შებრაწული კარტოფილი და პური კიბოთი დაავადების რისკს ზრდის. აღნიშნულ ინფორმაციას BBC მეცნიერების კვლევაზე დაყრდნობით ავრცელებს.
მეცნიერების თქმით, კიბოთი დაავადების რისკი შემცირების მიზნით, შებრაწული პური, ჩიფსები და კარტოფილი ყვითელი შეფერილობის უნდა იყოს და არა ყავისფერი.
მათივე რეკომენდაციით, უმი კარტოფილის მაცივარში შენახვა დაუშვებელია.
გავრცელებული ინფორმაციით, ACRYLAMIDE საკვებში მზადების დროს წარმოიქმნება და მრავალი სახის შეიძლება იყოს.
ACRYLAMIDE -ის წარმოქმნა უმეტესად ისეთი ტიპის პროდუქტებში ხდება, რომლის მომზადებასაც 120 გრადუსზე მეტი ტემპერატურა სჭირდება.
ეს საკვები პროდუქტებია: პური, ნამცხრები, ყავა, ორცხობილები და სასაუზმე მარცვლეული.
სურსათის უვნებლობის სააგენტო მოსახლეობას მოუწოდებს ყურადღება გამოიჩინონ საკვების მომზადებისას და მის გაყავისფრებას მოერიდნონ.
სურსათის უვნებლობის სააგენტოს ინფორმაციით, არ არის ცნობილი თუ რა რაოდენობის ACRYLAMIDE -ის ატანა შეუძლია ადამიანის ორგანიზმს, მაგრამ ადამიანები მას დიდი რაოდენობით მოიხმარენ.
ცხოველებზე ჩატარებული კვლევის მიხედვით, ქიმიური, იგივე ტოქსიკური დნმ კიბოს იწვევს, ამიტომ მეცნიერები ვარაუდობენ, რომ ადამიანების შემთხვევაშიც იგივე ხდება.
ACRYLAMIDE ზრდის კიბოს რისკს და ზეგავლენას ახდენს ნერვიულ და რეპროდუქციულ სისტემაზე, მაგრამ რა გავლენას მოახდენს ორგანიზმზე ისევ ადამიანზეა დამოკიდებული.
როგორც ცნობილია, მოწევის დროს არა მწეველ ადამიანებში უფრო მეტი ACRYLAMIDE გამოიყოფა, ვიდრე მწეველებში.
გავრცელებული ცნობით, 2007-2015 წლებში დიდ ბრიტანეთში ACRYLAMIDE -ის მოხმარება 30%-ით შემცირდა.
„გვსურს რომ მომხმარებლებმა უფრო დიდი რაოდენობით მიირთვან ჯანსაღი პროდუქტი და შეამცირონ საკვებში ACRYLAMIDE-ის რაოდენობა“,_ამბობს სურსათის უვნებლობის სააგენტოს დირექტორი, სტივ უორნი.
დიდი ბრიტანეთის კიბოსთან ბრძოლის ცენტრის სპიკერის, ემა შეილდსის თქმით, საკვებში წარმოქმნილი ACRYLAMIDE -ის კავშირი კიბოსთან არ არის დადასტურებული.
„ადამიანებს კიბოს წარმოქმნის რისკების შემცირება ჯანსაღი კვებით, დაბალანსებული დიეტით შეუძლიათ, რაც მაღალ კალორიული საკვების ნაკლები რაოდენობით მიღებას გულისხმობს, როგორიცაა, ჩიფსები, ნამცხვრები“,_ამბობს ის.
