია, კონსერვატორები შიშობენ ტრამპთან დაკავშირებით, ბრიტანეთის დიდ ნაწილს სიახლის მოლოდინი გააჩნია, ევროკავშირიდან გასვლის შემდეგ.„ბრიტანეთი მოზომილ განცხადებებს აკეთებს. ერთის მხრივ, მას ტრამპის გაპრეზიდენტება აშფოთებს, მეორეს მხრივ ღია განცხადებებს ყველა ერიდება, რადგან ბრიტანეთი ახლა ევროპასთან გასვლის შესახებ ვაჭრობს“,-წერს გამოცემა.BaltNews.ee -ისთვის მიცემულ ინტერვიუში ესტონელი პოლიტოლოგი იგორ როზენფილდი აღნიშნავს, რომ მსოფლიო ტრამპთან დაკავშირებით, ორ უკიდურესობაშია ჩავარდნილი, ნაწილი უკიდურესად  აღფრთოვანებულია, ნაწილი-უკიდურესად შეშფოთებული.„ორივე მხარე ნაწილობრივ მართალია, ტრამპი მზადაა ბოლო პერიოდში ამერიკის პოლიტიკისთვის დამახასიათებელი თამაშის წესები  გადატეხოს, რაც ამ მოთამაშეებს აშინებს.

რუსეთში ბევრს მოსწონს ტრამპის კონსერვატიული პოლიტიკა, რომელმაც ამერიკულ ლიბერალიზმს მწარედ შეუტია.რას გააკეთებს და რას არა, ეს სხვა საქმეა, მაგრამ ტრამპს ბევრი „ახალ გორბაჩოვსაც“ უწოდებს, რომელიც მზად არის ამერიკაში „პერესტროიკა“ დაიწყოს.

მეორეს მხრივ, მისი მომხრეები, ამერიკელი ლიბერალების მიერ დამყარებული წესების მძევლები, ტრამპს განმანთავისუფლებლად მიიჩნევენ“,-აღნიშნავს პოლიტოლოგი გამოცემასთან.

Reuter-ის ინფორმაციით, კი ავსტრალიაში დღეს  ათასობით სუსტი სქესის ტრამპის საწინააღმდეგო მსვლეობაში მიიღებს მონაწილეობას. გაიდ-პარკთან მოხალისეები უკვე იკრიბებიან. მსვლელობები ახალი ზელანდიის ქალაქებშიც გაიმართება.