“საქართველოს ადვოკატთა ასოციაციის თანხმობით დამცველად შეიძლება დაშვებულ იქნას უცხოელი ადვოკატი.თანხმობა გაიცემა იმ შემთხვევაში, თუ უცხოელი ადვოკატი საქართველოს ადვოკატთა ასოციაციას წარუდგენს თავისი სახელმწიფოს კომპეტენტური ორგანოს ნებართვას, ლიცენზიას სერთიფიკატს ან სხვა დოკუმენტს სისხლის სამართლის დარგში საადვოკატო საქმიანობის განხორციელების უფლებამოსილების თაობაზე.”
უზენაესის სასამართლოს თავმჯდომარის მოადგილე ზაზა მეიშვილი ამბობს, რომ უცხოელი ადვოკატის ჩართვა ადგილობრივ ადვოკატებს დააზარალებს.
“ვფქირობ, უცხოელი ადვოკატების ჩამოსვლის შედეგად ქართველი ადვოკატები იქნებიან დისკრიმინაციულ მდგომარეობაში. არა მგონია, უცხო ქვეყნაში აქაურ ადვოკატს მხოლოდ მისი ადვოკატობის დამადასტურებელი მოწმობით მისცენ იმ ქვეყნის კანონმდებლობაში ჩართვის უფლება. ასევე დადგება თარჯიმნების პრობლემა, რადგან მათ დასჭირდებათ თარჯიმნები და ეს პროცესს გააჭიანურებს. კარგია რომ უცხოელ თარჯიმნებზე ვფიქრობთ მაგრამ პირველ რიგში აქაურ ადვოკატებზე ვიფიქროთ.მათ პოტენციურ კლიენტებს ხომ უცხოელი ადვოკატები დაიცავენ”.
სამართალმცოდნე ნინო გვენეტაძე ამბობს, რომ ბრალდებულისთვის დაცვის უფლება გარანტირებულია და მისი გადასაწყვეტია უცხოელ ადვოკატს აირჩევს თუ ადგილობრივს.
“ცოტა ირონიული მეჩვენა ჩემი კოლეგის მხრიდან დაცვა ქართველი ადვოკატებისა, რომლებსაც აქამდე მხოლოდ შეზღუდული უფლებებით წარმოადგენდნენ პროცესზე და მაშინ არ გასჩენია თანაბრობის სურვილი, არანაირი კონკურენციის საშიშროება არ დგას. გარდა ამისა, ბრალდებულის ორი უდიდესი უფლებაა დუმილის და დაცვის უფლება. დაცვის უფლებაში არ შეიძლება რაიმე შეზღუდვა დავაწესოთ და უცხოელი ადვოკატის მოწვევის უფლება წავართვათ. სხვა საკითხიაა, როგორ გადამოწმდება ამ ადვოკატის კომპეტენცია, აბსოლუტურად სწორად მიმაჩნია ის ჩანაწერი, რომ ეს უნდა განსაზღვროს ადვოკატთა კორპორაციამ კოლეგიალურობის პრინციპიდან და იმ ინტერესიდან გამომდინარე, რაც დაცვის მხარეს გააჩნია ბრალდებულის მიმართ.ეს არის არა სიახლე, არამედ ძველის გახსენება.”
ადვოკატთა ასოციაციის თავმჯდომარე ზაზა ხატიაშვილი ფიქრობს, რომ 2-3 უცხოელი ადვოკატის ჩამოსვლა არავის დააზარალებს. ის საერთაშორისო კონვენციით აღებულ ვალდებულებებზე ამახვილებს ყურადღებას.
“უცხოელი ადვოკატი ეს არის საერთაშორისო კონვენციით აღებული ვალდებულება, რომელიც ქვეყანას საერთაშორისო სავაჭრო ორგანიზაციაში გაწევრიანების შემდეგ დაეკისრა. ძალიან კარგია, რომ მისი ჩართვა მხოლოდ საქართველოს ადვოკატთა ასოციაციის თანხმობით მოხდება. შესაძლოა, ჩვენ არც კი მივცეთ თანხმობა.აზერბაიჯანსა და სომხეთში ჩვენი ადვოკატები წარმატებით საქმიანობენ და რატომ უნდა ავუკრძალოთ მათ იგივე საქმიანობის განხორცილება საქართველოში?“
