ხელფასების ნამატი დაახლოებით 30% შეადგენს და მისი ზრდა ამ თვიდან დაიწყება. საკრებულოს წევრის და ფრაქცია “საქართველოს პატრიოტთა ალიანსის” წევრის, ტარიელ მესხის განცხადებით, 180 ლარიანი ხელფასი მწირი იყო იმ შრომისთვის, რასაც ამ დაწესებულებებში დასაქმებული ადამიანები ასრულებდნენ. მისი თქმით, მსგავსი პრეცენდენტი გასულ წელს ქუთაისის ბაღების გაერთიანებებში მოხდა. მისივე თქმით, მალე იგივე მოხდება სპორტულ გაერთიანებებშიც.
“დღეს ჩვენი ფრაქციის ინიციატივით ხელფასები მოვუმატეთ კულტურის სახელოვნებო და სამუსიკო სკოლების თანამშრომლებს. ეს პროცესი დავიწყეთ ბაგა ბაღებიდან და აუცილებლად გავაგრძელებთ სპორტული სკოლების მიმართულებითაც. აქ მომუშავე ადამინები საკმაოდ დაჩაგრულები იყვნენ მათი ხელფასი 180 ლარი იყო და ასეთი ხელფასიის პირობებში რთულია ადამიანებს პროფესიონალიზმი მოსთხოვო” _ განაცხადა ტარიელ მესხმა.
