(გურია ნიუსი, ოზურგეთი) _ 17-წლამდე ასაკის ჭაბუკებს შორის ჩემპიონატი ძალოსნობაში, ქალაქ ქუთაისში, 25-28 თებერვალს ჩატარდა. ჩემპიონატში, რომელშიც 14 გუნდი იღებდა მონაწილეობას, ოზურგეთის სასპორტო სკოლის გუნდი ორი სპორტსმენით წარსდგა: 100კგ წონით კატეგორიაში ასპარეზობდა 1996 წელს დაბადებული ენვერ ჭკუასელი, ხოლო 77 კგ წონით კატეგორიაში _ 1996 წელს დაბადებული ბორის გულბიანი (მწვრთნელი ლადო გიორგაძე). ორივე ჩვენებურმა მეოთხე საპრიზო ადგილები დაიკავა.
