(გურია ნიუსი, ოზურგეთი) _ ჩვენი წყაროს ცნობით, ოზურგეთში, ენერგო და სასურსათო ვაუჩერების დარიგება ჯერ კიდევ დაუსრულებელია. წყაროს თქმით, სოფელ შემოქმედში 50 ოჯახს არ აქვს მიღებული ვაუჩერი. როგორც ოზურგეთის მუნიციპალიტეტის გამგებლის მოადგილე, ლავრენტი ქვილორია ამბობს, ვაუჩერები 500 ოჯახს არ აქვს მიღებული და ისინი ამ კვირაში აუცილებლად მიიღებენ: _ ვისაც ჰქონდა დაწერილი განცხადება, ისინი აუცილებლად მიიღებენ, არავინ არ დარჩება ვაუჩერის გარეშე, _ ამტკიცებს ქვილორია.
