18 თებერვალს, ჩოხატაურში, “ქართული პარტიის” რაიონული ორგანიზაცია პარტიის თავმჯდომარემ, სოზარ სუბარმა დააფუძნა. პრეზენტაციაზე მისულებმა, გაკვირვება ვერ დავმალეთ _ “ქართულ პარტიაში”, ერთ დროს ნოღაიდელის პარტიის _ “სამართლიანი საქართველოსთვის” თითქმის მთელი შემადგენლობა დაგვხვდა.
ჩვენმა კომენტარმა, რომ თავი ნოღაიდელის პარტიაში გვეგონა, ამჯერად “ქართული პარტიის” ჩოხატაურის ოფისის ხელმძღვანელი აკაკი ჩხიკვიშვილი გააღიზიანა, რომელიც, როგორც გვახსოვს, ნოღაიდელის პარტიაზე ადრე კიდევ რომელიღაც პარტიას ლიდერობდა ჩოხატაურში:
_ ყველამ იცის, მე რატომაც ვიყავი ნოღაიდელის პარტიაში. მან მოგვატყუა და მასხრად აგვიგდო. ქუჩაში ვერ გამივლია, იმდენი ადამიანის ვალი მართებს პარტიას, _ ისეთი ტონით გვითხრა ჩხიკვიშვილმა, თითქოს ნოღაიდელს კი არა, ჩვენ გვქონოდა მისი ვალი.
აღსანიშნავია ისიც, რომ ჩოხატაური ერთადერთი მუნიციპალიტეტი არ არის, სადაც “ქართულ პარტიაში” რამდენიმე თვის წინ, ნოღაიდელის აქტიური მხარდამჭერები გაერთიანდნენ. ამავე პარტიის ოზურგეთის ოფისის ხელმძღვანელი გოჩა გორდელაძე, გასული წლის თვითმართველობის არჩევნებზე, სწორედ ნოღაიდელის პარტიამ მიამაგრა ჩოხატაურის ოფისს გასაძლიერებლად.
_ მე მესმის, რომ რაღაცეები არ მოგწონთ, მესმის, რომ ბევრი სამუშაოა. ამ ეტაპზე შეიქმნება პარტიის საორგანიზაციო კომიტეტი, რომელიც ერთი თვის ვადაში მომზადებას გაივლის და ამის შემდეგ გადავწყვეტთ, ვინ იქნება პარტიის თავმჯდომარე, _ ამბობს სუბარი.
სუბარის თქმით, ძირეული ცვლილებებისთვის ხელისუფლების შეცვლაა საჭირო, რის მისაღწევადაც არც აქციების დაწყებას გამორიცხავს, თუმცა, არ აკონკრეტებს, როდის და რა ფორმატში გამოიყვანს თანამოაზრეებს ქუჩაში:
_ საქართველოში ავტორიტარული რეჟიმის არსებობას წერტილს ჩვენი პარტია დაუსვამს, რომლის კონკრეტული მიზანი ხელისუფლების შეცვლა, ქვეყნის კრიზისიდან გამოყვანაა და ამ მიზანს აუცილებლად მივაღწევთ. მიზნისკენ მიმავალ გზაზე ჩვენ დიდ მნიშვნელობას ვანიჭებთ პარტიული სტრუქტურების მშენებლობას, რასაც თანმიმდევრულად ვაკეთებთ. აპრილის ბოლოსკენ პარტიული ინფრასტრუქტურა უკვე გამართული გვექნება და მისი მეშვეობით უკვე შესაძლებელი გახდება, წერტილი დაესვას საქართველოში ავტორიტარული რეჟიმის არსებობას, _ აღნიშნა სუბარმა.
სუბარს ჩოხატაურში ათიოდე მომხრე დახვდა, თუმცა, ყოფილ ომბუნდსმენს გული არ გაუტეხავს _ მისი თქმით, ყველაფერი წინაა და მალე ახალ სახეებსაც ვიხილავთ: _ ჩვენ ბომბების სროლას არ ვაპირებთ და არჩევნების გზით გვინდა ხელისუფლების დამარცხება. ამასთან, ნათელია, რომ დღევანდელი რეჟიმი სამართლიანი არჩევნების ჩატარებას არ აპირებს, ამიტომ მას უნდა დავანახოთ ჩვენი ძალა, რომელსაც ის ანგარიშს გაუწევს და რომლის წინაშეც უკან დაიხევს, _ თქვა სუბარმა.
თმანეთთან ნოღაიდელს და სუბარს
ნატო გოგელია
გურია ნიუსი
18 თებერვალს, ჩოხატაურში, “ქართული პარტიის” რაიონული ორგანიზაცია პარტიის თავმჯდომარემ, სოზარ სუბარმა დააფუძნა. პრეზენტაციაზე მისულებმა, გაკვირვება ვერ დავმალეთ _ “ქართულ პარტიაში“, ერთ დროს ნოღაიდელის პარტიის _ “სამართლიანი საქართველოსთვის” თითქმის მთელი შემადგენლობა დაგვხვდა.
ჩვენმა კომენტარმა, რომ თავი ნოღაიდელის პარტიაში გვეგონა, ამჯერად “ქართული პარტიის” ჩოხატაურის ოფისის ხელმძღვანელი აკაკი ჩხიკვიშვილი გააღიზიანა, რომელიც, როგორც გვახსოვს, ნოღაიდელის პარტიაზე ადრე კიდევ რომელიღაც პარტიას ლიდერობდა ჩოხატაურში:
_ ყველამ იცის, მე რატომაც ვიყავი ნოღაიდელის პარტიაში. მან მოგვატყუა და მასხრად აგვიგდო. ქუჩაში ვერ გამივლია, იმდენი ადამიანის ვალი მართებს პარტიას, _ ისეთი ტონით გვითხრა ჩხიკვიშვილმა, თითქოს ნოღაიდელს კი არა, ჩვენ გვქონოდა მისი ვალი.
აღსანიშნავია ისიც, რომ ჩოხატაური ერთადერთი მუნიციპალიტეტი არ არის, სადაც “ქართულ პარტიაში” რამდენიმე თვის წინ, ნოღაიდელის აქტიური მხარდამჭერები გაერთიანდნენ. ამავე პარტიის ოზურგეთის ოფისის ხელმძღვანელი გოჩა გორდელაძე, გასული წლის თვითმართველობის არჩევნებზე, სწორედ ნოღაიდელის პარტიამ მიამაგრა ჩოხატაურის ოფისს გასაძლიერებლად.
_ მე მესმის, რომ რაღაცეები არ მოგწონთ, მესმის, რომ ბევრი სამუშაოა. ამ ეტაპზე შეიქმნება პარტიის საორგანიზაციო კომიტეტი, რომელიც ერთი თვის ვადაში მომზადებას გაივლის და ამის შემდეგ გადავწყვეტთ, ვინ იქნება პარტიის თავმჯდომარე, _ ამბობს სუბარი.
სუბარის თქმით, ძირეული ცვლილებებისთვის ხელისუფლების შეცვლაა საჭირო, რის მისაღწევადაც არც აქციების დაწყებას გამორიცხავს, თუმცა, არ აკონკრეტებს, როდის და რა ფორმატში გამოიყვანს თანამოაზრეებს ქუჩაში:
_ საქართველოში ავტორიტარული რეჟიმის არსებობას წერტილს ჩვენი პარტია დაუსვამს, რომლის კონკრეტული მიზანი ხელისუფლების შეცვლა, ქვეყნის კრიზისიდან გამოყვანაა და ამ მიზანს აუცილებლად მივაღწევთ. მიზნისკენ მიმავალ გზაზე ჩვენ დიდ მნიშვნელობას ვანიჭებთ პარტიული სტრუქტურების მშენებლობას, რასაც თანმიმდევრულად ვაკეთებთ. აპრილის ბოლოსკენ პარტიული ინფრასტრუქტურა უკვე გამართული გვექნება და მისი მეშვეობით უკვე შესაძლებელი გახდება, წერტილი დაესვას საქართველოში ავტორიტარული რეჟიმის არსებობას, _ აღნიშნა სუბარმა.
სუბარს ჩოხატაურში ათიოდე მომხრე დახვდა, თუმცა, ყოფილ ომბუნდსმენს გული არ გაუტეხავს _ მისი თქმით, ყველაფერი წინაა და მალე ახალ სახეებსაც ვიხილავთ: _ ჩვენ ბომბების სროლას არ ვაპირებთ და არჩევნების გზით გვინდა ხელისუფლების დამარცხება. ამასთან, ნათელია, რომ დღევანდელი რეჟიმი სამართლიანი არჩევნების ჩატარებას არ აპირებს, ამიტომ მას უნდა დავანახოთ ჩვენი ძალა, რომელსაც ის ანგარიშს გაუწევს და რომლის წინაშეც უკან დაიხევს, _ თქვა სუბარმა.
