“რუსეთთან პირდაპირი ფრენების აღდგენის გამო, საქართველოში დაძაბულობა მატულობს”, – ამ სათაურით სტატიას The New York Times აქვეყნებს.
გამოცემა წერს, რომ პარასკევს, 19 მაისს, როცა რუსეთიდან საქართველოს მიმართულებით, სამ წელზე მეტი ხნის შემდეგ, პირველი რეისი გახორციელდა, მგზავრებს აეროპორტთან აქციით დახვდნენ, დემონსტრანტები კი მათ ქვეყანაში ჩასვლას აპროტესტებდნენ და აგინებდენ.
სტატიაში წერია, რომ აქციაზე ისმოდა შეძახილები: “რატომ მოხვედი აქ? შენი ქვეყანა ოკუპანტია”, აეროპორტის მიმდებარედ კი, მათივე ცნობით, დაახლოებითვ 200-მა მომიტინგემ გაშალა ბანერი წარწერით: “You are not welcome”.
“მე აქ მხოლოდ დასასვენებლად ვარ”, – უპასუხა ერთ-ერთმა მგზავრმა მედიას, რომელიც ფრენის დასახვედრად იყო შეკრებილი” – წერს გამოცემა.
სტატიაში ასევე აღნიშნულია, რომ ფრენების განახლება და პარასკევს გამართული არაერთი აქცია, რუსეთთან ურთიერთობის გამო, საქართველოში არსებულ დაძაბულობას უსვამს ხაზს და აჩვენებს სიფრთხილეს, რომელსაც ბევრი ქართველი გრძნობს იმ ქვეყანასთან დაახლოების გამო, რომელთანაც 15 წლის წინ ომი ჰქონდა, გასულ წელს კი უკრაინაში შეიჭრა.
The New York Times წერს, ქალს ხელში ქართული დროშა და აბრა უჭირავს: „არ მოგესალმები“.
ვიქტორ ყიფიანმა, კვლევითი ცენტრ Geocase-ის თავმჯდომარემ თბილისში, განაცხადა, რომ საქართველოს მთავრობა ცდილობს, შეასრულოს „დაბალანსების აქტი“ იმით, რომ შეინარჩუნოს საერთო პროდასავლური ორიენტაცია და ასევე, გამოიყენოს რუსეთის მეზობლად ყოფნის ეკონომიკური სარგებელი.
”ქვეყანა საკუთარი გეოგრაფიის ტყვეა”, – თქვა ბატონმა ვიქტორმა. ყიფიანი, რომელიც ასევე ადვოკატია, ამბობს ”უსაფრთხოების ძლიერი ქოლგის არარსებობის პირობებში, რა თქმა უნდა, მთავრობა ცდილობს, იყოს უფრო რბილი, ფრთხილი თავის ქმედებებში.”
გამოცემა იხსენებს ასევე აგვისტოს ომს _ ,,რუსეთი საქართველოში შეიჭრა 2008 წელს და მას აქვს სამხედრო კონტროლი მისი ტერიტორიის 20 პროცენტზე. გრაფიტი, რომელიც ამბობს: „რუსები სახლში მიდიან“ ჩვეულებრივი მოვლენაა თბილისში, საქართველოს დედაქალაქში. ნატოში გაწევრიანების გადაწყვეტილება ყოფილი საბჭოთა რესპუბლიკის კონსტიტუციაშია დაფიქსირებული.“ – წერს გამოცემა.
პარასკევს მოსკოვიდან Azimuth Airlines-ის ფრენის A4851 ჩასვლის შემდეგ, კავკასიის მთებში მდებარე პატარა საქართველომ მნიშვნელოვანი ნაბიჯი გადადგა მოსკოვთან მჭიდრო კავშირების დამყარებისკენ. ეს მოჰყვა პრეზიდენტ ვლადიმირ პუტინის 10 მაისის განკარგულებას, რომელიც ბრძანებს რუსეთიდან პირდაპირი ფრენების აღდგენისა და საქართველოს მოქალაქეებისთვის სავიზო რეჟიმის გაუქმების შესახებ.
The New York Times წერს, რომ საქართველოს პრემიერ-მინისტრმა ირაკლი ღარიბაშვილმა განაცხადა, რომ ფრენების აღდგენის გადაწყვეტილება მიღებულია „ქართველი ხალხის ინტერესების გათვალისწინებით“. მისი თქმით, საქართველოს არ ემუქრება დასავლური სანქციები, რადგან მთავრობა ქვეყანაში ოპერირების საშუალებას მისცემს მხოლოდ ავიაკომპანიებს, რომლებიც არ ექვემდებარებიან სანქციებს.
,,რუსეთსა და საქართველოს შორის ფრენების აღდგენის წინააღმდეგ პარასკევს საქართველოს პარლამენტის წინ საპროტესტო აქცია გაიმართა.
ოდესღაც პროდასავლური მკვლევარი, რომელმაც აჩვენა თავისი დაპირისპირება მოსკოვთან, როგორც მისი მზარდი დამოუკიდებლობის ნიშანი, საქართველო მოულოდნელად გამოჩნდა, როგორც ერთ-ერთი იმ რამდენიმე ყოფილი საბჭოთა რესპუბლიკიდან, რომელიც რუსეთთან დაახლოებას უკრაინაში შეჭრის შემდეგ უახლოვდება.“- წერს გამოცემა.
სტატიაში აღნიშნულია, რომ 2008 წელს საქართველომ საკუთარი ხუთდღიანი ომი აწარმოა ჩრდილოელ მეზობელთან, რის შედეგადაც მისი ორი რეგიონი მოსკოვის სამხედრო კონტროლის ქვეშ დატოვა. მას შემდეგ ქვეყნებმა გაწყვიტეს ყველა დიპლომატიური ურთიერთობა და არ აქვთ უახლოესი გეგმები მათი აღდგენა.
ყაზახეთმა და მეზობელმა სომხეთმა, სცადეს კრემლისგან დისტანცირება, მათი პოლიტიკური და ეკონომიკური მისწრაფებების დივერსიფიკაცია დასავლეთთან კავშირების ხელახალი ხაზგასმით. თუმცა, თბილისის მთავრობა, რომელსაც ხელმძღვანელობს პარტია „ქართული ოცნება“ ათწლეულზე მეტი ხნის განმავლობაში, გადაუდებელი გამოწვევის წინაშე დგას, რათა უზრუნველყოს მისი ძალაუფლების მუდმივი შენარჩუნება.
მთავრობის ყოფილმა მინისტრმა პაატა ზაქარეიშვილმა თქვა , რომ ამომრჩეველთა დაღლილობის შემდეგ მთავრობამ არჩევანი უფრო ავტორიტარულ და ანტიდასავლურ გზაზე გააკეთა.
„საბოლოოდ, აღმოჩნდა, რომ მხოლოდ რუსეთს შეეძლო დაეხმარება, რათა მათ ამ ფორმით შეინარჩუნონ მმართველობა“, – თქვა ზაქარეიშვილმა.
ავტორი
