მთავარი პროკურატურის განცხადებით, დაკავებულმა ადვოკატმა იმთავითვე განაცხადა, რომ მისი დაპატიმრებით დაინტერესებული იყო ხსენებული საგამოძებო სამსახურის საგამოძებო დეპარტამენტის ხელმძღვანელი დავით გაგნიძე, რადგან ისანი-სამგორის პროკურატურაში მუშაობისას ერთ-ერთ სისხლის სამართლის საქმესთან დაკავშირებით მასთან უკიდურესად დაეძაბა ურთიერთობა. ქუთათელაძე პასუხისგებაში მისცეს იმ საბაბით, რომ მან გაგნიძე დაწყევლა.სამართლებრივ მიზეზად კი გამოძებისთვის ხელისშეშლა დასახელდა.
2011 წელს ადვოკატი ქუთათელაძე ბათუმში იცავდა შ.ქუცნიაშვილისა და ი.ანანიძის ინტერესებს სხვადსახვა საქმეებზე. ერთ საქმეზე დამოუკიდებლად, მეორე შემთხვევაში კი მ.ცინცაძესთან ერთად. საქმის მასალებით, ადვოკატმა ქუთათელაძემ პატიმრების ოჯახის წევრები დაარწმუნა, რომ გარკვეული თანამდებობის პირებისათვის ქრთამის მიცემის გზით პროკურატურასთან საპროცესო შეთანხმებას მიაღწევდა და პატიმრებს ჯარიმის სანაცვლოდ გაათავისუფლებინებდა.
გამოძიების მასალებით ქუთათელაძე დაეუფლა 35 ათას დოლარს დამოუკიდებლად,ხოლო ქუცნიაშვილის შემთხვევაში 20 ათას ლარს თანამონაწილეებთან ერთად. თბილისის საქალაქო სასამართლოს მოსამართლე მერაბ ჯორბენაძემ ქუთათელაძის ადვოკატების მიერ წარდგენილი მტკიცებულება დაუშვებლად სცნო, საქმის არსებითი განხილვისას კი დარბაზიდან გააძევა განსასჯელიც და მისი ადვოკატიც. მოსამართლე ნაირა გიგიტაშვილის 2011 წლის 5 დეკემბრის განაჩენით საპროცესო შეთანხმების საფუძველზე ბრალდებულები ცინცაძე და სეხნიაშვილი დარბაზიდან გათავისუფლდნენ, ხოლო ადვოკატ ქუთათელაძეს 9 წლით თავისუფლების აღკვეთა მიესაჯა. საქმის სააპელაციო წესით განხილვისას პროცესზე გამომსვლელი პროკურორი შეიცვალა
საქმის მასალების შესწავლის შემდეგ გაირკვა, რომ ქუთათელაძის მამხილებელი მტკიცებულებები არ მოიპოვებოდა. ორივე ეპიზოდში სამხილად გამოყენებული იყო ცინცაძის ურთიერთგამომრიცხავი ჩვენებები, რაც სხვა მტკიცებულებებით გამყარებული არ ყოფილა.
უფრო მეტიც, ქუცნიაშვილის ეპიზოდში ცალსახად გამოიკვეთა რომ სეხნიაშვილის ხელშეწყობით ბრალდებულის ოჯახთან სატელეფონო კავშირის შედეგად სწორედ ცინცაძე დაეუფლა მთელ თანხას.ხოლო ადვოკატ ქუტათელაძესთან ბრალდებულის ოჯახს არანაირი შეტანხმება არ ჰქონია, და ქუთატელაძე ცინცაძსთვის ფულის გადაცემიდან რამდენიმე დრეში გაიცვნეს.
რაც შეეხება ანანიძს ეპიზოდს, საქმეში არსებული მტკიცებულებებით ქუთათელაძისთვის ჰონორარის გარდა სხვა თანხის გადახხდა არ დასტურდება.
გამოძების მიერ კრიტიკულად შეფასდა ის გარემოება, რომ ცინცაძემ დაზარალებულებს ერთპიროვნულად დაუბრუნა თანხა.ასევე მნიშვნელოვანია ის გარემოებაც, რომ ქუცნიაშვილების ოჯახმა .სამართალდამცავ ორგანებს ქუთათელაძის საქმიდან ჩამოცილებიდან წელიწადნახევრის შემდეგ მიმართა, ანანიძებმა კი 2 წლის შემდეგ.
აღსანიშნავია, რომ ადვოკატ ქუთათელაძის საქმე არაერთხელ გამხდარა ადგილობრივი და საერთაშორისო უფლებადამცველი ორგანიზაცების მსჯელობის საგანი.სააკაშვილის ხელსუფლების დროს ათობით ადვოკატი გასამართლდა სხვადასხვა ბრალდებებით.
