წიგნის კითხვა ერთ-ერთი ყველაზე საინტერესო პროცესია. ყველა მკითხველმა იცის, თუ რამდენად სასიამოვნოა, როცა რაიმე უცნაურ, საშიშ, ან, პირიქით, დრამატულ ამბავს ისმენ. გარდა ამისა, ალბათ არაერთხელ გვსმენია, რომ კითხვას საოცარი გავლენა აქვს ჩვენს მენტალურ შესაძლებლობებზე, განწყობასა და გრძნობებზე. ეს მართლაც ასეა. პირველ რიგში, კითხვა ამცირებს სტრესს. კვლევამ აჩვენა, რომ სეირნობასთან, ყავის სმასთან და მუსიკის მოსმენასთან შედარებით, წიგნის კითხვა უფრო უკეთესი საშუალებაა სტრესის მოსაშორებლად. ასევე უძილობასთან გამკლავების კარგ საშუალებად შეიძლება განვიხილოთ. ძილის წინ თქვენი ტელეფონებიდან გამომავალი სინათლე ტვინს აძლევს სიგნალს, რომ გაღვიძების დროა, აი, წიგნის შემთხვევაში კი, პირიქით, ტვინზე დამამშვიდებელი ეფექტი აქვს და ადამიანს ძილისთვის ამზადებს. ამ ყველაფრის გარდა, კიდევ არაერთი დადებითი მხარე არსებობს, რომელთა გამოც ბევრი უნდა ვიკითხოთ. ამბობენ, რამდენი წიგნის წაგიკითხავს, იმდენივე ადამიანი ცხოვრობს შენშიო.
სტატიაში წარმოდგენილია წიგნები, რომლებიც შეგიცვლით წარმოდგენას მსოფლიოსა და ზოგადად, სამყაროზე.
- უილიამ გოლდინგის – „ბუზთა ბატონი“
1980 წელს ბუკერისა და 1983 წლის ნობელის პრემიების ლაურეატი, ბრიტანელი მწერალი, უილიამ გოლდინგი მე-20 საუკუნის ერთ-ერთი ცნობილი მწერალია. მან 40 წელს გადაცილებულმა დაწერა თავისი რომანი „ბუზთა ბატონი“(1945) – უამრავი სიმბოლიკით დატვირთული ერთგვარი ლიტერატურული პაროდია, „რობინზონიადას“ ერთ-ერთი ვარიანტი, რომელშიც ველური კუნძულის ერთადერთი ცივილიზებული წარმომადგენლები ბავშვები არიან. წიგნი ძალზე საინტერესოდ იკითხება ნებისმიერი ასაკისთვის. გარდა ამისა, ნაწარმოები გაჯერებულია უამრავი საინტერესო ამოცანით, რომლის ამოხსნაც მკითხველს ევალება.
- სუნ ძუს – „ომის ხელოვნება“
ეს ერთ-ერთი უძველესი წიგნია სამხედრო სტრატეგიაზე. ნაწარმოების სიბრძნე შეიძლება, რომ ჩვენი საქმიამნობის ნებისმიერ სფეროში გამოვიყენოთ. წიგნი საინტერესოდ იკითხება. გადმოცემულია არაერთი ცხოვრებისეული დეტალი, რომელსაც ყოველდღიურად ვხვდებით.
- ჯერომ დევიდ სელენჯერის – „თამაში ჭვავის ყანაში“
რომანში მოქმედება XX საუკუნის 40-იანი წლების ამერიკაში ვითარდება. მთავარი გმირი და ამბის მთხრობელი, ჰოლდენ კოლფილდი, 17 წლის ბიჭია, რომელიც თავის ისტორიას გვიყვება. მას შემდეგ, რაც ჰოლდენს მესამე სკოლიდან გარიცხავენ, იგი სასწავლებლიდან მშობლიურ ნიუ-იორკში ბრუნდება, მაგრამ საშობაო არდადეგების დაწყებამდე სახლში არ ბრუნდება და თავისი დანაზოგით რამდენიმე დღეს დამოუკიდებლად ატარებს. წიგნი ძალიან საინტერესოა. შეუძლებელია, რომ მოითხველი მოთხრობილმა ამბავმა არ შეაშფოთოს.
- ჰარპერ ლის – „ნუ მოკლავ ჯაფარას“
ეს ისტორია დაწერილია ბავშვის სახელით, რომელიც მოგვითხრობს სამართლიანობასა და ცრურწმენებთან ბრძოლაზე. აგრეთვე ყურადღება გამახვილებულია რასობრივი უთანასწორობის საშიშროებაზე და აღზრდის პრობლემებზე. „ნიუ-იორკელმა“ ორი სიტყვით წიგნი ასე შეაფასა „აბსოლუტურად გენიალური“. სულ ერთია, ბავშვობა ბედნიერად გახსენდებათ თუ არა, ჰარპერ ლი მაინც ბედნიერ ბავშვობაში დაგაბრუნებთ. წიგნი მარტივად და ძალზე საინტერესოდ იკითხება.
- უილიამ შექსპირის – „ჰამლეტი“
დღეს ალბათ რთულად მოიძებნება ადამიანი, რომელსაც უილიამ შექსპირის „ჰამლეტი“ წაკითხული არ ექნება. წიგნში მოთხრობილია ტრაგიკული ისტორია ჰამლეტზე, დანიის უფლისწულზე, დაახლოებით 1599-1601 წლებში. მოქმედება დანიაში მიმდინარეობს და აღწერს უფლისწულის შურისძიებას ბიძამისზე, ამ უკანასკნელის მიერ? ჰამლეტის მამის მკვლელობის გამო. წიგნი მართლაც ერთ-ერთი უმნიშვნელოვანესი შემოქმედებაა მსოფლიო ლიტერატურისთვის. აქედან გამომდინარე, თუ ჯერ არ წაგიკითხავთ, პირველად წაკითხვის სიამოვნება განუმეორებელი იქნება.
[sexy_author_bio]
