პარლამენტარები ყველაზე მაღალი პრემიებით

მიღებული ინფორმაციიდან ირკვევა, რომ ყოველთვიურად პარლამენტის წევრები საშუალოდ პრემიის სახით იღებენ 280 ლარს, თუმცა, დამატებითი წახალისების სახით ორმაგი და სამმაგი ხელფასის ოდენობის თანხები გაიცემა აპრილში, ივნისში, ნოემბერში და დეკემბერში.

მთლიანობაში ორივე მოწვევის პარლამენტის წევრებზე 2012 წლის იანვრიდან 2013 წლის 31 იანვრის ჩათვლით პრემიის სახით გაცემულია 2 687 752 ლარი, მათ შორის 2012 წლის აპრილში – 421 825 ლარი, ივლისში – 948 332 ლარი, ნოემბერში – 439 565 ლარი, დეკემბერში – 451 535 ლარი.

საინტერესოა აგრეთვე ის ფაქტი, რომ წინა მოწვევის პარლამენტში პრემიების სახით წახალისებულნი იქნენ ლებორისტული პარტიის მიერ შექმნილი ფრაქციის წევრები: შალვა ნათელაშვილი – 8595 ლარი პრემია, კახაბერ ძაგანია –  8595 ლარი პრემია, იოსებ შატბერაშვილი – 8595 ლარი პრემია, გიორგი გუგავა – 8595 ლარი პრემია.

ცნობილია, რომ ლეიბორისტული პარტიის წევრები არც ერთხელ არ დასწრებიან წინა მოწვევის პარლამენტის სხდომებს რადგან ოფიციალურად ახდენდნენ მის ბოიკოტირებას. შესაბამისად აღნიშნული კიდევ ერთხელ ადასტურებს იმ გარემოებას, რომ პარლამენტში (ისევე როგორც სხვა საჯარო დაწესებულებებში) პრემიების გაცემა ხდება არა გაწეული ზეგანაკვეთური სამუშაოს შესრულების, განსაკუთრებული დამსახურების ან საქმიანობის წახალისების მიზნით, არამედ როგორც მხოლოდ სახელფასო დანამატი.

რაც შეეხება ყველაზე მაღალანაზღაურებად პარლამენტარებს (პრემიებს ვგულისხმობთ.ავტ), წინა და ახალი მოწვევის პირველი ხუთეული ასე გამოიყურება:

დავით ბაქრაძე _ 31 650,3, გიგი წერეთელი _ 27 450, 3, მიხეილ მჭავარიანი _ 27 280, 3, გიორგი გაბაშვილი _ 26 050,3, დავით დარჩიაშვილი _ 25 500,3.

რაც შეეხება ახალი მოწვევის პარლმენტარებს, მათი შემადგენლობა ასეთია: დავით უსუფაშვილი _ 9 162, მურმან დუმბაძე _ 8 831, მანანა კობახიძე _ 8 662, ზურაბ აბაშიძე _ 8 589, ზვიად ძიძიგური _ 8 562.

პარლამენტის აპარატის უფროსის სამდივნოს უფროსის, თინათინ ძნელაძის განცხადებით: “პარლამენტის თავმჯდომარის დავით უსუფაშვილის ინიციატივით, პარლამენტის წევრების (დეპუტატების) პრემირების წესი 2013 წლის იანვარში გაუქმნდა. ეს ნიშნავს რომ პარლამენტის ვერცერთი წევრი (დეპუტატი) პრემიას ვერ მიიღებს. მიიღებენ მოხლოდ ხელფასს (სარგოს). ეს იყო ერთ-ერთი პირველი, რაც ბოლო მოწვევის პარლამენტმა გააკეთა. გადაწყვეტილება 2013 წლის იანვარში შევიდა ძალაში.”